SHAKAWN KUNGDAWN 72:9 - Jinghpaw Hanson Version Bible

⁹ Nam mali e nga ai ni shi a man e dingnyawm nna, Shi hpe gumlau ai ni, ga nhpu mata mu ga.

Jinghpaw Common Language Bible 2009

⁹ Nam mali hkan na amyu baw ni gaw na a man e, dingnyawm wa na mara ai; shi a gumlau hpyen ni gaw shi a man e dingnyawm wa na mara ai.

SHAKAWN KUNGDAWN 72:9 ပူးပေါင်းရင်းမြစ်များ

NINGPAWT NINGHPANG 3:14

Dai rai nna Yehowa Karai Kasang gaw dai lapu hpe, “Nang ndai galaw ndai majaw, yamnga mahkra hte nam mali na dusat nhprang mahkra hta, nang dagam dala hkrum na ndai; na a kan hte nang hkawm lu na rai nna, nang hkrung nga ai nhtoi mahkra hte hta, ga nhpu sha lu na ndai:

1 HKAWHKAM 9:18

bai dai mung na nam mali hkan e Balat hte Tama hpe mung;

SHAKAWN KUNGDAWN 110:1

Yehowa nye a madu hpe tsun wu ai gaw, “Na a gumlau ni hpe, na a lagaw kabye ai lahkum ngai shatai ai du hkra, Nye a hkra maga e naw adung nga u,” nga ai.

SHAKAWN KUNGDAWN 110:6

Shi gaw masha amyu ni hpe dawdan na mu ai; shanhte hta e moi mang hpring nga ai; Mung law law ni a baw hpe shi agrawp kau na wu ai.

SHAKAWN KUNGDAWN 2:9

Nang shanhte hpe hpri sumdoi hte shabya kau nna, Wan galaw ai wa a wan zawn, ga kau na maru ai,” nga nna Yehowa ngai hpe tsun ni ai.

SHAKAWN KUNGDAWN 22:29

Ga ntsa na lu su ai ni nlang hte gaw, lu sha nna nawku na mara ai; Nhpu hta shang nna tinang a asak hpe n bau lu ai ni nlang hte mung, shi a man e, dingnyawm na mara ai.

ESAIA 49:23

Hkawhkam ni gaw na a kawa malai, hkawhkam jan ni na a chyu jaw kanu malai tai na mara ai: shanhte a man e gum dagup nna, na a lagaw na ga nhpu mata na mara ai: ngai gaw Yehowa rai nga nngai, nang chye na rin dai; ngai hpe ala nga ai ni kaya kahpa hkrum na n rai.

MIHKA 7:17

Shanhte gaw lapu zawn ga nhpu mata na mara ai: ga ntsa gumrawt hkawm ai baw zawn, tinang a nhkun de na hkrit gari let pru na mara ai: shanhte gaw anhte a Karai Kasang Yehowa hpang de hkrit gari let du nna, na a majaw hkrit kamyin nga na mara ai.

LUKA 19:27

Dai hta kaga, shanhte a ntsa e ngai hpe up shangun na n ra ai, nye a gumlau ni hpe, nang de dun wa nna, nye a man e sat kau maru, ngu nna hkang dat mu ai,” ngu wu ai.