SHAKAWN KUNGDAWN 76:5 - Jinghpaw Hanson Version Bible

⁵ Nden ja ai ni hten byak re ai hkrum sha nna, Ndum shami yup taw nga ma ai; N-gun ja ai ni tinang a lata hpe pyi, n dum ma ai.

Jinghpaw Common Language Bible 2009

⁵ Shanhte a share shagan ai hpyenla ni gaw shanhte lu ai arai yawng raw sharun la kau ai hkrum ma ai; ya, shanhte si kadawng taw nga masai. Shanhte a n-gun hte kung kyang ai lam yawng hte mung kaman lila sha rai mat manu ai.

SHAKAWN KUNGDAWN 76:5 ပူးပေါင်းရင်းမြစ်များ

NAHUM 3:18

Asuri hkawhkam wa e, na a sagu rem ni yup nga ma ai; na a nden ja ai ni gaw, ban sa nga ma ai: na a amyu masha ni gaw, bum lang hkan e bra nga nna, shanhte hpe shinggyin la ai wa n nga ai.

SHAKAWN KUNGDAWN 13:3

Nye a Karai Kasang Yehowa e, mada yu nna htan ya e: Si ai hta ngai n yup nga n ga,

YEREMIA 51:39

Shanhte pyaw daw kadaw yang, ngai shanhte a matu poi galaw nna, shanhte kabu gara nga timung, n hprang lu hkra prat dingsa yup pyaw na matu, shanhte hpe luhpa jaw shanang na nngai.

ESAIA 46:12

Myit ja nna dinghpring ai lam hte tsan ai ni e, nye a ga madat mu:

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

ESAIA 31:8

Asuri wa mung, masha n lang ai nhtu hte si na ra ai; masha n lang ai nhtu gaw shi hpe shamyit kau na ra ai; shi gaw nhtu tsin-yam hta na hprawng nna, shi a wa-ngan ni mayam tai na mara ai.