SHARUNG SHAYAWT 2:4 - Jinghpaw Hanson Version Bible

⁴ Hpyen wa zawn shi ndan shachyen nna, shi a hkra lata sharawt let, gumlau ni a maga e tsap nga ai; Tsawm htap ai ni yawng hpe, shi sat kau nu ai; Ziun shayi sha a sum kata de, wan zawn shi a pawt sindawng ai hpe ru dat nu ai.

Jinghpaw Common Language Bible 2009

⁴ Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

SHARUNG SHAYAWT 2:4 ပူးပေါင်းရင်းမြစ်များ

2 HKAWHKAM LABAU 34:21

Ndai mu hkrup ai laika a mungga a lam, nye a matu mung, Israela hte Yuda mung hta naw ngam nga ai ni a matu mung, Yehowa hpe sa san yu mu: kaning rai nme law, ndai laika hta ka da mada hte maren, anhte a ji wa ni Yehowa ga n hkan nga ai majaw, Yehowa a pawt sindawng ai gaw anhte a ntsa e ru bun nga ai, ngu dat mu ai.

2 HKAWHKAM LABAU 34:25

Hpa majaw nga yang, shanhte ngai hpe kau da nna, shanhte a lata e galaw ai amu hte ngai hpe pawt sindawng shangun na nga, Hpara shaje ni a man e manam pyaw ai baw nat nawng ya ma ai; dai re ai majaw, ndai shara a lam nye a pawt sindawng ai wan grung nga nna, krip wa na n rai, nga ai.

YOBA 19:11

Shi ngai hpe sindawng kahtet nna, hpyen wa langai mi zawn, ngai hpe nawn nngai.

YOBA 6:4

N-gun chyalai rawng ai wa a pala ni ngai hta jung nna, nye a wenyi gaw de a gung hpe chyup la nga ai: Karai Wa a hkrithpa ni, ngai hpe htim na, hkyen ma ai.

SHAKAWN KUNGDAWN 37:14

Nni nkri hkrum ai ni hte matsan mayan ni hpe kataw mu ga, lam ding ding hkan ai ni hpe sat kau na nga, tara n lang ai ni nhtu shaw nna, ndan shachyen nga ma ai.

SHAKAWN KUNGDAWN 7:13

Dai wa hpe shi a jasi ai arai ni shi shading nna, Shi a pala ni hpe ju jahkyeng da nu ai.

ESAIA 42:25

Dai re ai majaw, shi a pawt sindawng ai hte shi hpyen gasat ai hpe shanhte a ntsa e shi ru bun nna, shanhte a grup yin e wan hkru timung n dum ma ai, wan hkru hkrum timung, hpa n nawn ma ai.

ESAIA 63:10

Shanhte chyawm gaw gumlau nna, shi a Chyoi pra ai Wenyi hpe shayawn mu ai: dai re ai majaw, shi shanhte hpe hpyen ai wa tai nna, shi nan shanhte hpe hpyen gasat mu ai.

ESAIA 63:6

Shaloi nye a pawt sindawng ai hte, amyu baw ni hpe ngai kabye kau nna, nye a myit kahtet ai hte shanhte hpe nang shangun mawe ai; shanhte a asai hpe mung ga de ngai ru kau ya nngai.

YEREMIA 10:20

Nye a sum hten mat sai; nye a sumri ni yawng dut mat sai: ngai sha ni mung, ngai kaw na pru nna mat mat masai; nye sum hpe gap ai wa, nye nba grang ni hpe grang ai wa, ya kaw nna n nga sai.

YEREMIA 21:12

Dawi a dap e, Yehowa ning nga ai: jahpawt shagu dinghpring ai hku tara dara mu; kashun kashe hkrum ai wa hpe, zingri ai wa a lata na mawai la mu; shing n rai, nanhte a n hkru ai amu majaw, nye a pawt kahtet ai myit, kadai n sat lu ai wan zawn, hkru na ra ai.

YEREMIA 21:5

Ngai hkum nan, pawt sindawng ai, myit kahtet ai, grai n-yun bu ai hte, ladawn ai lata, n-gun ja ai lahpum hte, nanhte hpe hkap gasat na nngai.

YEREMIA 30:14

Na a jinghku ni yawng, nang hpe malap kau ma ai; nang hpe tam ma ai, n rai: na a yubak kaba nga ai hte, na a shut hpyit ai law htam wa ai majaw, ngai gaw hpyen wa zawn nang hpe jahpye nna, gumshem wa zawn ari jaw de ai.

YEREMIA 36:7

shanhte langai hte langai tinang hkan ai n hkru ai lam hpe koi kau let, Yehowa hpe hpyi tawngban dam ma nhten; ndai amyu hpe Yehowa tsun ai myit kahtet ai hte pawt sindawng ai gaw, grai ja la nga ai, ngu nna htet da wu ai.

YEREMIA 4:4

Yuda hte Yerusalem masha ni e, Yehowa matu mara tinang dai matu gadoi hkam mu; nanhte a myit masin a hpyi magap hpe hkoi kau mu; shing n rai, nanhte a n hkru n hkra ai amu majaw, nye a pawt sindawng ai gaw wan zawn pru nna, kadai n sat lu hkra hkru na ra ai.

YEREMIA 42:18

Kaning rai nme law, Israela Karai Kasang Zaw nawng zaw wa up ai Yehowa ning nga ai: Ngai gaw Yerusalem masha ni a ntsa e, nye a pawt sindawng ai hte myit kahtet ai hpe ru bun ai hte maren, nanhte Egutu mung de shang jang, nye a myit kahtet ai hpe ngai nanhte a ntsa e ru bun nna, nanhte gaw matsa mawa, mauhpa shara, dagam dala shara hte shatan nhkan shara tai na myit dai; nanhte htawm hpang de ndai shara hpe mu lu na n rai.

YEREMIA 7:20

“Dai re ai majaw, Madu Yehowa ning nga ai: Yu u, ndai shara ntsa e mung, masha hte yamnga ntsa e mung, pa ga na hpun ni hte yi hkauna nsi naisi a ntsa e mung, nye a pawt sindawng ai hte myit kahtet ai hpe ngai ru dat nna, dai gaw n krip ai, hkru nga na ra ai.”

SHARUNG SHAYAWT 1:13

Nye a nrut nra ni hpe a mani di kau na, ntsa de na wan shi shangun dat wu ai. Nye a lagaw lu na matu shi mahkam hkam nna, ngai hpe shabai kau ni ai: Shani tup myit garen ai hte gawng kya shangun nngai.

SHARUNG SHAYAWT 2:5

Madu gaw hpyen wa zawn tai nna, Israela hpe mayu kau nu ai; Shi gaw htingnu ni mahkra hpe mayu kau nna, shi a hpyen dap ni hpe run kau nu ai; Shi gaw Yuda shayi sha a yawn hkyen ai hte sharung shayawt ai hpe, shalaw nu ai.

SHARUNG SHAYAWT 3:3

Gaja wa shi a lata, ngai hpe shani tup, atit anang ari jaw nga ai.

SHARUNG SHAYAWT 4:1

Aja gaw kaning rai sum mat sahka! Jet ai ja gaw kaning rai galai mat sahka! Chyoi pra ai nta na nlung ni gaw, mare lam njut nnaw hkan e jawng nga ma ai.

SHARUNG SHAYAWT 4:11

Yehowa gaw shi a myit kahtet ai shakawp nna, shi pawt sindawng ai hpe ru kau nu ai; Shi gaw Ziun mare a npawt nhpang ni du hkra, hkru kau ai wan nat nu ai.

EZEKELA 13:13

“Dai rai nna, Madu Yehowa ning nga ai: ‘Ngai pawt sindawng ai bungsha hte, dai bunghku hpe agrawp kau na nngai; ngai pawt bu ai majaw, marang htu lim nna, myit kahtet ai majaw, sin kaba hte jahtum kau na nngai.

EZEKELA 20:34

nanhte bra nga ai amyu ni hta na mung, ayai nga ai mungdan ni hta na mung, ngai nanhte hpe n-gun ja ai lata, shada da ai lahpum, ru bun ai pawt kahtet ai hte shinggyin la nna jahpawng da na nngai:

EZEKELA 22:22

Gumhpraw gaw bunghkrawng hta byawng mat ai hte maren, dai mare ka-ang e nanhte byawng mat nna, ngai Yehowa gaw nye pawt bu ai nanhte a ntsa e ru bun ai hpe nanhte chye lu na marin dai,’ nga ai.”

EZEKELA 24:25

“Nang mung, masha kasha e, shanhte a hpyen dap, shanhte a dan hkung ai kabu gara shara, shanhte a nja nhpra nta shanhte a myit manoi shara hte shayi shadang sha ni hpe ngai dawm kau ai shani e,

EZEKELA 36:18

Dai rai nna, dai mung ntsa e shanhte jahkaw kau ai asai majaw mung, tinang a hpara sumla ni hte dai hpe awu asin di kau ai majaw mung, ngai shanhte a ntsa e nye a sindawng kahtet ai hpe ru dat ni ai:

EZEKELA 5:13

Shing rai ngai pawt bu ai myit dik na ra ai: shanhte a majaw, nye myit kahtet ai, ngai jasim nna, ngai myit pyaw lu na nngai; shanhte a ntsa e nye pawt bu ai myit shadik yang, ngai Yehowa gaw sindawng kahtet nna, tsun ai hpe, shanhte chye lu na mara ai.

EZEKELA 6:12

Tsan tsan e nga ai wa, ana zinli hte si na ra ai; ani sha nga ai wa, ri nhtu hte kadawng si na ra ai; dai tsin-yam lawt nna, naw ngam nga ai wa, hku wa hte si na ra ai: shing rai ngai gaw, shanhte a ntsa e, nye a sindawng kahtet ai shadik na nngai.

EZEKELA 7:14

Shanhte pahtau dum nna, hpyen hkyen timung, hpyen gasat na kadai n pru nga ai; kaning rai nme law, nye a sindawng kahtet ai gaw, dai shawa hpung ting a ntsa e rai nga ai.

JAW JAU 26:17

Nanhte hpe ngai maza nna, hpyen ni a man e jasum na made ai: nanhte hpe n dawng n yawt ai ni a byeng sha ai nanhte hkrum nna, kadai n shachyut timung hprawng na marin dai.

NAHUM 1:2

Yehowa gaw nsu nnawn myit rawng nna, matai htang ai Karai Kasang rai nga ai; Yehowa gaw n-yun bu let matai htang nga ai: Yehowa gaw, hkap daw ai ni hpe matai htang nga nna, hpyen ni a matu ari ahpri kyem da nga ai.

NAHUM 1:6

Shi sindawng kahtet yang, kadai tsap nga lu na rai ta? shi masin pawt bu yang, kadai hkap ban lu na rai ta? shi a pawt bu kahtet ai gaw, wan zawn ru bun nga nna, shi a lata hte lunghkrung ni, agrawp mat ai hkrum nga ai.

TARA JAHPRANG 32:22

Nye a pawt bu ai hte wan nat dat nna, Sung htum ai katsan ga du hkra hkru wa ra ai: Ga hte de a nsi naisi hpe shakrawp kau nna, Bum ni a npawt pyi hkru mat nga ai.

1 SAMUELA 28:16

Samuela chyawm gaw, “Yehowa nang hpe kabai kau nna, na a hpyen tai nga sai rai yang gaw, ngai hpe hpa majaw naw san n ta?