SHARUNG SHAYAWT 2:2 - Jinghpaw Hanson Version Bible

² Madu gaw matsan n dum ai, Yaku a shara ni yawng hpe mayu kau nu ai; Shi pawt bu ai hte Yuda shayi sha a hpyen dap ni hpe sharun kau nu ai: Shi dai dap ni hpe ga de jahkrat kau nna, mungdan hte du salang ni hpe awu asin di kau manu ai.

Jinghpaw Common Language Bible 2009

² Dai Madu gaw Yuda mung hta nga ai mare shagu hpe matsan n dum ai sha jahten sharun kau nu ai, Mungdan hpe makawp maga ai hpyen dap ni hpe mung ashep ashin di kau nu ai. Shi gaw mungdan hte de a mungdu ni hpe jahpoi jahpyak lam shapraw nu ai.

SHARUNG SHAYAWT 2:2 ပူးပေါင်းရင်းမြစ်များ

YOBA 2:3

Bai Yehowa gaw, “nye a shangun ma Yoba hpe nang matsing da nu ni? Ga ntsa e shi hte bung ai wa n nga ai; shi gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau ai wa rai nga ai: mara n nga ai, shi hpe jahten na nga, nang ngai hpe shadut timung, shi gaw shi a dinghpring ai myit hta naw agrin nga ai,” ngu nna Satan hpe tsun wu ai.

SHAKAWN KUNGDAWN 21:9

Na a myi man madun dan ai ahkying hta e, Nang shanhte hpe wan htung zawn shatai na maru ai; Yehowa gaw shi a masin pawt ai hte shanhte hpe mayu kau nna, Wan mung shanhte hpe hkru kau na maru ai.

SHAKAWN KUNGDAWN 74:7

Na a chyoi pra ai shara hpe shanhte nat kau mu ai; Na a mying nsang nga ai shara hpe, Shanhte ga du hkra awu asin di kau mu ai.

ESAIA 22:5

Kaning rai nme law, Zaw nawng zaw wa up ai Madu Yehowa a majaw, dai shani gaw, Shingran kadit hta e, kaming kamawng, kabye kau da nna, shoihpa shoirang hkrum ai hte, mare bunghku ni hpe run kau nna, bum ni hpe jahtat ai shani, rai na ra ai.

ESAIA 23:9

Gumrawng gumtawng re ai arawng sadang yawng hpe awu asin di kau na hte, ga ntsa arawng lu ai ni yawng hpe jahpoi kau na matu, Zaw nawng zaw wa up ai Yehowa ndai lam myit shatawng da nu ai.

ESAIA 25:12

Na a tsaw ai hpyen dap bunghku ni hpe, shi ga du hkra run kau nna, ga nhpu hta shayu agrawp kau nu ai.

ESAIA 26:5

Shi gaw tsaw ai shara hta shanu nga ai ni a myit kaba ai mare hpe shayu kau wu ai; shi dai hpe ga du hkra shagrit kau ai hte, ga nhpu du hkra shanem kau wu ai.

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

ESAIA 43:28

Dai re ai majaw Chyoi pra ai shara na du ni hpe, ngai awu asin di kau se ai; Yaku hpe dagam dala, Israela hpe shatan nhkan shara, ngai shatai kau se ai.

ESAIA 47:6

Ngai gaw nye a amyu hpe pawt kahtet nna, nye a sali wunli hpe jahpoi kau ai hte, na a lata hta shanhte hpe ap kau nngai: nang chyawm gaw shanhte hpe matsan n dum nna, prat kaba ni a ntsa e pyi, li ai kandang mara da nu ai.

YEREMIA 13:14

shaloi kahpu kanau shada mung, kawa hte kasha ni hpe mung, shada ahkawk hkat shangun na nngai: ngai matsan dum na n rai, lahpawt lama na n rai, karum la na n rai; shanhte yawng hpe shamyit kau na nngai, ngu u, nga nna Yehowa tsun ai.

YEREMIA 21:7

Bai, Yehowa ning nga ai: Dai hpang e ngai gaw, Yuda hkawhkam Zedekia hpe mung, shi a ali ama ni hpe mung, ana zinli, ri nhtu, kawsi hpang gara ai lawt nna, ndai mare hta naw ngam nga ai mung masha ni hpe mung, Babelon hkawhkam Nebuhkadneza lata hta mung, hpyen ni a lata hta mung, shanhte a asak tam ai ni a lata hta mung ap kau nna, shi gaw shanhte hpe nhtu hte sat kau na mu ai: dai wa gaw lahpawt dum na n rai, matsan dum na n rai; yu machyi dum na n rai, ngu nna htawn tsun wu ai.

YEREMIA 5:10

“De a bunghku ntsa e lung nna jahten shabyak mu; rai timung htum hkra hkum di mu: de a lakung ni hpe krum kau mu; dai ni Yehowa hte n seng nga ai.

SHARUNG SHAYAWT 2:17

Yehowa gaw, shi maw ai hku shabyin nu ai; moi kaw nna shi tsun ai ga hpe shadik nu ai; N lahpawt ai shi agrawp kau nu ai: Shi gaw hpyen wa hpe, na ntsa e kabu shangun nu ai; nang hpe hpyen gasat ai ni a nrung hpe, shatsaw nu ai.

SHARUNG SHAYAWT 2:21

Dingla ni hte ma ni gaw, mare lam ni hta kadawng taw ma ai; Nye a shabrang ni hte mahkawn ni gaw, nhtu hte si ma masai; Nang pawt bu ai shani hta, nang shanhte hpe matsan n dum ai, kahtam sat kau manu ai.

SHARUNG SHAYAWT 2:5

Madu gaw hpyen wa zawn tai nna, Israela hpe mayu kau nu ai; Shi gaw htingnu ni mahkra hpe mayu kau nna, shi a hpyen dap ni hpe run kau nu ai; Shi gaw Yuda shayi sha a yawn hkyen ai hte sharung shayawt ai hpe, shalaw nu ai.

SHARUNG SHAYAWT 3:43

Nang pawt sindawng ai lawai nna, anhte hpe shachyut mi ai; nang sat kau nna, matsan hpa n dum ndai.

EZEKELA 5:11

Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

EZEKELA 7:4

Nye a myi nang hpe lahpawt dum na n rai; ngai matsan dum na n rai; na arawn alai hte maren ngai nang hpe nhtang jaw nna, nang galaw ai matsat shabat amu, na a ka-ang e jung nga na ra ai: shaloi, ngai Yehowa rai nga ai hpe, nanhte chye lu na marin dai.”

EZEKELA 7:9

Nye a myi lahpawt dum na n rai, ngai matsan dum na n rai: na a arawn alai hte maren, ngai nang hpe ari jaw na nngai; nang galaw ai matsat shabat amu, na a ka-ang e jung nga na ra ai: shing rai, ngai Yehowa ari jaw ai hpe, nanhte chye lu na marin dai.

EZEKELA 8:18

Dai re ai majaw, ngai pawt bu let ari jaw na nngai; nye a myi lahpawt dum na n rai, ngai matsan n dum na nngai; shanhte aja awa jahtau timung, ngai n madat na nngai,” nga ai.

EZEKELA 9:10

“Dai rai nna ngai mung, yu lahpawt dum na n rai; shanhte galaw ai hte maren ngai matsan mung dum na n rai; shanhte a baw ntsa de shapraw na nngai,” nga nna ngai hpe tsun ai.

MIHKA 5:14

na a Asherim shadaw ni hpe, na a ka-ang na ngai baw kau nna, na a mare ni hpe shaza kau na nngai.

MALAHKI 1:4

Edom masha ni gaw, Anhte hten byak hkrum timung, anhte bai wa nna, akrin akraw re ai shara ni hpe bai dè da na ga ai, nga nna tsun ma timung, Zaw nawng zaw wa up ai Yehowa ning nga ai, Shanhte dè da timung, ngai run kau na nngai: masha ni gaw shanhte hpe, Tara n lang ai mungdan, Yehowa tutnawng pawt nga ai amyu, ngu nna shamying na maru ai.

MAHTE 18:33

ngai nang hpe matsan dum de ai hte maren, na a mayam manang hpe mung, nang matsan mai dum ndai, n rai ni? ngu wu ai.

2 KORINHTU 10:4

anhte a majan gasat na ri nhtu ni gaw hkum shan hte n seng ai sha, hpyen dap ni hpe sharun shabya na matu, Karai Kasang a man e atsam n-gun rawng nga ai;

TARA JAHPRANG 28:52

Na mungdan hkan na, nang shamyet kam da ai mare bunghku, dai tsaw ai hte ngang ai bunghku ni, ndaw nru mat dingsa, na a mare ni hpe wang tawn na maru ai: na a Karai Kasang Yehowa nang hpe jaw ai mungdan shara shagu na mare nga manga hpe wang tawn na maru ai.

TARA JAHPRANG 32:22

Nye a pawt bu ai hte wan nat dat nna, Sung htum ai katsan ga du hkra hkru wa ra ai: Ga hte de a nsi naisi hpe shakrawp kau nna, Bum ni a npawt pyi hkru mat nga ai.