SHAKAWN KUNGDAWN 72:3 - Jinghpaw Hanson Version Bible

³ Dingman ai hku majaw, bum ni hte kawng ni gaw, Amyu masha ni hpe ngwipyaw lam tawn da na mu ai.

Jinghpaw Common Language Bible 2009

³ Lamu ga gaw ngamu ngamai ai lam hpe kabu gara let hkam la lu mu ga; ding man ai lam hpe hkan sa nga mu ga.

SHAKAWN KUNGDAWN 72:3 ပူးပေါင်းရင်းမြစ်များ

SHAKAWN KUNGDAWN 65:12

Nam na udat ni hta mung lwi nga nna, Kawng ni kabu gara ai a kyit nga ma ai.

SHAKAWN KUNGDAWN 72:16

Mungdan na bum ni a pungding du hkra, nai mam paw wa nna, Lebanon zawn, de a nsi naisi a hkung nga lu ga: mare masha ni mung, lamu ga na nam lap zawn prut wa mu ga.

ESAIA 45:8

Sumsing lamu ni e, ntsa de na yun hkrat mu; sumwi ni dinghpring ai hpe htu mu ga: ginding aga gaw pu pu nna, hkye hkrang la ai chyeju si si u ga; dinghpring ai gaw rau tu wa u ga: ngai Yehowa gaw dai lam hpan da nngai.

ESAIA 52:7

Shiga kaja gun nna, ngwipyaw ai lam shana, kaja ai shiga kajai gumhkawng ai hte, hkye hkrang la ai lam shana ya let, “Na a Karai Kasang up nga ai,” nga nna Ziun hpe tsun shana ai wa a lagaw gaw, bum lang ntsa e gade tsawm htap nga a hka!

ESAIA 60:17

Magri a malai aja, hpri a malai gumhpraw, hpun a malai magri, nlung a malai ahpri, ngai jashawn na nngai: na a du salang ni hta, ngwipyaw myit, nang hpe woi awn ai ni hta, dinghpring ai myit, ngai bang na nngai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

YOELA 3:18

Dai aten e, bum ni gaw, dwi ai tsabyi jahku yun nna, kawng ni gaw, nga chyu lwi na ra ai: Yuda hka lawng hka hkawng ni yawng, hka lwi na ra ai; Yehowa nta kaw na hka hpawk hpaw pru nna, Shitim kadit hpe madit na ra ai.