SHAKAWN KUNGDAWN 72:5 - Jinghpaw Hanson Version Bible

⁵ Shu mashi shu masha, jan shata anga nga ai prat dingsa, Shanhte nang hpe hkrit hkungga mu ga.

Jinghpaw Common Language Bible 2009

⁵ Prat ban law law a matu du sa wa na, shu mashi shu masha ni, jan, shata, htoi nga dingsa, na a amyu masha ni nang hpe nawku daw jau lu mu ga.

SHAKAWN KUNGDAWN 72:5 ပူးပေါင်းရင်းမြစ်များ

1 HKAWHKAM 3:28

Hkawhkam wa hparan jeyang ya ai lam Israela masha ni yawng na shajang ma ai; tara dara na lam hta dingman ai hku hkan lu hkra, Karai Kasang a hpaji byeng-ya shi hta rawng nga ai gaw shanhte dum chye ma ai majaw, hkawhkam wa hpe hkrit hkungga ma ai.

SHAKAWN KUNGDAWN 72:17

Shi a mying nsang gaw tutnawng e anga nga lu ga; Jan grin nga ai zawn shi a amying pu nga lu ga: Shi a majaw masha ni a lu nga mu ga; Nlang hte gaw shi hta sharawng awng nga mu ga.

SHAKAWN KUNGDAWN 72:7

Shi a aprat e dingman ai ni awng wa mu ga, Shata mat mat ai du hkra ngwi kaba rai nga lu u ga.

SHAKAWN KUNGDAWN 89:29

Shi a aru arat tutnawng e anga nga na ra ai; Shi a tingnyang lamu a nhtoi zawn, agrin nga na lu ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 7:14

Masha amyu baw shagu hte, ga amyu myu tsun ai ni yawng, shi hpe daw jau na matu, up ai ahkang aya, hpung shingkang hte mungdan, shi hpe ap ya wu ai: shi a up hkang ai gaw n htum n wai, htani htana prat dingsa up hkang ai lam rai nga nna, shi a mungdan gaw hten byak lu ai mungdan n rai.”

Daniela 7:27

Mungdan hte up ai ahkang aya, sumsing lamu ting npu na mungdan ni a daru magam hpe, Tsaw Htum ai Wa a chyoi pra ai masha ni lu la na mara ai: shi a mungdan gaw htani htana mungdan rai nga nna, up ai ahkang aya lu ai ni yawng, shi hpe daw jau let, madat mara na mara ai, nga nna ngai hpe ga lachyum shapraw dan ai.

EHPESU 3:21

dai Hpung hta e mung, Hkristu Yesu hta e mung, htani htana prat dingsa na shu mashi shu masha du hkra, hpung shingkang anga nga u ga law. Amen.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

1 SAMUELA 12:18

Shing rai Samuela Yehowa hpe hpyi shaga nna, dai shani e Yehowa gaw, mu ngoi ai hte marang jahtu dat mu ai: dai majaw mung masha ni nlang, Yehowa hte Samuela hpe nachying hkrit mat ma ai.