SHAKAWN KUNGDAWN 74:3 - Jinghpaw Hanson Version Bible

³ Tut tut marawng marang rai nga ai de sa yu u, Gumlau ni a chyoi pra ai shara hpe hpya kau manu ai.

Jinghpaw Common Language Bible 2009

³ Anhte a gumlau hpyen ni atsai awai hpya jahten kau sai Nawku Htingnu kata na arung arai ni mahkra hpe sa du gawan yu u.

SHAKAWN KUNGDAWN 74:3 ပူးပေါင်းရင်းမြစ်များ

2 HKAWHKAM 25:9

Shi gaw Yehowa a nta hte hkawhkam htingnu hpe mung, Yerusalem mare e nga ai nta kaba ni nlang hte hpe mung, nat kau wu ai.

NEHEMIA 1:3

“Shaloi shanhte gaw, bawng dung kaw na lawt nna, mungdaw ni hta ngam nga ai ni gaw, tsin-yam tsindam, shoihpa shoirang law law wa hkrum ma ai: Yerusalem a bunghku ni gaw run agrawp mat nna, mare chyinghka ni mung, hkru mat ma masai,” nga nna ngai hpe tsun ma ai.

NEHEMIA 2:13

Shaloi ngai gaw shana aten e kadit chyinghka lam hku pru nna, baren hka htung hte maza htawm kau ai chyinghka lam du hkra, run agrawp kau ai Yerusalem mare bunghku ni hte, de a hkru mat ai chyinghka ni hpe mada yu nngai.

NEHEMIA 2:3

Shaloi ngai gaw “hkawhkam wa hpe, hkawhkam wa gaw, tutnawng asak hkrung nga u ga; nye ji wa ni a lup rawng ai mare gaw, katsi katsang rai nga nna, bunghku chyinghka ni hkru mat sai majaw, ngai myi man n sum ai, kaning rai nga lu na rai ta?” ngu we ai.

SHAKAWN KUNGDAWN 44:23

Madu e, rawt u, nang hpa rai yup mu nga n ta? Rawt u, anhte hpe tut tut hkum kau da et.

SHAKAWN KUNGDAWN 44:26

Anhte hpe karum na rawt u, Na a chyeju hte anhte hpe hkrang la mi law.

SHAKAWN KUNGDAWN 79:1

Karai Kasang e, maigan amyu ni, Na a sali wunli hta shang nga nna, Na a chyoi pra ai htingnu hpe wu kau mu ai: Yerusalem mare hpe marawng marang di kau mu ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 25:10

Kaning rai nme law, Yehowa a lata gaw ndai bum ntsa e ban sa na ra ai: yi hku hpe nga hkyi hte kabye kayau kau ai zawn, Moba mung gaw kabye kau ai hkrum na ra ai.

ESAIA 61:4

Shanhte gaw moi chyaloi nhkoi na akrin akraw shara hpe bai dè da nna, prat mi hte prat mi marawng marang re ai mare ni hte, katsi katsang re ai shara ni hpe lajang tawn da na mara ai.

YEREMIA 52:13

Shi gaw Yehowa a nta hte hkawhkam htingnu hpe mung, Yerusalem mare e nga ai nta kaba ni nlang hte hpe mung, nat kau wu ai.

SHARUNG SHAYAWT 1:10

Hpyen wa gaw, shi a ngamu ngamai ai mahkra hpe kashun la nu ai; Na a shawa hpawng hta n mai shang ai, nga nna nang hkum da ai maigan amyu ni gaw, Shi a chyoi pra ai shara de shang wa ai hpe, shi mada mu nga ai.

Daniela 11:31

Shi a hpyen luksuk ni sin nga nna, bunghku kum ai chyoi pra ai nta hpe awu asin di kau ai hte, tutnawng nawng ya ai wan nat hkungga hpe hkum kau nna, jahten shabyak chye ai matsat shabat kumla hpe shadun da na mara ai.

Daniela 9:17

Dai re ai majaw, anhte a Karai Kasang e, na a mayam wa a akyu hpyi ai hte tawngban ai ga madat mara ya e; Madu a chyeju jaw e, katsi katsang rai nga ai, na a chyoi pra ai shara ntsa e, na a myi man naw htoi tu shangun u.

Daniela 9:27

Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

MIHKA 1:3

Kaning rai nme law, yu u, Yehowa gaw shi a shara na pru wa nna, yu wa yang, ga ntsa na tsaw ai kawng ni a ntsa e kabye hkawm na ra ai.

MIHKA 3:12

Dai re ai majaw, nanhte a jaw e, Ziun gaw yi hkauna zawn shawt kau ai hkrum nna, Yerusalem mare gaw marawng marang sumpum tai mat na hte, nawku Htingnu bum mung, nam mali na tsaw ai kawng ni zawn, tai mat na ra ai.

MARKU 11:17

Shi shanhte hpe sharin shaga nna, “Nye a nta gaw amyu baw shagu a matu akyu hpyi ai nta ngu na mu ai, nga nna ka da nga ai, n rai ni? nanhte chyawm gaw, dai hpe damya lungpu di kau manu ai,” ngu nna tsun mu ai.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

YAWSHU 10:24

Ya shanhte gaw dai hkawhkam ni hpe Yawshu hpang de woi wa ma ai rai nna, Yawshu gaw Israela masha ni mahkra hpe shaga la nna, shi hte rau gasat sa ai hpyen du ni hpe, “Sit wa marit, ndai hkawhkam ni a du kabye ya maru,” ngu wu ai: shanhte mung sit sa nna, dai hkawhkam ni a du kabye ya mu ai.

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.