SHARUNG SHAYAWT 2:8 - Jinghpaw Hanson Version Bible

⁸ Yehowa gaw Ziun shayi sha a bunghku hpe agrawp kau na maw nga ai: Shi gaw shadawn sumri hpe gran nna, jahten shabyak na matu, shi a lata dawm la ai n rai: Shi gaw kaduk hte bunghku sharung shayawt shangun nna, dai ni rau nyawp mat ma ai.

Jinghpaw Common Language Bible 2009

⁸ Dai Madu gaw Ziun a bunghku ni hpe agrawp daw kau na nga nna, myit daw dan da wu ai; Shi gaw dai mare hpe teng teng atsai awai shamyit kau na matu dai ni hpe shen dingdaw da nu ai. Ya chyawm gaw langchyi ni hte bunghku ni rau sha agrawp taw mat sai.

SHARUNG SHAYAWT 2:8 ပူးပေါင်းရင်းမြစ်များ

2 SAMUELA 8:2

Moba mung hpe mung shi gasat nna, mung masha ni hpe ga e kaleng tawn nhtawm sumri hte shadawn jahka nna, htam masum na htam lahkawng sat kau wu ai; htammi sha jahkrung da wu ai. Shing rai Moba masha ni mung Dawi kaw yam nna, hkanse bang ma ai.

2 HKAWHKAM 21:13

Samari mung hpe shadawn yu ai sumri hte, Ahab a nta na ni hpe shadawn yu ai chyu noi ai sumri e nan, Yerusalem mare ntsa e ngai shadawn yu nna, masha gaw wan hpe katsut kau nhtawm ka-up kau ai zawn, ngai Yerusalem hpe di na we ai.

YOBA 13:21

Na a lata ngai kaw na tsan tsan dawm la u; na hkrithpa hte ngai hpe hkum jahkrit shama et.

ESAIA 22:5

Kaning rai nme law, Zaw nawng zaw wa up ai Madu Yehowa a majaw, dai shani gaw, Shingran kadit hta e, kaming kamawng, kabye kau da nna, shoihpa shoirang hkrum ai hte, mare bunghku ni hpe run kau nna, bum ni hpe jahtat ai shani, rai na ra ai.

ESAIA 28:17

Dai hta kaga ngai gaw, tara ding ai hpe mahkret sumri, dinghpring ai hpe shadawn chyu shatai nna, sin laru gaw masu matsa ga a shingbyi shara jahkoi kau ai hte, hka hpungla ni gaw makoi shara hpe lim kau na ra ai.

ESAIA 3:26

Shi a chyinghka ni gaw hkrap ngu hkrap ngoi let sharung shayawt na mara ai: shi gaw shingran katsi ai shara e ga hta dung nga na ra ai.

ESAIA 34:11

Wunpu u hte dumsi ni dai mung hpe madu nna, du du di di hte u hka ni dai hta shanu nga na mara ai: Yehowa gaw dai mung a ntsa e akrin ayang ngu ai shadawn sumri hte, asan awan ngu ai shadawn nlung hpe, dat dat na ra ai.

ESAIA 5:5

Ya nye a tsabyi sun hta ngai galaw na lam ngai nanhte hpe tsun dan made ga: de a nhpan hpe ngai run kau nna, masha ni dai hpe sha kau na mara ai: de a bunghku hpe ngai hpya kau nna, dai gaw kabye kau ai hkrum na ra ai.

YEREMIA 5:10

“De a bunghku ntsa e lung nna jahten shabyak mu; rai timung htum hkra hkum di mu: de a lakung ni hpe krum kau mu; dai ni Yehowa hte n seng nga ai.

YEREMIA 52:13

Shi gaw Yehowa a nta hte hkawhkam htingnu hpe mung, Yerusalem mare e nga ai nta kaba ni nlang hte hpe mung, nat kau wu ai.

SHARUNG SHAYAWT 2:17

Yehowa gaw, shi maw ai hku shabyin nu ai; moi kaw nna shi tsun ai ga hpe shadik nu ai; N lahpawt ai shi agrawp kau nu ai: Shi gaw hpyen wa hpe, na ntsa e kabu shangun nu ai; nang hpe hpyen gasat ai ni a nrung hpe, shatsaw nu ai.

SHARUNG SHAYAWT 2:18

Shanhte a myit masin Madu hpe jahtau nga ai; Ziun shayi sha bunghku e, na a myi prwi gaw, hka nu zawn, shani shana lwi u ga: Tinang dai hkum jasim kau et; na a myi tum hpe mung hkum magap kau et.

SHARUNG SHAYAWT 2:2

Madu gaw matsan n dum ai, Yaku a shara ni yawng hpe mayu kau nu ai; Shi pawt bu ai hte Yuda shayi sha a hpyen dap ni hpe sharun kau nu ai: Shi dai dap ni hpe ga de jahkrat kau nna, mungdan hte du salang ni hpe awu asin di kau manu ai.

SHARUNG SHAYAWT 2:5

Madu gaw hpyen wa zawn tai nna, Israela hpe mayu kau nu ai; Shi gaw htingnu ni mahkra hpe mayu kau nna, shi a hpyen dap ni hpe run kau nu ai; Shi gaw Yuda shayi sha a yawn hkyen ai hte sharung shayawt ai hpe, shalaw nu ai.

EZEKELA 20:22

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nna, nye a lata dawm la nngai: