SHARUNG SHAYAWT 2:9 - Jinghpaw Hanson Version Bible

⁹ Shi a chyinghka ni gaw ga hta lupwa nna, shi gaw de a htinggrang ni hpe agrawp kau nu ai: Shi a hkawhkam hte du salang ni gaw, tara n chye ai amyu hta lawm mat ma ai; Gaja wa shi a myihtoi ni gaw, Yehowa kaw na shingran n hkam la lu ma ai.

Jinghpaw Common Language Bible 2009

⁹ Mare chyinghka ni adaw atang rai, ga hta lup taw nga nna, shanhte a chyinghka htinggrang ni adaw atang rai agrawp daw mat manu ai. Hkawhkam wa hte arawng lu ai du magam ni bawng dung hkrum nga masai. Tara a lam n sharin la nga ma ai, myihtoi ni mung dai Madu kaw na shingran hpa mung n hkam la lu nga ma ai.

SHARUNG SHAYAWT 2:9 ပူးပေါင်းရင်းမြစ်များ

2 HKAWHKAM 25:7

Zedekia man e shi a kashu kasha ni hpe sat kau ai hte, shi a myi hpe achyaw baw kau ya nna, hkang hkyihkyang hte gyit nhtawm, Babelon mare de woi wa mu ai.

2 HKAWHKAM LABAU 15:3

Ya nhtoi na na wa Israela amyu hta tengman ai Karai Kasang n nga ai:

NEHEMIA 1:3

“Shaloi shanhte gaw, bawng dung kaw na lawt nna, mungdaw ni hta ngam nga ai ni gaw, tsin-yam tsindam, shoihpa shoirang law law wa hkrum ma ai: Yerusalem a bunghku ni gaw run agrawp mat nna, mare chyinghka ni mung, hkru mat ma masai,” nga nna ngai hpe tsun ma ai.

SHAKAWN KUNGDAWN 74:9

Anhte a kumla ni hpe anhte n mu lu gaw ai: Ya aten e myihtoi n pru n nga ai; Anhte hta ladaw langa chye ai masha n nga ai.

ESAIA 24:12

Mare kata e shingran katsi ai hkrai ngam nga nna, mare chyinghka gaw agrawp run kau ai hkrum nga ai.

YEREMIA 14:14

Shaloi Yehowa gaw, Dai myihtoi ni nye a mying gang nna, masu ga htoi ma ai; ngai shanhte hpe shangun ai n rai, hkang da ai mung n rai, shingran madun ai mung n rai: shanhte nanhte hpe htoi ai lam gaw, masu ai shingran, shaba wawt ai ga, myi le le ai hte tinang a n hkru ai nyan maw ai hku hkrai, rai nga ai.

YEREMIA 23:16

Zaw nawng zaw wa up ai Yehowa ning nga ai: Myihtoi htoi nna, nanhte hpe hkaw tsun ai myihtoi ni a ga hpe hkum madat myit; shanhte gaw nanhte hpe kaman lila hkaw tsun ma ai: Yehowa n-gup hta na pru ai mungga n rai, tinang myit hta na pru ai shingran hkrai, hkaw tsun ma ai.

YEREMIA 39:2

Shanhte gaw, Zedekia hkaw dung ai shi langai ning shata mali man a jahku ya shani e, mare hpe tawk waw mu ai.

YEREMIA 39:8

Dai hta kaga Hkalde masha ni gaw, hkawhkam htingnu hte mung masha ni a nta ni hpe nat kau nna, Yerusalem mare bunghku ni hpe run kau mu ai.

YEREMIA 51:30

Babelon mare na share ninghkrin ni gaw, hpyen n gasat hkraw ai, hpyen dap ni hta nga nga ma ai; shanhte gawng kya nna, num zawn tai mat masai; mare masha ni a shanu ai shara ni wan hkru nna, chyinghka htinggrang ni agrawp mat sai.

YEREMIA 52:14

Shi hte rau nga ai Hkalde hpyen ma ni mung, Yerusalem mare a bunghku ni hpe run kau mu ai.

SHARUNG SHAYAWT 1:3

Yuda gaw nni nkri hte mayam amu kaba hkrum ai majaw, bawng dung wa sai; Shi gaw maigan amyu ni hta dung nna, gan ga lu na n rai: Hkan shachyut ai ni yawng, gyip ai shara e shi hpe dep mu ai.

SHARUNG SHAYAWT 4:15

Masha ni gaw, Yen mu, n san n seng ai majaw, yen mu, yen mu; shanhte hpe hkum hkra myit, nga nna jahtau ma ai. Shanhte hprawng nna brak hkawm nga ma yang, “Shanhte gaw ndai yang bai shanu nga na n rai;

SHARUNG SHAYAWT 4:20

Anhte a nsai nsa ngu ai, Yehowa a namman chya ai wa gaw, shanhte a nhkun hta rim la hkrum sai, Anhte mahtang, “Ndai wa a shingnip npu e, masha amyu ni hta anhte nga nga lu na ga ai,” nga nna tsun yu saga ai.

EZEKELA 12:13

Ngai gaw nye a sumgawn hte shi hpe ka-up nna, nye a mahkam hta lu shangun na nngai: Hkalde a mung, Babelon mare de ngai shi hpe woi wa na nngai: dai mung hta e shi si timung, dai hpe mu lu na n rai.

EZEKELA 17:20

Ngai gaw nye a sumgawn hte shi hpe ka-up nna, nye a mahkam hta lu shangun nhtawm, Babelon mare de shi hpe woi wa nna, nye a ga hpe tawt lai kau ai yubak majaw, dai yang e shi hpe dawdan na nngai.

EZEKELA 7:26

Tsin-yam langai hpang langai, shiga langai hpang langai, paw pru na ra ai; shanhte gaw myihtoi grau timung, shingran n mu lu ma ai; hkinjawng wa gaw tara tsun na ahkang, salang ni gaw hpaji daw na ahkang, n lu na mara ai.

HOSEA 11:6

Tinang a hpaji daw ai lam majaw, nhtu tsin-yam gaw, shanhte a mare ni a ntsa e du nna, mare htinggrang ni hpe agrawp kau ai hte shamyit kau na ra ai.

HOSEA 3:4

Kaning rai nme law, Israela kashu kasha ni gaw, nhtoi na na wa hkawhkam n lu, du mung n pru, shagu hkungga n nawng ya, masat dingsat shadaw kata, hpa hkai lawng hte terahpim sumla n lu ai, nga nga na mara ai.

AMO LAIKA (AMOS) 1:5

Damasku a chyinghka htinggrang hpe ngai agrawp kau nna, Awen kadit e shanu nga ai ni hte, Eden nta na du sumdoi lang ai wa hpe, shamyit kau na nngai: Suri masha ni gaw, Kira mung de bawng dung sa wa na mara ai, nga nna Yehowa tsun ai.

TARA JAHPRANG 28:36

“Yehowa gaw nang hte na a ntsa e nang shadun ai hkawhkam wa hpe, nang mung n chye, na nji nwa ni mung n chye ai amyu hpang de woi mat wa na marin dai rai nna, dai yang e hpun hpara, nlung hpara re ai Hpara shaje ni hpe nawku lu na marin dai.

TARA JAHPRANG 28:63

Nang hpe chyeju hte karum nna shalaw jahtam ai amu hta Yehowa awng sharawng wu ai zawn, nang hpe hpya nna shayawm shagrit ai amu hta awng sharawng na wu ai rai nna, nang wa shang sha na rin dai mung hta na ningli shamyit kau ai hkrum na rin dai.

1 SAMUELA 28:6

Shawlu gaw Yehowa kaw san wu timung, Yehowa n htan ya wu ai; yup mang hta mung, Urim hta mung, myihtoi hta mung, n htan ya wu ai.