SHARUNG SHAYAWT 1:7 - Jinghpaw Hanson Version Bible

⁷ Mung masha ni gaw hpyen ni a lata de du nna, karum ai wa n nga ai majaw, Hpyen ni shi hpe mu mada nna, shi myit htum ai lam asawng nga ma yang, Yerusalem gaw nni nkri hte hki ba hkrum ai shani e, moi shawng na pyaw lam ni hpe dum nga ai.

Jinghpaw Common Language Bible 2009

⁷ Ya garen gari rai hten run mat sai Yerusalem gaw moi shawng na shi a hkik hkam ai arawng sadang hpe myit dum nga ai. Shi gaw gumlau hpyen a lata de hkrat mat ai shaloi, shi hpe karum la na masha langai mi mung n nga nga ai; Shi hpe dang manga kau ai ni mung shi a hkrat sum ai hpe jahpoi asawng nga ma ai.

SHARUNG SHAYAWT 1:7 ပူးပေါင်းရင်းမြစ်များ

YOBA 29:2

“moi lai wa ai shaning shata zawn, ngai naw nga lu n ga le; dai shaloi e Karai Wa gaw nye a nhtoi ni hpe bau sin nga a hka!

SHAKAWN KUNGDAWN 42:4

Kaning rai nme law, shawa masha ni hte ngai lung wa nna, Poi galaw ai hpawng hpe kabu ai nsen hte mahkawn mangoi let, Karai Kasang a nta de woi sa sa di de ai gaw, Ngai dum nga nna, nye a myit masin ngai hta kabrawng nga ai.

SHAKAWN KUNGDAWN 77:3

Karai Kasang hpe dum yang, ngai madai nga nngai; Myit sumru nga yang, nye a wenyi htan wa li ai. [Selah.]

SHAKAWN KUNGDAWN 79:4

Anhte a htingbu ni a man e shatan nhkan ai, Grup yin e nga ai ni a man e, roi nga ai hte Asawng asang re ai, anhte hkrum nga ga ai.

ESAIA 64:10

Na a chyoi pra ai mare ni, nam mali tai mat sai; Ziun bum mung, nam mali tai mat sai; Yerusalem mare gaw katsi katsang re ai shara tai mat sai.

ESAIA 64:11

Ji wa ni nang hpe shakawn kungdawn ai shara, anhte a chyoi pra ai hte tsawm hkik ai nawku htingnu gaw, hkru mat sai; anhte a ngwipyaw ai shara ni yawng, atsai awai rai mat sai.

YEREMIA 48:27

Nang mahtang Israela hpe shatan ai, n rai ni? shi gaw lagu lagut ni hte kanawn ai, nang mu yu n ni? rai timung, shi a lam tsun shagu, nang baw kanga n hka.

SHARUNG SHAYAWT 4:17

Anhte a myi hten hkra, karum na wa hpe ya du hkra, kaman sha a mada nga ai; Anhte a maja nga let, n hkye la lu ai amyu hpe ala nga ga ai.

EZEKELA 25:3

Ammon a kashu kasha ni hpe ning ngu u; ‘Madu Yehowa a ga madat mara mu; Madu Yehowa ning nga ai: Nang gaw, awu asin hkrum ai, nye a chyoi pra ai shara hpe mung, masha shingran katsi mat ai, Israela mungdan hpe mung, bawng dung hkrum ai Yuda amyu hpe mung, ‘Aha,’ nga nna tsun ndai majaw,

EZEKELA 25:6

Kaning rai nme law, Madu Yehowa ning nga ai: Nang gaw Israela mung hpe grai wa n dawng let, lahpawk dum nna, lagaw shingdit ai hte, kabu gara nga ai majaw,

HOSEA 2:7

shanhte a kanu gaw, shawa num rai nga ai; shanhte hpe gawngli ai kanu gaw, kaya kahpa amu galaw nu ai: shi gaw, ‘Nye a muk, nye a ntsin, sagu mun, lachyit ri, sau hte luhpa ngai hpe jaw ai, nye a sumtsaw sumra ni hpang de, ngai hkan nang na nngai,’ nga nna tsun sai.

MIHKA 4:11

Ya e pyi, Ziun mare awu asin hkrum u ga, shi hta anhte a myit dik u ga, nga nna tsun ai maigan amyu ni law law, na a lam zuphpawng nga ma ai.

LUKA 15:17

Shing rai shi myit dum yang, ‘Nye wa a shabrai sha ai ni gade wa n taw n tsang muk sha lu nga ma hka! ngai wa gaw ndai yang e kawsi kyet ai hte hten bya magang wa nga nngai:

LUKA 16:25

Shaloi Abraham gaw, “Sha e, nang gaw naw hkrung nga ai hte yang, na a ngamu ngamai lu la nit dai mung, Lazaru gaw dai hte yang tsin-yam tsindam hkrum nga ai mung, dum nga u; ya chyawm gaw shi nang e bran nga sai, nang mahtang gaw nji nmu hkrum nga nit dai.