SHARUNG SHAYAWT 1:1 - Jinghpaw Hanson Version Bible

¹ Masha law ai mare gaw, ya kaning rai shi hkrai lik lik dung nga a hka! Masha amyu ni hta galu kaba ai num gaw, gaida jan zawn tai wa sahka! Mungdaw ni a du jan gaw, ya hkansi bang nga a hka!

Jinghpaw Common Language Bible 2009

¹ Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

SHARUNG SHAYAWT 1:1 ပူးပေါင်းရင်းမြစ်များ

1 HKAWHKAM 4:21

Ya Shawlumon gaw dai Hka nu kaw nna Hpilisti mung hprang, Egutu mung na lamu ga jarit du hkra, mungdan mahkra up nna, shanhte gaw Shawlumon a prat htum hkra, shi hpe hkanse jaw nna daw jau mu ai.

2 HKAWHKAM 23:33

Shi gaw Yerusalem mare hta e n up nga lu hkra, Hpara-u-niko shi hpe Hamat mung na Rebla mare hta e bawng dung shangun nna, Yuda mung hpe gumhpraw joi hkying mi hte aja joi shi shawa wu ai.

2 HKAWHKAM 23:35

Gumhpraw wa lu na matu, Hpara-u hkang da ai hte maren, Yehoiakim gaw mung masha ni hta na hkanse lahkawn nna, Hpara-u hpe aja hte gumhpraw sak ya wu ai: Hpara-u-niko hpe sak ya lu na matu, shi gaw dai aja gumhpraw hpe, mung masha ni langai hte langai kaw na, jaw lu ai hte maren, aja awa lahkawn la wu ai.

2 HKAWHKAM LABAU 9:26

Ya shi gaw dai hka nu kaw nna, Hpilisti mung hprang, Egutu mung na lamu ga jarit du hkra, hkawhkam ni mahkra ntsa e up nga ai.

EZRA 4:20

lahkawn, hkanse, akang hta let, hka sinna hkran ting up nna, daru magam kaba ai hkawhkam ni gaw Yerusalem mare e dung nga yu sai lam, chye lu ga ai.

NEHEMIA 5:4

Bai nkau mi gaw, “Hkawhkam wa hpe hkanse jaw na matu, anhte gaw, yi hkauna ni hte tsabyi sun ni a malai, gumhpraw hkoi la saga ai.

NEHEMIA 9:37

Anhte yubak majaw, anhte a ntsa e up shangun ai hkawhkam ni mahtang, dai mungdan hta na lahkawn hkanse law law lu la ma ai: anhte a hkumhkrang ntsa e mung, anhte a yamnga ni a ntsa e mung, shanhte ahkang lu nna galaw mayu ai hte maren di ma ai rai nna, anhte gaw ruyak kaba sha nga ga ai.”

SHAKAWN KUNGDAWN 122:4

Israela sakse tai lu na hte, Yehowa a amying hpe shakawn kungdawn na matu, Amyu baw ni, Yehowa a amyu baw ni, dai de lung wa na ma ai.

ESAIA 14:12

Jahpawt manap a kasha, nhtoi gintawng e, nang gaw sumsing lamu na di hkrat wa nit hka! Amyu baw ni hpe zingri ai wa e, ga du hkra kran daw kau ai hkrum nit hka!

ESAIA 22:2

Jahtau marawn ai hte hpring nna, kaming kamawng let ngwipyaw dum ai mare e, nang hta hkala nba hkrum ai ni gaw, ri nhtu hte hkala nba hkrum ai n rai; na a si mang ni gaw, hpyen majan hta si ma ai n rai.

ESAIA 3:26

Shi a chyinghka ni gaw hkrap ngu hkrap ngoi let sharung shayawt na mara ai: shi gaw shingran katsi ai shara e ga hta dung nga na ra ai.

ESAIA 49:21

Shaloi nang gaw, “Ndai ni hpe, ngai e, kadai shaprat ya a ta? ngai gaw matu htum ai wa, katsi katsang re ai wa, bawng dung ai hte let hkawm ai wa rai nga ninglen, ndai ni hpe kadai kaba wa shangun a ta? Yu u, ngai hkrai sha nga ai rai yang, ndai ni gaw kanang na rai ma ta?” nga nna na a kraw e tsun na rin dai.

ESAIA 50:5

Madu Yehowa gaw nye a na hpe hpaw ya nna, ngai mung lale kau ai hte, kanut mat wa ai n rai.

ESAIA 52:2

Yerusalem e, nang hta kap ai ga nhpu hpe ahpu kau u; rawt u, na a tingnyang hta dung u: bawng dung ai Ziun shayi sha e, na a du na sumri raw kau u.

ESAIA 52:7

Shiga kaja gun nna, ngwipyaw ai lam shana, kaja ai shiga kajai gumhkawng ai hte, hkye hkrang la ai lam shana ya let, “Na a Karai Kasang up nga ai,” nga nna Ziun hpe tsun shana ai wa a lagaw gaw, bum lang ntsa e gade tsawm htap nga a hka!

ESAIA 54:4

Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.

YEREMIA 31:7

Bai Yehowa ning nga ai: Yaku a lam kabu gara ai hte mahkawn mangoi mu; masha amyu ni a agyi wa a lam garu mu: Yehowa e, na amyu ngu ai, naw ngam nga ai Israela hpe hkye hkrang la u, nga nna kajai gumhkawng let, shakawn kungdawn mu.

YEREMIA 40:9

Dai rai nna Shahpan a kashu Ahikam a kasha Gedalia gaw, Hkalde masha ni hpe daw jau na hkum tsang myit; ndai mung hta shanu nga nna, Babelon hkawhkam hpe daw jau mu; shing rai yang, ngwipyaw na myit dai.

YEREMIA 44:2

Israela Karai Kasang Zaw nawng zaw wa up ai Yehowa ning nga ai: Yerusalem hte Yuda mare ni mahkra ntsa e ngai shapraw ai tsin-yam tsindam nlang hpe, nanhte mu yu manit dai;

YEREMIA 44:6

Dai re ai majaw, nye a myit kahtet ai hte pawt sindawng ai hpe, ngai ru dat nna, dai gaw Yuda mare ni hte Yerusalem lam ni hta hkru nga nna, dai shara ni gaw, dai ni rai nga ai hte maren, akrin akraw shara tai mat nga ai.

YEREMIA 50:23

Ga ntsa ting hpe ndup ai sumdu gaw, kaning rai gyi mat nna, daw mat a hka! Babelon mare gaw, masha amyu ni hta shingran katsi ai shara, kaning rai tai mat a hka!

YEREMIA 9:11

“Ngai gaw Yerusalem mare hpe marawng marang hte, nam gwi ni shanu ai shara shatai na nngai; Yuda mare ni hpe masha shingran katsi ai shara shatai kau na nngai.”

SHARUNG SHAYAWT 1:19

Ngai gaw sumtsaw ni hpe shaga ni ai; shanhte ngai hpe hkalem kau ma ai; Nye a hkinjawng ni hte nye a salang ni gaw tinang asak bau na, lusha tam yang pyi, Mare kata e nsa hti mat masai.

SHARUNG SHAYAWT 2:1

Madu gaw pawt sindawng ai sumwi hte, Ziun shayi sha hpe, kaning rai ka-up nga a hka! Shi gaw Israela hpung shingkang hpe lamu kaw nna ga du hkra jahkrat kau nu ai: Shi pawt bu ai shani hta, shi a lagaw mara ai lahkum hpe shi dum nga ai, n rai.

SHARUNG SHAYAWT 2:10

Ziun shayi sha a salang ni gaw, ga ntsa e dung nna, atsin sha nga nga ma ai; Shanhte gaw tinang a baw ntsa e ga nhpu hpe bun nna, lachyit nba lawai ma ai. Yerusalem a mahkawn ni gaw, ga du hkra gum dagup nga ma ai.

SHARUNG SHAYAWT 4:1

Aja gaw kaning rai sum mat sahka! Jet ai ja gaw kaning rai galai mat sahka! Chyoi pra ai nta na nlung ni gaw, mare lam njut nnaw hkan e jawng nga ma ai.

SHARUNG SHAYAWT 5:16

Anhte gup ai janmau hkrat mat sai. Anhte shut hpyit ai majaw, dingnye lu ga ai.

EZEKELA 26:16

Dai shaloi e nammukdara agyi ni yawng tinang tingnyang na yu nna, palawng galu hpe raw kau nhtawm, maka ka ai palawng hpe raw kabai kau na mara ai; shanhte gaw hkrit gari ai bu hpun na mara ai: ga hta dung nga nna tut hkrit gari let, nang hta byin ai amu majaw, shanhte mak mat na mara ai.

EZEKELA 26:2

“Masha kasha e, Turu mare gaw, ‘Aha, mungdan ni a chyinghka nga ai, Yerusalem mare gaw daw mat sai; ngai shang na matu hpaw malang nga ai; dai mare gaw, ya katsi katsang rai nga ai rai nna, ngai sut su na nngai,’ nga nna tsun ai majaw,

EZEKELA 5:5

Madu Yehowa ning nga ai: Da ndai gaw Yerusalem mare rai nga ai; ngai gaw dai mare hpe amyu baw ni a ka-ang e tawn da nna, de a grup yin e mungdan ni dè nga ma ai.

JAW JAU 26:31

Nanhte a mare ni hpe ngai nam shatai nna, nanhte a nawku nta ni hpe akrin atsai hpya kau na we ai: nanhte a manam pyaw sangau mung ngai manam ya na n rai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

ZEHPANI 2:15

Dai mare nan, Ngai gaw nga nga nna, ngai hta shaje kadai n nga ai, nga nna kabu sha rawng ai myit hte sawse lawklek nga let, tinang a kraw lawang e tsun ai mare rai nga ai: ya, shi gaw, katsi katsang hte matse labye ni hpum nga ai shara tai wa sahka! dai hku lai wa ai ni yawng, de a lam, Yi lo, nga nna, tinang a lata ari na mara ai.

SHINGRAN 18:7

Shi tinang hkum shareng nna sawse lawklek kaba wa ai made, zingri zingrat ai hte sharung shayawt ai, shi hpe htang jaw mu: kaning rai nme law, shi gaw, Ngai hkawhkam jan hkaw dung nga nngai; ngai gaida jan n rai; galoi mung sharung shayawt ai ngai n hkrum na nngai, nga nna kraw kata e tsun nga ai.