SHAKAWN KUNGDAWN 72:4 - Jinghpaw Hanson Version Bible

⁴ Nni nkri hkrum ai amyu masha ni hpe shi tara dara ya u ga; Matsan mayan ni a kashu kasha ni hpe shi hkye la nna, Zingri zingrat ai wa hpe a dup kau mu ga.

Jinghpaw Common Language Bible 2009

⁴ Hkawhkam wa gaw matsan mayan masha ni hpe rap ra ai hku tara jeyang lu u ga; ra kadawn ai ni hpe mung karum ya lu u ga, shanhte hpe dip gamyet sha ai ni hpe dang kau lu u ga.

SHAKAWN KUNGDAWN 72:4 ပူးပေါင်းရင်းမြစ်များ

YOBA 19:2

“gaten du hkra nye a myit masin hpe sharu nna, ga sumtu hte ngai hpe agrawp kau na myit ta?

YOBA 34:24

Hpa garai n gawn yu yang, shi gaw daru magam ni hpe agrawp kau nna, shanhte a malai kaga ni hpe tawn da mu ai.

SHAKAWN KUNGDAWN 109:31

Kaning rai nme law, shi gaw matsan ai wa a asak hpe, dawdan ai ni a lata na hkye la na, Shi a hkra maga e, a tsap nga na ra ai.

SHAKAWN KUNGDAWN 2:9

Nang shanhte hpe hpri sumdoi hte shabya kau nna, Wan galaw ai wa a wan zawn, ga kau na maru ai,” nga nna Yehowa ngai hpe tsun ni ai.

SHAKAWN KUNGDAWN 94:5

Yehowa e, shanhte gaw na a amyu hpe dip da nna, Na a sali wunli hpe zingri zingrat mu ai.

GA SHAGAWP 20:26

Hpaji rawng ai hkawhkam gaw, n hkru ai ni hpe tsan kau nna, Shanhte a ntsa e hpwi rin shangun nga ai.

ESAIA 11:4

shi gaw, dinghpring ai hku hkan let, matsan mayan ni hpe tara dara nna, myit malang ai hku hkan let, ga ntsa na myit gyip ai ni a hpang maga de dawdan na ra ai; shi n-gup ngu ai shingna hte ga ntsa hpe ari jaw nna, shi nten na pru ai nsoi nsa hte, tara n lang ai ni hpe sat kau na ra ai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 42:3

Bye dip kau ai mai-aw hpe shi n shadaw na hte, kachyi mi sha tu ai wan shat hpe sat kau na n rai: shi gaw tengman ai hte tara ding ai hku shapraw na ra ai.

ESAIA 9:4

Hpyen luksuk laba ni a hpyen kyepdin hte, sai galu ai hpun nba ni yawng, wan nat na matu wan shat tai na ra ai.

ZEHKARIA 11:11

Dai shani e dai ga shaka run kau ai hkrum nna, dai lam gaw Yehowa kaw na rai nga ai, sagu hpung hta na, nye a ga madat ai matsan mayan sagu ni, chye nga ma ai.

ZEHKARIA 11:7

Shing rai ngai gaw sat na matu san da ai, matsan mayan sagu hpung hpe, rem nga nngai. Sagu rem dawhkrawng lahkawng ngai la nna, langai mi hpe, Chyeju, langai mi hpe, Matut manoi, ngu shamying nngai; shaloi ngai gaw dai sagu hpung hpe rem nga nngai.

MAHTE 11:5

myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu kabu gara shiga hkaw dan nga ai:

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 18:24

Myihtoi ni a asai, chyoi pra ai ni a asai hte ga ntsa e sat kau hkrum mahkrum ni a asai, dai mare kata e mu hkrup lu sai,” nga nna tsun ai.

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.