SHAKAWN KUNGDAWN 72:12 - Jinghpaw Hanson Version Bible

¹² Kaning rai nme law, shaga nga ai matsan ai wa hte, Nrum ntau n lu ai nni nkri hkrum ai wa hpe, shi mawai la na ra ai.

Jinghpaw Common Language Bible 2009

¹² Shi hpe shaga ai matsan mayan masha ni, ra kadawn nga ai ni hte n sawn n sang di kau hkrum ai ni hpe shi mawai la nga ai.

SHAKAWN KUNGDAWN 72:12 ပူးပေါင်းရင်းမြစ်များ

YOBA 29:12

Ngai gaw hpyi jahtau ai matsan mayan hkrum ai wa hpe mung, karum ai wa n lu ai jahkrai ma hpe mung, mawai la nngai.

SHAKAWN KUNGDAWN 102:17

Matsan mayan ni a akyu hpyi ai ga shi madat ya nna, Shanhte a akyu hpyi ai lam matsat kau ya mu ai n rai.

HEBRE 7:25

Dai rai nna, shi gaw shinggyim masha ni a matu mara tawngban ya nga na, tutnawng e ahkrung nga ai majaw, shi a marang e Karai Kasang kaw sit shang wa ai ni hpe hkum tsup wa hkra, mawai la lu na atsam, shi lu nga ai.

HPAJI NINGLI 4:1

Bai, jan a npu e zingri zingrat ai lam yawng hpe ngai sumru yu nngai: zingri zingrat hkrum ai ni myi prwi pru timung, shalan shabran ai wa n nga ai; zingri zingrat ai ni adip arip di timung, shalan shabran ai wa n nga ai.

SHAKAWN KUNGDAWN 10:17

Yehowa e, myit gyip ai ni a ra ai lam, nang na yu nga ndai; Jahkrai nmai ni hte zingri zingrat hkrum ai ni hpe dawdan ya nna,

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

ESAIA 41:17

Nni nkri hkrum ai ni hte matsan mayan ni gaw, ntsin tam timung, n mu ma ai: shanhte a shinglet hpang kara ai hte hkraw mat yang, ngai Yehowa shanhte a ga madat mara nna, Israela Karai Kasang ngai gaw, shanhte hpe kau da na, n rai.

SHAKAWN KUNGDAWN 72:4

Nni nkri hkrum ai amyu masha ni hpe shi tara dara ya u ga; Matsan mayan ni a kashu kasha ni hpe shi hkye la nna, Zingri zingrat ai wa hpe a dup kau mu ga.

LUKA 7:22

Shaloi htan let shi shan hpe, Na mana mu mamu hte maren Yawhan hpe wa tsun dan mu: myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu kabu gara shiga hkaw dan nga ai:

SHAKAWN KUNGDAWN 102:20

Bawng dung ai ni a madai ai hpe shi madat nga ai, Si na wa a matu shi chyinghka hpaw ya nga ai.

1 SAMUELA 22:2

Amu hkrum ai ni, ahka kap ai ni hte myit karen ai ni nlang hte shi kaw sa zup nna, shi shanhte a agyi tai nga ai; shing ai marai mali tsa daram shi kaw hkan nang ma ai.

2 SAMUELA 14:16

kaning rai nme law, an nu hpe Karai Kasang a Sali ga hta na shamyit kau mayu ai wa a lata na, shi a mayam jan e shaw la na matu, hkawhkam wa madat ya na re ai,” ngu we ai.

YOBA 36:15

Shi gaw nni nkri hkrum ai ni hpe, tinang hkrum ai nni nkri hte mawai la nna, adip arip re ai hte shanhte a na hpe hpaw ya mu ai.

SHAKAWN KUNGDAWN 55:17

Shana e, jahpawt e, jan pungding ga ai aten e, Ngai myit aru yu let madai nga nna, Shi nye a nsen hpe madat ya na ra ai.

GA SHAGAWP 29:7

Dinghpring ai wa gaw, matsan mayan ni a amu lam sumru yu nga ai; Tara n lang ai wa chyawm gaw, dai hpe hpa n nawn nga ai.