SHARUNG SHAYAWT 1:9 - Jinghpaw Hanson Version Bible

⁹ Shi a n san n seng ai dan leng nga timung, htawm hpang e hkrum na ra ai lam hpe n dum nga ai; Dai re ai majaw shi mau hkra shagrit kau ai hkrum nna, shi hpe shalan shabran ai wa n nga ai: Yehowa e, ngai hkrum ai nni nkri hpe yu u; hpyen wa gaw shi hkum hpe shagrau wu ai.

Jinghpaw Common Language Bible 2009

⁹ Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

SHARUNG SHAYAWT 1:9 ပူးပေါင်းရင်းမြစ်များ

2 SAMUELA 16:12

Dai ni wora wa matsa ai a marang e, ngai hkrum sha ai shoi chyum ai hpe Yehowa mada mara nna, chyeju bai nhtang jaw na nhten,” ngu wu ai.

2 HKAWHKAM 14:26

Kaning rai nme law, Israela masha ni hkrum ai nni nkri gaw, yak la nga ai hpe, Yehowa mu da wu ai; bawng dung nga bawng lawt pra ai mung, Israela amyu hpe karum ai wa mung n nga ai.

NEHEMIA 9:32

“Dai re ai majaw, anhte a Karai Kasang, ga shaka shatup nna n-gaw nwai myit rawng ai, galu kaba ai, daru magam madun ai hte hkrit mai nga ai, Karai Kasang e, Asuri hkawhkam ni a aprat kaw nna, dai ni du hkra, anhte a ntsa e mung, anhte a hkawhkam ni, du ni, hkinjawng ni, myihtoi ni, ji wa ni hte amyu ting a ntsa e mung, du pru ai tsin-yam tsindam hte gaw, na a man e kaji nga ai zawn, n rai nga u ga.

SHAKAWN KUNGDAWN 119:153

Na a tara hpe ngai n malap kau nngai majaw, Nye a nni nkri yu nna, ngai hpe mawai la e.

SHAKAWN KUNGDAWN 140:8

Yehowa e, tara n lang ai wa a ra ai hku hpe hkum shabyin ya u; Shi a myit mang ai lam hpe hkum shadik ya et. [Selah.]

SHAKAWN KUNGDAWN 25:18

Nye a nni nkri hte ruyak ai hpe yu u: Nye a yubak nlang hte hpe dat kau ya e.

SHAKAWN KUNGDAWN 69:21

Nye a lusha hta shanhte shagri bang jaw nna, Hpang gara jang, ngai hpe ntsin hkri shalu mi ai.

PRU MAT 3:17

dai Egutu mung a ru tsang ai hta na ngai nanhte hpe shaw la nna, Hkanan, Hiti, Amori Hperizi, Hiwi hte Yebusi masha ni nga ai, nga chyu hte lagat jahku lwi ai mung de woi la na made ai, ngu nga nngai, nga nna ngai hpe tsun ai, ngu mu.

PRU MAT 3:7

Bai Yehowa gaw, “Egutu mung e nye a amyu hkrum ai ru tsang lam hpe ngai azin ayang mu se ai rai nna, shanhte a hpareng ni a majaw hkrap sharung ai nsen hpe ngai na ya mase ai: shanhte hkrum ai nni nkri hpe ngai chye nga nngai:

PRU MAT 4:31

amyu masha ni mung kamsham nga ma ai: Yehowa gaw Israela a kashu kasha ni hpe kawan katsan yu sa ai mung, shan hte hkrum ai ru tsang ai hpe yu ya ai mung shanhte na ma yang, shanhte gum dagup nna nawku ma ai.

HPAJI NINGLI 4:1

Bai, jan a npu e zingri zingrat ai lam yawng hpe ngai sumru yu nngai: zingri zingrat hkrum ai ni myi prwi pru timung, shalan shabran ai wa n nga ai; zingri zingrat ai ni adip arip di timung, shalan shabran ai wa n nga ai.

ESAIA 3:8

Kaning rai nme law, Yehowa a hpung rawng ai myi hpe kamau shangun na matu, shanhte a tsun ai ga hte arawn alai shi hte nhtan shai nga ai majaw, Yerusalem mare gaw hten run mat sai; Yuda mung gaw kadawng mat sai.

ESAIA 37:17

Yehowa e, na la nna madat mara ya e; Yehowa e, na a myi hpaw nna mada yu u; ahkrung nga ai Karai Kasang hpe shatan nhkan ai Senahkerib shagun ai ga mahkra hpe matsing nga u law.

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

ESAIA 37:29

Nang ngai hpe n-yun bu ai hte na a gumrawng gumtawng ga nye na hta e shang sai majaw, ngai nang hpe lashoi shoi nna runghtung dat nhtawm, nang du sa ai lam hku bai nhtang wa shangun na de ai.

ESAIA 37:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe, na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mahkra akyu hpyi ya mi law,” ngu nna tsun mu ai.

ESAIA 40:2

Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.

ESAIA 47:7

Dai hta kaga nang gaw, Ngai prat dingsa du jan rai nga nngai, nga nna dai lam ni hpe n sumru yu ai hte, hpa pru na ra ai gaw, nang n dum ndai.

ESAIA 51:19

Katsi katsang hte marawng marang, hku wa hte ri nhtu, ndai lam lahkawng nang hkrum sha nna, na a matu sharung shayawt na kadai? Ngai nang hpe kaning rai shalan shabran lu na rai ta?

ESAIA 54:11

Nni nkri hte, laru e ahpawt hkrum nna, shalan shabran n hkrum ai wa e, ngai gaw na a nlung ni hpe engade achyang hte, na a npawt nhpang ni hpe nila nlung hte gaw da na nngai:

YEREMIA 13:27

Pa ga na kawng ni a ntsa e nang galaw ai matsat shabat ngu ai, num shaw la shaw ai, nying sharung ai hte n san n seng hpye ai amu hpe, ngai mu ni ai: Yerusalem e, nang dingnye lu ndai; nang n san n seng ai gaten du hkra naw rai nga na a ta? nga nna Yehowa tsun ai.

YEREMIA 16:7

si ai ni a matu sharung shayawt ai ni hpe shalan shabran na nga, shanhte hte poi galaw na n rai; kanu kawa si timung, shangwi shapyaw ai gawm jaw ai wa nga na n rai.

YEREMIA 2:34

Dai hta kaga, mara n kap ai matsan mayan ni a asai, na a hpun palawng hta kap nga ai hpe mu hkrup sai; shanhte gaw kashun kashe amu n galaw ma ai: rai timung dai zawn re ai ni mahkra hpe nang sat kau ndai.

YEREMIA 48:26

Moba gaw Yehowa hpe gumrawng gumtawng ai majaw, shi hpe shanang kau mu: shi gaw shi a nhpat hta galu nga nna, shatan nhkan hkrum na ra ai.

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

YEREMIA 50:29

Ndan gap ai ni nlang hte hpe, Babelon mare de shaga mu; ndan shachyen ai ni e, mare grup yin wang tawn mu; langai mi muk n lawt u ga; dai mare a arawn alai hte maren tai mu; shi galaw yu ai yawng hte maren, shi hpa galaw mu: kaning rai nme law shi gaw, Israela Chyoi pra ai Wa ngu ai Yehowa hpe gumrawng gumtawng nu hka!

SHARUNG SHAYAWT 1:17

Ziun gaw shi a lata ladawn timung, shalan shabran ai wa n nga ai: Yehowa gaw, Yaku grup yin e, hpyen ni hpe san da nu ai; Yerusalem gaw shanhte hta matsat shabat zawn rai nga ai.

SHARUNG SHAYAWT 1:21

Ngai madai ai hpe shanhte na timung ngai hpe shalan shabran ai wa n nga ai; Ngai hkrum ai ruyak hpe hpyen ni yawng na lu nna, ndai lam nang shabyin ai majaw, shanhte kabu nga ma ai. Nang ndat da ai nhtoi nang shadu nna, shanhte gaw ngai zawn tai mu ga.

SHARUNG SHAYAWT 2:13

Yerusalem shayi sha e, na a amu hta ngai hpa sakse madun na rai ta? nang hte hpa shadawn na rai ta? Ziun a shayi hkawnsek e, nang hpe shalan shabran na matu, nang hte hpa shabung na rai ta? Na a hten run ai gaw nammukdara zawn dam nga ai majaw, nang hpe shamai lu na, kadai wa rai ta?

SHARUNG SHAYAWT 4:1

Aja gaw kaning rai sum mat sahka! Jet ai ja gaw kaning rai galai mat sahka! Chyoi pra ai nta na nlung ni gaw, mare lam njut nnaw hkan e jawng nga ma ai.

SHARUNG SHAYAWT 5:1

Yehowa e, anhte hkrum ai lam hpe dum u; Anhte hkrum sha ai shatan nhkan hpe mada yu nna sumru yu u.

HOSEA 2:14

Da ndai gaw nye a sumtsaw sumra ni ngai hpe jaw ai kumhpa rai nga ai, nga nna shi lakap tsun ai tsabyi ru ni hte lakum hpun ni hpe, ngai shamyit kau nna, nam mali shatai kau ai hte, pa ga na ashu ashan ni, dai hpe sha kau na mara ai.

ZEHPANI 2:10

Shanhte gaw gumrawng gumtawng ai myit madun nna, Zaw nawng zaw wa up ai Yehowa a amyu masha ni hpe shatan nhkan let, tinang hkum hpe shagrau shatsaw ai majaw, ndai lam hkrum sha ma ai.

YAWHAN 11:19

Marhta yan Mari a kayung wa a majaw, shan hpe shalan shabran na nga, Yuda masha law law wa sa ma ai.

TARA JAHPRANG 26:7

shaloi anhte gaw anhte a ji wa ni a Karai Kasang Yehowa hpe shaga gaw ai rai nna, Yehowa anhte a nsen madat mara ya ai hte anhte hkrum ai bungli lit hte nni nkri hpe yu ya mi ai.

TARA JAHPRANG 32:27

Shanhte hpe tsan tsan ga de ngai shabra kau nna, Masha amyu hta na kadai n dum hkra shamyit kau na, myit se ai.

TARA JAHPRANG 32:29

Shanhte hpaji byeng-ya lu la nna, ndai lam chye na lu mu ga law, Hpang jahtum e hpa byin hpa tai na, aru yu mu ga le!

1 PETRU 4:17

Kaning rai nme law, Karai Kasang a nta na ni hpe tara dara hpang na aten du ra ai: dai gaw anhte a ntsa e shawng ang pru wa yang gaw, Karai Kasang a kabu gara shiga hpe n madat mara ai ni a jahtum ai gaw, kaning rai na ra ai kun?

1 SAMUELA 1:11

Shi gaw, “Zaw nawng zaw wa up ai Yehowa e, Na mayam jan hpe n malap kau ai sha, na mayam jan a matsan shagoi hpe mada mara dum ya nna, na a mayam jan hpe shadang sha jaw n yang gaw, shi a kara galoi mung n doi ya ai sha, shi a prat dingsa, nang Yehowa hpe ap ya na nngai,” ngu nna shaka hpyi wu ai.