SHAKAWN KUNGDAWN 81:5 - Jinghpaw Hanson Version Bible

⁵ N chye na lu ai ga ngai na yu se ai rai nna, Shi gaw Egutu mung ntsa e hkawm lai wa ai shaloi e, Yawsep hta e, dai jep ai tara hpe shi tawn da wu ai.

Jinghpaw Common Language Bible 2009

⁵ Egutu mung hpe shi gasat ai shaloi, Israela amyu masha ni hpe jaw ya ai ga ndat rai nga ai. N chye na ai ga nsen langai mi hpe ngai na nngai, dai nsen gaw,

SHAKAWN KUNGDAWN 81:5 ပူးပေါင်းရင်းမြစ်များ

SHAKAWN KUNGDAWN 114:1

Israela masha ni Egutu mung hta na, Yaku a dap gaw gri magra ga ga ai amyu hta na, pru wa ma ai shaloi e;

SHAKAWN KUNGDAWN 77:15

Na a amyu, Yaku hte Yawsep a kashu kasha ni hpe, Na a hkra lata hte nang shaw hkrang la mu ai. [Selah.]

SHAKAWN KUNGDAWN 78:6

Tinang a myit masin hpe n shading nna, Karai Wa a man e tinang a wenyi sadi n dung ai amyu n tai mu ga she:

PRU MAT 11:4

Bai Mawshe gaw, “Yehowa ning nga ai: Yuptung hpawa e Egutu mung kata de ngai shang sa wa na ring ngai:

PRU MAT 12:12

Kaning rai nme law, dai shana e Egutu mung hta ngai dinghkren mat wa nna, masha kaw nna yamnga du hkra, Egutu mung a kasha alat nlang hte hpe sat kau na mawe ai; Egutu hpara mahkra hpe mung ngai jeyang na mawe ai: ngai Yehowa rai nga nngai.”

PRU MAT 12:27

Nanhte gaw, Yehowa Egutu masha ni hpe ari jaw ai shaloi, anhte a nta ni hpe shalawt yang na, Egutu mung e Israela kashu kasha ni a nta ni hpe lai kau da ai, Yehowa a shalai dat ai hkungga rai nga ai, ngu nna shanhte hpe tsun dan lu na rai myit dai,” ngu wu ai: shing nga tsun ngut jang amyu masha ni gaw baw dagup nna nawku nga ma ai.

PRU MAT 12:29

Shaloi yuptung hpawa e Yehowa gaw tingnyang hta dung nga ai Hpara-u a kasha alat kaw nna, htawng e bawng dung nga ai wa a kasha alat du hkra, Egutu mung na kasha alat nlang hte hpe mung yamnga a kasha alat nlang hte hpe mung, yamnga a kasha alat nlang hte hpe mung sat kau wu ai.

ESAIA 28:11

gaja wa, Dai gaw ban sa ai lam rai nga ai; hki ba hkrum ai wa hpe ban sa shangun u; dai gaw nsa awai ai lam rai nga ai, nga nna shanhte hpe tsun dan timung, n madat hkraw ma ai majaw,

YEREMIA 5:15

Yehowa ning nga ai: Israela amyu e, nang hpe gasat na matu, sumtsan mung na amyu langai mi hpe ngai woi wa na nngai: dai gaw, n-gun atsam rawng ai amyu, moi chyaloi nhkoi na amyu, rai nga ai; dai amyu a ga hpe nang n chye, shanhte tsun ai hku, nang n chye na ndai.

EZEKELA 20:20

nye a laban nhtoi ni hpe shachyoi shapra mu: ngai gaw nanhte a Karai Kasang Yehowa rai nga nngai, nanhte chye lu hkra, dai laban nhtoi ni gaw, ngai hte nanhte a lapran e kumla tai na ra ai,” nga nna ngai tsun ni ai.

AMO LAIKA (AMOS) 6:6

tsabyi jahku hpe gawm hta lu nhtawm, kaja htum ai sau hte tinang hkum hpe chya myit dai: shanhte chyawm gaw, Yawsep a hkala nba hkrum ai lam, hpa n yawn ma ai.

TARA JAHPRANG 28:49

Yehowa gaw, kalang htim ai zawn larau ai masha amyu mi, tsan ai shara lamu ga htum na, nang hpang de sa gasat shangun na ra ai; dai amyu a shaga ai ga nang chye na na n rai:

TARA JAHPRANG 4:45

Egutu mung na shanhte pru wa ma yang, Hesbon e dung ai Amori hkawhkam Sihon a lamu ga, Yawdan hka sinpraw hkran, Bet-peora hte tawtap na kadit e, Mawshe, Israela kashu kasha ni hpe tsun da ai sakse ga, matsun maroi ga hte hkang da ai tara ga rai nga ai: