SHARUNG SHAYAWT 4:1 - Jinghpaw Hanson Version Bible

¹ Aja gaw kaning rai sum mat sahka! Jet ai ja gaw kaning rai galai mat sahka! Chyoi pra ai nta na nlung ni gaw, mare lam njut nnaw hkan e jawng nga ma ai.

Jinghpaw Common Language Bible 2009

¹ Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

SHARUNG SHAYAWT 4:1 ပူးပေါင်းရင်းမြစ်များ

ESAIA 1:21

Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

ESAIA 14:12

Jahpawt manap a kasha, nhtoi gintawng e, nang gaw sumsing lamu na di hkrat wa nit hka! Amyu baw ni hpe zingri ai wa e, ga du hkra kran daw kau ai hkrum nit hka!

YEREMIA 52:13

Shi gaw Yehowa a nta hte hkawhkam htingnu hpe mung, Yerusalem mare e nga ai nta kaba ni nlang hte hpe mung, nat kau wu ai.

SHARUNG SHAYAWT 2:19

Rawt u, shana ladaw da ai aten hkan nna jahtau u; Madu a man e na a myit masin hpe ntsin zawn ru dat u: Kawsi ai majaw lam she shagu hkan e htan mat ai, na a ma kaji ni a asak jahkrung da na lam, shi hpang de na a lata ladawn u.

EZEKELA 22:18

“Masha kasha e, Israela dap gaw, nye a man e gumhpraw hkyi tai masai; shanhte nlang bunghkrawng hta rawng ai gagri, ajang, ahpri, achyu zawn rai nga nna, gumhpraw hte hka ai hkyi tai mat ma ai.

MIHKA 1:6

Dai re ai majaw, ngai gaw, Samari mare hpe pa ga na nlung sumpum hte, tsabyi sun galaw ai shara zawn shatai nna, de a nlung ni hpe kadit e sharu kau nhtawm, bunghku npawt ni hpe shadawng dan nngai.

MAHTE 24:2

Shi mahtang shanhte hpe, Ndai yawng hpe nanhte mada mu ai, n rai ni? Ngai nanhte hpe teng teng tsun made ga, Dai hpe e n run n hpya ai sha nlung langai mi a ntsa e langai mi muk n mara hkra rai mat na ra ai, ngu nna shanhte hpe tsun wu ai.

MARKU 13:2

Yesu gaw, “Ndai kaba ai wahpang ni hpe nang mada nu ni? nang e, n run n hpya ai sha, nlung langai mi a ntsa e langai mi muk n mara hkra, rai mat na ra ai,” ngu nna shi hpe tsun wu ai.