SHARUNG SHAYAWT 2:3 - Jinghpaw Hanson Version Bible

³ Shi pawt bu nna, Israela nrung yawng hpe daw kau nu ai; Hpyen ni a man e shi a hkra lata dawm la nu ai: Shara shagu hkru ai sharaw zawn, Yaku hpe hkru kau nu ai.

Jinghpaw Common Language Bible 2009

³ Shi masin kahtet ai majaw, Israela a n-gun makru hpe agrawp daw kau nu ai; Shi gaw gumlau hpyen wa du sa wa ai shaloi anhte hpe karum la na matu ningdang kau nu ai. Shi gaw wan zawn anhte hpe n-yun bu ai hte arai yawng mayawng hpe shaza kau nu ai.

SHARUNG SHAYAWT 2:3 ပူးပေါင်းရင်းမြစ်များ

2 HKAWHKAM LABAU 34:25

Hpa majaw nga yang, shanhte ngai hpe kau da nna, shanhte a lata e galaw ai amu hte ngai hpe pawt sindawng shangun na nga, Hpara shaje ni a man e manam pyaw ai baw nat nawng ya ma ai; dai re ai majaw, ndai shara a lam nye a pawt sindawng ai wan grung nga nna, krip wa na n rai, nga ai.

YOBA 16:15

Ngai gaw nye hkum hpyi ntsa e lachyit nba chywi shakap nna, nye a nrung hpe ga nhpu hta galu kau se ai.

SHAKAWN KUNGDAWN 132:17

Dai yang e Dawi a matu ngai nrung shatut nna, Nye a namman chya hkam ai wa a matu pyengdin shadun se ai.

SHAKAWN KUNGDAWN 74:11

Na a hkra lata hpe nang hpa majaw dawm la wu ta? Dai gaw sinda na shaw nna, shanhte hpe jahten kau mu.

SHAKAWN KUNGDAWN 75:10

Yubak kap ai ni a nrung nlang hte hpe, ngai daw kau na nngai; Dingman ai ni a nrung chyawm gaw, sharawt da ai hkrum na ra ai.

SHAKAWN KUNGDAWN 75:5

Tsaw ai de nrung hkum sharawt da myit, Du ja ai hte ga hkum tsun nga myit,” nga nna ngai shanhte hpe tsun da ni ai.

SHAKAWN KUNGDAWN 79:5

Yehowa e, nang gaten du hkra masin a pawt nga na n ta? Na a supbun bun ai myit, wan zawn a hkru nga na rai ta?

SHAKAWN KUNGDAWN 89:24

Nye a chyeju hte sadi sahka shi hte rau anga nga nna, Nye a amying majaw shi a nrung rawt wa na lu ai.

SHAKAWN KUNGDAWN 89:46

Yehowa e, gaten du hkra nang a makoi nga nna, Na a myit kahtet ai gaw wan zawn, a grung nga na lit ta?

ESAIA 1:31

Wa-ngan wa gaw lachyit zawn, shi a amu gaw wan n-yang zawn tai mat nna, dai yan rau hkru mat na ra ai; dai wan hpe kadai mung n sat lu ai,” nga ai.

ESAIA 42:25

Dai re ai majaw, shi a pawt sindawng ai hte shi hpyen gasat ai hpe shanhte a ntsa e shi ru bun nna, shanhte a grup yin e wan hkru timung n dum ma ai, wan hkru hkrum timung, hpa n nawn ma ai.

YEREMIA 4:4

Yuda hte Yerusalem masha ni e, Yehowa matu mara tinang dai matu gadoi hkam mu; nanhte a myit masin a hpyi magap hpe hkoi kau mu; shing n rai, nanhte a n hkru n hkra ai amu majaw, nye a pawt sindawng ai gaw wan zawn pru nna, kadai n sat lu hkra hkru na ra ai.

YEREMIA 48:25

Moba nrung daw mat sai, shi a lahpum daw mat sai, nga nna Yehowa tsun ai.

YEREMIA 7:20

“Dai re ai majaw, Madu Yehowa ning nga ai: Yu u, ndai shara ntsa e mung, masha hte yamnga ntsa e mung, pa ga na hpun ni hte yi hkauna nsi naisi a ntsa e mung, nye a pawt sindawng ai hte myit kahtet ai hpe ngai ru dat nna, dai gaw n krip ai, hkru nga na ra ai.”

SHARUNG SHAYAWT 1:13

Nye a nrut nra ni hpe a mani di kau na, ntsa de na wan shi shangun dat wu ai. Nye a lagaw lu na matu shi mahkam hkam nna, ngai hpe shabai kau ni ai: Shani tup myit garen ai hte gawng kya shangun nngai.

SHARUNG SHAYAWT 4:11

Yehowa gaw shi a myit kahtet ai shakawp nna, shi pawt sindawng ai hpe ru kau nu ai; Shi gaw Ziun mare a npawt nhpang ni du hkra, hkru kau ai wan nat nu ai.

EZEKELA 13:13

“Dai rai nna, Madu Yehowa ning nga ai: ‘Ngai pawt sindawng ai bungsha hte, dai bunghku hpe agrawp kau na nngai; ngai pawt bu ai majaw, marang htu lim nna, myit kahtet ai majaw, sin kaba hte jahtum kau na nngai.

EZEKELA 7:14

Shanhte pahtau dum nna, hpyen hkyen timung, hpyen gasat na kadai n pru nga ai; kaning rai nme law, nye a sindawng kahtet ai gaw, dai shawa hpung ting a ntsa e rai nga ai.

NAHUM 1:6

Shi sindawng kahtet yang, kadai tsap nga lu na rai ta? shi masin pawt bu yang, kadai hkap ban lu na rai ta? shi a pawt bu kahtet ai gaw, wan zawn ru bun nga nna, shi a lata hte lunghkrung ni, agrawp mat ai hkrum nga ai.

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

LUKA 1:69

Chyaloi nhkoi nna shi a chyoi pra ai myihtoi ni a n-gup hte tsun da ai hte maren, Gumlau ni hte n dawng ai ni yawng a lata na hkye hkrang la ai lam hpaw na hte,

LUKA 3:17

shi a lata hta shi hkuwawn lang nna, shi a mam chyarang hpe yit jasan kau nhtawm, mam gu hpe shi dum hta shinggyin bang da nna, nsan hpe gaw n sat lu ai wan hte nat kau na ra ai,” ngu nna mahkra hpe htan mu ai.

TARA JAHPRANG 32:22

Nye a pawt bu ai hte wan nat dat nna, Sung htum ai katsan ga du hkra hkru wa ra ai: Ga hte de a nsi naisi hpe shakrawp kau nna, Bum ni a npawt pyi hkru mat nga ai.