SHARUNG SHAYAWT 1:8 - Jinghpaw Hanson Version Bible

⁸ Yerusalem gaw grai shut hpyit ai majaw, matsat shabat tai wa sai; Shi hpe hkungga ai ni nlang, shi singgu krin rai nga ai hpe mu nna, shi hpe n kaw n law di kau mu ai: Gaja wa shi madai nga nna, kanut mat wa ai.

Jinghpaw Common Language Bible 2009

⁸ Shi a arawng sadang hkoi mat nu ai; shi gaw singgu krin rai nga ai hte n kaw n law di hkrum nga ai. Shi gaw madai sharung ai hte shi a myi man hpe kaya ai hte makoi magap da nga ai. Yerusalem gaw shi hkum hpe awu asin di nhtawm hkrit hpa yubak hte matsat shabat di kau wu ai.

SHARUNG SHAYAWT 1:8 ပူးပေါင်းရင်းမြစ်များ

SHARUNG SHAYAWT 1:11

Shi a masha ni yawng madat let, muk tam nga ma ai; Prawn wa lu hkra, tinang a hpu ai baw hpe, shahpa hte galai ma ai: Yehowa e, mada yu u; ngai shagrit kau ai hkrum nngai.

YEREMIA 13:26

Dai re ai majaw, ngai na a labu hpe raw kau nna, na a kaya kahpa dawng na ra ai.

YEREMIA 13:22

Bai nang gaw, Hpa majaw ngai dai lam hkrum ai i? nga nna na a kraw e dum yang, na a ladu lai ai shut hpyit majaw, na a labu raw kau hkrum nna, na a lahtin ahpye a lam hkrum nga ai.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.

HOSEA 2:10

“Ngai nan, nai mam, tsabyi jahku ningnan hte asau, shi hpe karan jaw ai mung, shanhte Bala hpara hpe sak jaw ai aja gumhpraw hpe mung, ngai shi hta shalaw nga ai hpe, shi n dum nga ahka!

HOSEA 2:3

Nanhte a nhpu nnau ni hpe, Ami, nanhte a nna njan ni hpe, Ruhama, ngu nna shaga mu.

EZEKELA 23:46

Kaning rai nme law, Madu Yehowa ning nga ai, Ngai shan hpang de masha wunawng woi wa nna, kashun kashe hpyu la shangun na nngai.

EZEKELA 23:29

shanhte gaw n dawng ai myit hte nang hpe di kau nna, na arung arai mahkra hpe la kau nhtawm, nang hpe singgu krin jahti da na mara ai: dai rai nna, na a n se n sa ai myit hte kaya kahpa re ai singgu krin mung, nang galaw yu ai shawa num hking mung, dawng pru na ra ai.”

SHARUNG SHAYAWT 4:21

Uza mung hta shanu nga ai Edom shayi sha e, kabu gara nna sharawng awng nga u; Shi a gawm nang hpang de mung rap wa na ra ai; nang chyaru nang nna singgu krin rai na rin dai.

SHARUNG SHAYAWT 2:10

Ziun shayi sha a salang ni gaw, ga ntsa e dung nna, atsin sha nga nga ma ai; Shanhte gaw tinang a baw ntsa e ga nhpu hpe bun nna, lachyit nba lawai ma ai. Yerusalem a mahkawn ni gaw, ga du hkra gum dagup nga ma ai.

YEREMIA 34:17

Dai re ai majaw Yehowa ning nga ai: Nanhte gaw langai hte langai, tinang hpunau shada, htingbu shada, dat dat na lam shapraw dan hkra, nye a ga n madat ai majaw, yu mu, Yehowa ning nga ai: Ngai gaw nanhte a matu ri nhtu, ana zinli hte kawsi hpang gara ai tsin-yam dat dat na lam htet da nna, nanhte hpe ga ntsa mungdan ni mahkra hta kahkrang hkawm shangun na nngai.

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

YEREMIA 6:28

Shanhte yawng, gumle gumlau hte shi htawn ai ni rai nga ma ai; magri hte hpri hkrai rai nga ma ai; nlang hte gaw maw sha map sha ai ni hkrai rai nga ma ai.

YEREMIA 4:31

Kaning rai nme law, shinggyim machyi ai num a nsen, kasha alat shaprat ai num madai ai nsen zawn, Ziun shayi sha ba galawp ai nsen hpe, ngai na nngai; shi gaw, Ngai hta dingnye nga ai law; masha sat ai ni a man e ngai myit htum nngai, nga nna lata lalam let shabam nga ai.

ESAIA 47:3

nang singgu krin rai nna kaya kahpa hkrum na rin dai: ngai matai dawp yang, kadai hpe mung matsan dum na n rai.

1 HKAWHKAM 9:9

masha ni gaw, Shanhte a kaji kawa ni hpe Egutu mung na shaw la ai Karai Kasang Yehowa hpe shanhte kau da nhtawm, Hpara shaje hpe hkan nang nna, nawku daw jau ma ai majaw, Yehowa gaw shanhte a ntsa e ndai tsindam shapraw wu ai, nga nna htan na ma ai,” ngu wu ai.

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.

1 HKAWHKAM 9:7

ngai Israela hpe jaw da ai mungdan hta na ngai shanhte hpe jahtum kau nna, ndai nye a amying nsang matu ngai shachyoi shapra ai nta hpe mung, ngai shinggan kau na we ai rai nna, Israela amyu gaw masha amyu baw mahkra hta abung shadawn chyai shara hte asawng shara tai na marin dai.

NINGPAWT NINGHPANG 3:7

Dai Shaloi shan a myi hpaw malu ai rai nna, singgu krin rai nga ma ai gaw chye ma ai; shaloi shan gaw lakum lap chywi matut nna tinang a matu dangpai galaw ma ai.

SHARUNG SHAYAWT 1:17

Ziun gaw shi a lata ladawn timung, shalan shabran ai wa n nga ai: Yehowa gaw, Yaku grup yin e, hpyen ni hpe san da nu ai; Yerusalem gaw shanhte hta matsat shabat zawn rai nga ai.

1 HKAWHKAM 9:6

Shing n rai, nang hte na nshu nsha ni gaw nye a hpang e n hkan nang ai hte, ngai nanhte hpe hkang da ai htet da ai ga hpe mung, matsun maroi ga hpe mung n hkan shatup ai sha, Hpara shaje hpe daw jau nawku nga myit yang gaw;

EZEKELA 39:23

Israela dap ni gaw, tinang shut hpyit ai amu majaw, bawng dung hkrum wa ai hpe, maigan amyu ni yawng chye lu na mara ai: nye a tara hpe tawt lai kau ai majaw, shanhte kaw na nye a myi man hpe, ngai makoi kau nngai: ngai shanhte hpe hpyen ni a lata de ap ya nna, nlang hte gaw nhtu hte kadawng si hkrum ma ai.