SHAKAWN KUNGDAWN 71:9 - Jinghpaw Hanson Version Bible

⁹ Ngai dingla jang ngai hpe hkum kabai kau et, Nye a n-gun yawm mat yang, ngai hpe hkum jahti da et.

Jinghpaw Common Language Bible 2009

⁹ Ya, ngai dingla wa nga nngai majaw, ngai hpe hkum kabai kau nga et; ya, ngai n-gun yawm nga nngai majaw, ngai hpe hkum kau da nga et.

SHAKAWN KUNGDAWN 71:9 ပူးပေါင်းရင်းမြစ်များ

2 SAMUELA 19:35

Dai ni nye a asak matsat shi ning rai sali ai. Kaja ai hte n kaja ai naw chye ginhka na a ni? Na a mayam lusha mu n mu naw chye na na a ni? Mahkawn shabrang ni a mahkawn mangoi ai nsen na lu na a ni? Dai rai nna, na a mayam nang hkawhkam wa hpe hpa majaw naw shatsang na rai ta?

SHAKAWN KUNGDAWN 71:18

Dai majaw Karai Kasang e, prat mi hte prat mi na a lata, Hpang na ni hpe na a atsam ngai madun dan ya ai du hkra, Dingla nna baw hpraw timung, ngai hpe hkum jahti da et.

SHAKAWN KUNGDAWN 73:26

Nye a hkum shan hte myit masin mat wa timung, Karai Kasang gaw nye a myit lunghkrung hte, prat dingsa na sali wunli rai nga ai.

SHAKAWN KUNGDAWN 90:10

Anhte a aprat a nhtoi ni sanit shi ning rai nga ai; Kalang lang, n-gun ja ai a majaw matsat shi ning du rai timung, De a gumrawng shara gaw, amu hte yawn hkyen ai hkrai rai nga ai: Dai gaw alawan lai wa nna, anhte pyen mat nga ga ai.

ESAIA 46:4

Nanhte aprat kaba yang pyi, ngai rai nga nngai; dingla ugut gu timung, ngai pawn ba na nngai; ngai galaw da nngai, ngai gun hpai nngai; gaja wa, ngai pawn ba na nngai; ngai mawai la na nngai.

2 TIMOHTI 1:12

Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

2 TIMOHTI 4:18

Dai madu gaw n hkru n hkra ai lam yawng hta na ngai hpe mawai la nna, shi a sumsing lamu mungdan hkap hkra, hkye hkrang la na ra ai: shi gaw htani htana prat dingsa hpung shingkang anga nga u ga law Amen.