SHAKAWN KUNGDAWN 70:4 - Jinghpaw Hanson Version Bible

⁴ Nang hpe tam ai ni nlang hte gaw, Nang hta awng nna, kabu gara nga mu ga; Na a hkye hkrang la ai lam tsawra ai ni gaw, “Karai Kasang galu kaba nga u ga,” nga nna tut tut a tsun nga mu ga.

Jinghpaw Common Language Bible 2009

⁴ Nang kaw du sa ai ni yawng hte gaw awng sharawng ai hte kabu gara nga mu ga. Na a hkye hkrang la ai lam hpe chyeju dum ai ni yawng hte gaw, “Madu gaw kade wa galu kaba nga a hka!,” nga nna tut tut atsun nga mu ga.

SHAKAWN KUNGDAWN 70:4 ပူးပေါင်းရင်းမြစ်များ

SHAKAWN KUNGDAWN 35:27

Nye a dingman ai lam tsawra ai ni chyawm gaw, Kabu jahtau nna sharawng awng nga mu ga: “Shi ali ama a ngwipyaw na lam yaw ya ai Yehowa gaw, galu kaba nga u ga,” nga nna shanhte tut tut a tsun nga mu ga.

SHAKAWN KUNGDAWN 40:16

Nang hpe tam ai ni nlang hte gaw, Nang hta awng nna, kabu gara nga mu ga: Na a hkye hkrang la ai lam tsawra ai ni gaw, “Yehowa galu kaba nga u ga,” nga nna tut tut a tsun nga mu ga.

SHAKAWN KUNGDAWN 5:11

Nang hpe shamyet shanat ai ni nlang kabu gara nga mu ga, Nang shanhte hpe maga da mu ai majaw, tutnawng e kabu jahtau nga mu ga: Na amying hpe tsawra ai ni mung, nang hta sharawng awng nga mu ga.

SHAKAWN KUNGDAWN 97:12

Dingman ai ni e, Yehowa hta kabu gara nga mu, Shi a chyoi pra ai shingteng amying hpe shakawn nga mu.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

SHARUNG SHAYAWT 3:25

Yehowa gaw, shi hpe ala nga ai ni hte, shi hpe tam ai myit masin hpe, chyeju madun nga ai.

YAWHAN 16:20

Ngai nanhte hpe gaja wa teng teng tsun made ga, “Nanhte gaw hkrap ngu hkrap ngoi ai hte, sharung shayawt ai hkrum na marin dai; mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai, rai timung, nanhte a yawn hkyen ai gaw kabu gara ai bai tai na ra ai.