SHARUNG SHAYAWT 2:6 - Jinghpaw Hanson Version Bible

⁶ Shi gaw shi a wang hpe sun zawn aja awa la kau nna, shawa zuphpawng shara hpe jahten shabyak kau nu ai; Ziun mare e galaw ai ndat da ai poi hte, laban nhtoi hpe, Yehowa malap kau shangun nu ai: Shi pawt sindawng let, hkawhkam wa hte hkinjawng wa hpe mung, n kaw n law di kau nu ai.

Jinghpaw Common Language Bible 2009

⁶ Shi gaw anhte shi hpe nawku ai Nawku Htingnu shara hpe adaw atang di agrawp daw kau nu ai; Shi gaw dai chyoi pra ai nhtoi ni hte Bansa Nhtoi ni hpe mung jahtum kau nu ai. Hkawhkam wa hte hkinjawng wa mung shi a pawt sindawng ai n-gun hpe maren hkam sha manu ai.

SHARUNG SHAYAWT 2:6 ပူးပေါင်းရင်းမြစ်များ

SHAKAWN KUNGDAWN 74:7

Na a chyoi pra ai shara hpe shanhte nat kau mu ai; Na a mying nsang nga ai shara hpe, Shanhte ga du hkra awu asin di kau mu ai.

SHAKAWN KUNGDAWN 76:2

Shalem hta e, shi a sum nga nga nna, Ziun bum hta e, shi a shanu shara rai nga ai.

SHAKAWN KUNGDAWN 80:12

Dai yang hprang ai ni nlang de a asi hpe di kau lu mu ga, Nang hpa majaw de a bunghku ni hpe, run kau wu ta?

SHAKAWN KUNGDAWN 89:40

Shi a shakum nlang hte hpe nang run kau nna, Shi a bunghku ni hpe marawng marang di kau ya nu ai.

ESAIA 1:13

Kaman lila shagu hkungga hpe hkum jaw kahtap myit; manam pyaw ai kumhpa hpe ngai matsat nngai: shata praw shani, laban nhtoi, shawa zuphpawng hpe, ngai n ra nngai: nawku zuphpawng let, yubak hkrai galaw ai hpe, ngai n sharang lu nngai.

ESAIA 1:8

Ziun shayi sha gaw, tsabyi sun wa, kumgyin sun sum hte, wang tawn hkrum ai mare zawn, gram nga ai.

ESAIA 43:28

Dai re ai majaw Chyoi pra ai shara na du ni hpe, ngai awu asin di kau se ai; Yaku hpe dagam dala, Israela hpe shatan nhkan shara, ngai shatai kau se ai.

ESAIA 5:5

Ya nye a tsabyi sun hta ngai galaw na lam ngai nanhte hpe tsun dan made ga: de a nhpan hpe ngai run kau nna, masha ni dai hpe sha kau na mara ai: de a bunghku hpe ngai hpya kau nna, dai gaw kabye kau ai hkrum na ra ai.

ESAIA 5:6

Ngai dai hpe shakrin kau na we ai; kadai mung lakung ni hpe n krum kau ai hte, aga hpe htu kapun na n rai: ju hpun amyu myu tu pru na ra ai; de a ntsa e marang n htu u ga, ngai sumwi ni hpe hkang da na we ai.

ESAIA 63:18

Na a chyoi pra ai amyu gaw dai hpe chyahkring mi sha up lu ai hpang, anhte hpe hpyen ai ni, na a chyoi pra ai nawku nta hpe, kabye lai kau ma ai.

ESAIA 64:11

Ji wa ni nang hpe shakawn kungdawn ai shara, anhte a chyoi pra ai hte tsawm hkik ai nawku htingnu gaw, hkru mat sai; anhte a ngwipyaw ai shara ni yawng, atsai awai rai mat sai.

YEREMIA 17:27

Rai timung nanhte gaw nye a ga n madat ai hte, laban nhtoi hpe n shachyoi shapra ai; dai nhtoi e Yerusalem mare chyinghka ni hta lit gun hpai jashawn nga ai rai yang gaw, dai mare chyinghka ni hpe ngai wan nat nna, dai wan gaw n krip ai, Yerusalem htingnu ni hpe hkru kau na ra ai, nga ai.

YEREMIA 42:18

Kaning rai nme law, Israela Karai Kasang Zaw nawng zaw wa up ai Yehowa ning nga ai: Ngai gaw Yerusalem masha ni a ntsa e, nye a pawt sindawng ai hte myit kahtet ai hpe ru bun ai hte maren, nanhte Egutu mung de shang jang, nye a myit kahtet ai hpe ngai nanhte a ntsa e ru bun nna, nanhte gaw matsa mawa, mauhpa shara, dagam dala shara hte shatan nhkan shara tai na myit dai; nanhte htawm hpang de ndai shara hpe mu lu na n rai.

YEREMIA 45:4

Yehowa ning nga ai, Shi hpe ning ngu htawn tsun u: Yu u, ngai galaw da ai hpe, ngai run kau na nngai; ngai hkai da ai ngu ai, ndai mung ting hpe, ngai baw kau na nngai.

YEREMIA 50:28

Babelon mare kaw na hprawng pru nna, anhte a Karai Kasang Yehowa matai dawp ai aten hte, shi a nawku Htingnu a majaw matai htang ai lam, Ziun mare hta gat shana ya ai ni a nsen, madat mu law.

SHARUNG SHAYAWT 1:4

Kadai mung poi de n sa ai majaw, Ziun a lam ni yawn nga ai; De a chyinghka ni yawng shingran katsi nga ai; hkinjawng ni madai nga ma ai; Mahkawn ni yawn nga nna, shi hkum nan myit ru nga ai.

SHARUNG SHAYAWT 4:16

Yehowa a myi man shanhte hpe shabra kau manu ai; shi shanhte hpe bai yu na n rai; Shanhte gaw hkinjawng ni hpe n kaw n law di nna, salang ni hpe hkungga ma ai n rai,” nga nna masha amyu baw ni hta tsun shajang nga ma ai.

SHARUNG SHAYAWT 4:20

Anhte a nsai nsa ngu ai, Yehowa a namman chya ai wa gaw, shanhte a nhkun hta rim la hkrum sai, Anhte mahtang, “Ndai wa a shingnip npu e, masha amyu ni hta anhte nga nga lu na ga ai,” nga nna tsun yu saga ai.

SHARUNG SHAYAWT 5:12

Du ni hpe, tinang a lata hte noi da mu ai; Salang ni hpe hkungga ma ai, n rai.

EZEKELA 17:18

Kaning rai nme law, shi gaw, ga shaka hpe run kau nna, dagam ai ga hpe n kaw n law di kau nu ai; yu u, shi gaw lata matut nhtawm, dai lam mahkra hpe galaw nu ai: shi lawt lu na, n rai.

JAW JAU 26:31

Nanhte a mare ni hpe ngai nam shatai nna, nanhte a nawku nta ni hpe akrin atsai hpya kau na we ai: nanhte a manam pyaw sangau mung ngai manam ya na n rai.

ZEHPANI 3:18

Nang hte seng nna, ndat da ai poi a lam myit yawn ai ni hpe, ngai shinggyin la na nngai: shatan nhkan hkrum ai lit, shanhte a matu li la nga ai.

MALAHKI 2:9

Dai rai nna, nanhte gaw nye a lam n hkan ai hte, tara dara yang, myi man tau ai majaw, amyu masha ni mahkra a man e, ngai nanhte hpe nhpu nru di nna, shayuk kau na nngai.