SHAKAWN KUNGDAWN 82:3 - Jinghpaw Hanson Version Bible

³ Matsan mayan ni, jahkrai nmai ni hpe karum mu, Myit gyip ai ni hte hku hku ai ni hpe awlaw mu.

Jinghpaw Common Language Bible 2009

³ Matsan mayan ni hte jahkrai ma ni a ahkaw ahkang ni hpe makawp maga ya mu; ra kadawn nga ai ni hte karum la na masha kata ai ni hpe rap ra ai hku jeyang mu.

SHAKAWN KUNGDAWN 82:3 ပူးပေါင်းရင်းမြစ်များ

YOBA 29:12

Ngai gaw hpyi jahtau ai matsan mayan hkrum ai wa hpe mung, karum ai wa n lu ai jahkrai ma hpe mung, mawai la nngai.

YOBA 31:21

mare chyinghka e ngai hpe maga ai ni dung nga ai majaw, jahkrai ma ni hpe ngai mara shagun ai rai yang,

SHAKAWN KUNGDAWN 10:18

Ga ntsa masha htawm hpang e n jahkrit lu mu ga, Shanhte a myit hpe nang shadaw ya nna, Na a na hte madat mara la ya nga ndai law.

PRU MAT 23:3

matsan mayan wa hpe rai timung shi a amu hta maga lu na n rai.

PRU MAT 23:6

Nang hta matsan mayan re ai wa amu rawng yang, n ding n man ai hku nang hparan ya lu na n rai.

GA SHAGAWP 31:9

Na a n-gup hpaw let, tengman ai hku tara dara u; Matsan mayan hte nni nkri hkrum ai ni hpe, tengman ai hku dawdan u.

ESAIA 1:17

Kaja ai amu galaw na sharin la mu; dinghpring ai hpe hkan shachyut mu; nni nkri hkrum ai ni hpe karum mu; chyahkrai ma ni a mata tengman ai hku jeyang mu: gaida gaina ni hpe tau mu.

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

YEREMIA 21:12

Dawi a dap e, Yehowa ning nga ai: jahpawt shagu dinghpring ai hku tara dara mu; kashun kashe hkrum ai wa hpe, zingri ai wa a lata na mawai la mu; shing n rai, nanhte a n hkru ai amu majaw, nye a pawt kahtet ai myit, kadai n sat lu ai wan zawn, hkru na ra ai.

YEREMIA 22:16

Shi gaw nni nkri hkrum ai ni hte, matsan mayan ni hpe, malang ai hku jeyang ai majaw, ngamu ngamai hkrum nga ai: dai gaw ngai hpe chye chyang ai lam n rai ni? nga nna Yehowa tsun ai.

YEREMIA 22:3

Yehowa ning nga ai: Tara hkan nna dinghpring ai hku galaw mu; kashun kashe hkrum ai wa hpe zingri ai wa a lata na mawai la u; malet nhprang manam wa hpe mung, chyahkrai nmai hpe mung, gaida gaina hpe mung, maw sha ai hte adip arip hkum rai myit; mara n kap ai asai ndai yang e hkum jahkaw kau myit.

YEREMIA 5:28

Shanhte sau hpum nna, myi man kabrim wa ma ai; shanhte gaw n hkru ai hta ladu lai ma ai; jahkrai nmai ni ngamu ngamai na matu, shanhte a amu hpe tsun ya hkraw ma ai n rai; matsan mayan ni hpe mung, tara ding ai hku tara dara ya, hkraw ma ai n rai.

ZEHKARIA 7:9

‘Malang ai hku tara dara mu; langai hte langai tinang a hpunau wa hpe n-gaw nwai ai hte matsan dum ai myit madun mu;

TARA JAHPRANG 10:18

jahkrai nmai, gaida gaina ni hpang maga tara dara ya nna, shingbyi zaw nam ni hpe tsawra ai hte lusha hpun palawng jaw ai wa rai nga ai.

TARA JAHPRANG 24:17

Ndang kalang hkat ai amu hta amyu kaga wa hte jahkrai nmai ma hpe jasum lu na n rai; gaida jan a hpun palawng hpe tang la kau lu na n rai:

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.