SHARUNG SHAYAWT 1:2 - Jinghpaw Hanson Version Bible

² Shi gaw shana e ja ja hkrap nna, shi a shabyi myi prwi hte nyaw nga ai; Shi a sumtsaw sumra ni mahkra hta, shi hpe shalan shabran ai wa n nga ai: Shi a kanawn manang ni yawng, shi hpe hkalem kau nna, shi hpe hpyen ai ni tai wa masai.

Jinghpaw Common Language Bible 2009

² Shi gaw shana tup hkrap nga ai rai nna shi a shabyi hku myi prwi ni lwi hkrat nga ai. Shi a shawng na jinghku ni yawng hta shi hpe shalan shabran na langai mi mung n nga nga ai. Shi a myit hkrum manang ni shi hpe gumle gumlau ai hte ya gaw shi hte nhtan shai nga masai.

SHARUNG SHAYAWT 1:2 ပူးပေါင်းရင်းမြစ်များ

YOBA 6:15

Ngai hpu ngai nau ni chyawm gaw, hka shi zawn hkalem nna, hkaraw e lwi ai hka zawn mat mat ma ai.

YOBA 7:3

ngai gaw shata law law wa ruyak hkrum sha nngai; nji nmu hpring ai shana gaw, nye a matu san da nga ai.

SHAKAWN KUNGDAWN 126:5

Myi prwi hte gat hkai ai ni, Kabu gara let bai shu lu na mu ai.

SHAKAWN KUNGDAWN 31:11

Gumlau ni law ma ai majaw, ngai shatan shara tai nga nna, Htingbu ni a matu myit ba shara rai nga nngai; Ngai hpe chye chyap ai ni a hkrit shara ngai tai nga nna, Shinggan e ngai hpe mu ai ni koi hprawng ma ai.

SHAKAWN KUNGDAWN 6:6

Ngai madai nna hki ba la nga nngai; Shana shagu hkrap ai hte nye yup ku madi nga ai, Nye myi prwi hta nye a yup ra hpe ngai shayawng dat nngai.

SHAKAWN KUNGDAWN 69:21

Nye a lusha hta shanhte shagri bang jaw nna, Hpang gara jang, ngai hpe ntsin hkri shalu mi ai.

GA SHAGAWP 19:7

Matsan ai wa a hpunau ni yawng, shi hpe n dawng nga ma ai; shi a jinghku ni grau nna, shi hpe koi kau ma ai; Hkan shaga timung, makoi mat ma ai.

YEREMIA 13:17

Nanhte dai ga hpe n madat mara nga ai rai yang, nanhte a gumrawng gumtawng ai majaw, nye a myit masin n dan n leng ai shara e hkrap nga na ra ai; Yehowa sagu hpung hpe rim la ai majaw, nye a myi grai hkrap nna, myi prwi lwi na ra ai.

YEREMIA 2:25

Na a kyepdin hkum jahtum et; na a mayu hkun hkra hkum rai et; ngu yang, nang mahtang, Myit mada shara n nga ni ai; gaja wa n nga ni ai: ngai gaw tsasam masha ni hpe tsawra nna, shanhte hpang de hkan nang na nngai,” nga nna htan ndai.

YEREMIA 3:1

Masha langai ngai, madu jan hpe kabai kau nna, num dai pru nhtawm, kaga wa hte nga sha ai hpang, shawng na madu wa gaw, dai num hpe bai kahkyin la mai a ni? shing rai galaw ai mungdan gaw, awu asin rai nga ai, n rai ni? nga nna masha ni tsun ninglen, nang gaw sumtsaw sumra law law hte mazum timung, ngai hpang de bai wa rit law, nga nna Yehowa tsun ai.

YEREMIA 30:14

Na a jinghku ni yawng, nang hpe malap kau ma ai; nang hpe tam ma ai, n rai: na a yubak kaba nga ai hte, na a shut hpyit ai law htam wa ai majaw, ngai gaw hpyen wa zawn nang hpe jahpye nna, gumshem wa zawn ari jaw de ai.

YEREMIA 4:30

Nang mahtang, hten byak hkrum ai num e, nang kaning rai na n ta? Nang gaw hkyeng mang ai nba bu hpun nna, aja arai mawn sumli ai hte, na a myi man kaprang hkra tsi chya timung, na a tsawm htap ai gaw kaman lila sha rai nga ai: na a sumtsaw sumra ni gaw nang hpe kau da nna, na a asak hpe tam nga ma ai.

YEREMIA 9:1

Nye amyu shayi sha hte seng ai sat kau hkrum ai ni majaw, ngai gaw shani shana hkrap ngu hkrap ngoi nga lu hkra, nye a baw ntsin hkrai, nye a myi gaw myi prwi lwi ai hka hpawk, tai u ga law.

SHARUNG SHAYAWT 1:19

Ngai gaw sumtsaw ni hpe shaga ni ai; shanhte ngai hpe hkalem kau ma ai; Nye a hkinjawng ni hte nye a salang ni gaw tinang asak bau na, lusha tam yang pyi, Mare kata e nsa hti mat masai.

SHARUNG SHAYAWT 1:21

Ngai madai ai hpe shanhte na timung ngai hpe shalan shabran ai wa n nga ai; Ngai hkrum ai ruyak hpe hpyen ni yawng na lu nna, ndai lam nang shabyin ai majaw, shanhte kabu nga ma ai. Nang ndat da ai nhtoi nang shadu nna, shanhte gaw ngai zawn tai mu ga.

SHARUNG SHAYAWT 1:9

Shi a n san n seng ai dan leng nga timung, htawm hpang e hkrum na ra ai lam hpe n dum nga ai; Dai re ai majaw shi mau hkra shagrit kau ai hkrum nna, shi hpe shalan shabran ai wa n nga ai: Yehowa e, ngai hkrum ai nni nkri hpe yu u; hpyen wa gaw shi hkum hpe shagrau wu ai.

SHARUNG SHAYAWT 2:11

Nye amyu a shayi sha hten byak hkrum nna, ma kaji ni hte chyu chyu ai ni gaw, mare lam ni hta htan mat ma ai majaw, Nye a myi, myi prwi hte a mam nna, ngai myit law nga nngai: Nye a masin ga ntsa e ru jawng nga ai.

HOSEA 2:7

shanhte a kanu gaw, shawa num rai nga ai; shanhte hpe gawngli ai kanu gaw, kaya kahpa amu galaw nu ai: shi gaw, ‘Nye a muk, nye a ntsin, sagu mun, lachyit ri, sau hte luhpa ngai hpe jaw ai, nye a sumtsaw sumra ni hpang de, ngai hkan nang na nngai,’ nga nna tsun sai.

MIHKA 7:5

Htingbu htingpyen ni hpe, hkum kam myit; makyin jinghku ni hpe hkum hpa myit; tsawra madu jan a man e pyi, na n-gup pat kau u:

SHINGRAN 17:13

Dai ni gaw myit langai sha rawng nna, dai matse labye hpe tinang a hpung shingkang hte ahkang aya ap ya ma ai.

SHINGRAN 17:16

Bai, nang mu ai nrung shi hte dai matse labye gaw, dai shawa num hpe n dawng n yawt na mara ai rai nna, shi hpe katsi katsang hte singgu krin shatai kau nhtawm, shi a shan hpe sha kau nna, krawp mat hkra wan hte nat kau na mara ai.