SHARUNG SHAYAWT 1:3 - Jinghpaw Hanson Version Bible

³ Yuda gaw nni nkri hte mayam amu kaba hkrum ai majaw, bawng dung wa sai; Shi gaw maigan amyu ni hta dung nna, gan ga lu na n rai: Hkan shachyut ai ni yawng, gyip ai shara e shi hpe dep mu ai.

Jinghpaw Common Language Bible 2009

³ Yuda amyu masha ni gaw matsan mayan hkrum ai mayam ni rai nna, nta kaw na maja e gawt shapraw kau hkrum ma ai, Shanhte gaw shanhte a lamu ga ngu nna tsun na shara hpa mung n nga ai, Gumlau hpyen ni wang da hkrum nna hprawng lawt lam n nga ai tsasam mungdan ni hkan nga nga ma ai.

SHARUNG SHAYAWT 1:3 ပူးပေါင်းရင်းမြစ်များ

2 HKAWHKAM 25:11

Sin langa ni a hpyen du Nebuzaradan gaw, mare kata e naw ngam nga ai ni hte, Babelon hkawhkam hpang de rap wa ai ni hpe mung, naw ngam nga ai yu maya ni hpe mung, bawng dung shangun mu ai.

2 HKAWHKAM 25:21

Babelon hkawhkam gaw, Hamat mung, Ribla mare hta e shanhte hpe kahtam sat kau mu ai. Shing rai Yuda amyu gaw tinang a mung hta na shapraw kau ai hkrum mat ma ai.

2 HKAWHKAM 25:4

Dai shaloi e Hkalde masha ni gaw dai mare grup yin e wang tawn nga ma ai rai nna, mare bunghku hpe tawk waw nhtawm, hpyen masha ni nlang hkawhkam wa a sun makau e nga ai, bunghku lahkawng a lapran a chyinghka lam hku shana e hprawng pru nna, hkawhkam wa gaw layang ga hku hprawng mat wa ai.

2 HKAWHKAM 25:5

Hkalde masha ni chyawm gaw hkawhkam wa hpe hkan shachyut nna, Yerihko pa hta e hkan dep mu yang, shi a hpyen masha nlang hte gaw hprawng bra mat ma ai.

YEREMIA 13:19

dingda mare ni gaw pat kau ai hkrum nna, kadai hpaw lu ai n rai; Yuda mung ting bawng dung hkrum nga ai; atsai awai bawng dung hkrum masai.

YEREMIA 16:16

Yehowa ning nga ai, Yu u; ngai gaw nga hkwi ai ni law law hpe shaga la nna, shanhte hpe hkwi shangun na nngai; dai hpang jaugawng law law hpe ngai shaga la nna, shanhte hpe bum shagu, kawng shagu hte bum ga na lungpu ni hta tam shangun na nngai.

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

YEREMIA 39:9

Shaloi sin langa ni a hpyen du Nebuzaradan gaw, mare kata e naw ngam nga ai ni, shi hpang de rap wa ai ni hte, naw ngam nga ai yu maya ni hpe, Babelon mare de bawng rim mat wa mu ai.

YEREMIA 52:15

Shaloi sin langa ni a hpyen du Nebuzaradan gaw, mare kata e naw ngam nga ai matsan mayan htum ai ni hte, Babelon hkawhkam hpang de rap wa ai ni hpe mung, naw ngam nga ai yu maya ni hpe mung, bawng dung shangun mu ai.

YEREMIA 52:8

Hkalde hpyen masha ni chyawm gaw hkawhkam wa hpe hkan shachyut nna, Yerihko pa hta e Zedekia hpe hkan dep mu yang, shi a hpyen masha nlang hte gaw hprawng bra mat ma ai.

SHARUNG SHAYAWT 2:9

Shi a chyinghka ni gaw ga hta lupwa nna, shi gaw de a htinggrang ni hpe agrawp kau nu ai: Shi a hkawhkam hte du salang ni gaw, tara n chye ai amyu hta lawm mat ma ai; Gaja wa shi a myihtoi ni gaw, Yehowa kaw na shingran n hkam la lu ma ai.

SHARUNG SHAYAWT 4:15

Masha ni gaw, Yen mu, n san n seng ai majaw, yen mu, yen mu; shanhte hpe hkum hkra myit, nga nna jahtau ma ai. Shanhte hprawng nna brak hkawm nga ma yang, “Shanhte gaw ndai yang bai shanu nga na n rai;

SHARUNG SHAYAWT 5:5

Anhte hpe hkan shachyut ai ni, anhte a du magra nga ma ai; Anhte hki ba hkrum timung, ban sa n lu ga ai.

EZEKELA 5:12

Na a htam masum hta htammi ana zinli hte si wa nna, na a ka-ang e kawsi ai hte htum mat na mara ai; htammi gaw, na a grup yin e kahtam ai nhtu hte si wa na mara ai; htammi hpe nbung bung shagu de ngai shapoi kau na nngai: shanhte a hpang e nhtu hpe mung ngai naw shaw na nngai.

TARA JAHPRANG 28:48

Yehowa nang hpang de shangun dat ai masha hpyen wa hpe, kawsi hpang kara, singgu krin, matsan tsin-yam hkrum let daw jau lu na ndai: nang hpe jahtum kau lu ai du hkra, dai wa gaw na a du hta hpri kandang jahpai na ra ai.