SHAKAWN KUNGDAWN 7:9 - Jinghpaw Hanson Version Bible

⁹ Tara n lang ai ni a n hkru ai lam sim mat malu ga; Dinghpring ai ni hpe mahtang shagrin mu. Dinghpring ai Karai Kasang gaw, Masin hte nhkyun ni hpe chyam yu ai wa rai nga ai.

Jinghpaw Common Language Bible 2009

⁹ Nang gaw ding hpring ai Karai Kasang rai nga ndai rai nna, anhte a myit mang ai lam hte ra sharawng ai lam ni hpe jeyang ya nga ndai. N hkru ai masha ni a tara n lang ai lam hpe jahkring kau nna, mai kaja ai masha ni hpe shagrau kumhpa jaw ya nga ndai.

SHAKAWN KUNGDAWN 7:9 ပူးပေါင်းရင်းမြစ်များ

NINGPAWT NINGHPANG 20:5

Shi nan, Ngai jan re ai, nga nna ngai e tsun ai n rai ni? Num jan shi mung, Ngai yung re ai, nga nna tsun ai; n shut dum ai myit rawng nna, san seng ai lata hte ndai lam ngai galaw ni ai,” ngu wu ai.

1 HKAWHKAM 8:32

nang gaw sumsing lamu hta e madat mara la nna, na a mayam ni hpe tara dara ya mu: shut ai wa hpe mara hte maren shi a baw ntsa e tai u; dinghpring ai wa hpe dat dat nna, shi dinghpring ai hte maren akyu jaw u law.”

1 HKAWHKAM LABAU 28:9

“Ya chyawm gaw, ngai sha Shawlumon e, na nwa a Karai Kasang hpe chye u: ngwipyaw ai myit hte tsawra ai kraw lawang hte, shi hpe daw jau u; Yehowa gaw myit masin mahkra hpe sawk yu nna, myit mamyit lam mahkra hpe chye ya nga ai: nang shi hpe tam yang, mu na wu ai; shi hpe kau da yang, nang hpe tutnawng kau da na ndai.

SHAKAWN KUNGDAWN 10:15

Tara n lang ai wa a lahpum hpe daw kau u; N hkru ai wa a amu, n nga ai du hkra, ari hkan jaw u.

SHAKAWN KUNGDAWN 10:18

Ga ntsa masha htawm hpang e n jahkrit lu mu ga, Shanhte a myit hpe nang shadaw ya nna, Na a na hte madat mara la ya nga ndai law.

SHAKAWN KUNGDAWN 11:5

Yehowa dinghpring ai ni hpe dinglik yu nna, Tara n lang ai wa hte kashun kashe tsaw ai wa hpe, Shi a myit masin n dawng nga mu ai.

SHAKAWN KUNGDAWN 139:1

Yehowa e, nang ngai hpe manaw yu nna chye nga ndai.

SHAKAWN KUNGDAWN 17:3

Nang nye a myit hpe dinglik ya yu nit dai; Shana e nang ngai hpe kawan yu nna, Ngai hpe chyam yu yang, hpa mung n mu ndai: Ngai myit ai lam nye a n-gup hte n shai li ai.

SHAKAWN KUNGDAWN 18:21

Kaning rai nme law, Yehowa a lam ngai hkan nang nna, Nye a Karai Kasang hpe shut kau nngai n rai.

SHAKAWN KUNGDAWN 26:2

Yehowa e, ngai hpe dinglik yu nna chyam yu e, Nye a nhkyun ni hte masin salum hpe manaw yu u.

SHAKAWN KUNGDAWN 35:23

Nye a Karai Kasang hte Madu e, ngai hpe tara dara na hte ngai hpe jeyang ya na nga, na hkum hpe jasu nna rawt u.

SHAKAWN KUNGDAWN 37:23

Yehowa gaw masha sa wa na hku san da nga ai rai nna, Shi a lam hta sharawng awng nga ai.

SHAKAWN KUNGDAWN 40:2

N seng ai nhkun hte kagam hkumpup hta na, Shi ngai hpe shaw la nhtawm, Nye a lagaw hpe lunghkrung ntsa e mara da nna, Nye a lahkam hpe shagrin da nu ai.

SHAKAWN KUNGDAWN 43:1

Karai Kasang e, n hkru ai amu a majaw, Ngai hpe dawdan nna jeyang ya e; Hkalem sha ai ni hte n shawp ai ni kaw na, ngai hpe mawai la e.

SHAKAWN KUNGDAWN 44:21

Kraw e makoi da ai hpe chye ai Karai Kasang, Dai hpe sawk yu na, n rai ni?

SHAKAWN KUNGDAWN 58:6

Karai Kasang e, shanhte a n-gup hta na wa baw kau ya mu; Yehowa e, hkanghkyi ni a kawng, daw kau ya mu.

SHAKAWN KUNGDAWN 9:9

Yehowa gaw zingri zingrat hkrum ai ni a langchyi, ru tsang hkrum ai aten e, tsaw ai langchyi, rai na ra ai.

SHAKAWN KUNGDAWN 96:10

“Yehowa gaw Hkawhkam rai nga ai,” Ngu nna masha amyu ni hpe tsun dan mu; Gaja wa, mungkan ga hpe shi tawn da nna, Dai gaw shamu shamawt nga ai n rai; Amyu baw ni hpe malang ai hku, shi dawdan na ra ai.

SHAKAWN KUNGDAWN 96:13

Kaning rai nme law, lamu ga hpe tara dara na, shi du sa nna, Shi gaw mungkan ga hpe dingman ai hte, amyu baw ni hpe sadi sahka hte, tara dara na ra ai.

SHAKAWN KUNGDAWN 98:9

Kaning rai nme law, lamu ga hpe tara dara na shi du sa nna, Mungkan ga hpe dingman ai hte, amyu baw ni hpe malang ai hku hte, tara dara na ra ai.

YEREMIA 11:20

Kraw lawang hte myit masin hpe manaw yu nna, dinghpring ai hku dawdan ai, Zaw nawng zaw wa up ai Yehowa e, nang shanhte hpe matai dawp ai lam, ngai mu lu na nngai: nye a amu ngai nang hpe sa shawk ni ai.

YEREMIA 17:10

langai hte langai hpe tinang a arawn alai hte maren, tinang hkam ang ai shabrai karan jaw na matu, ngai Yehowa gaw myit masin hpe sawk yu nna, nhkyun ni hpe manaw yu nngai.

YEREMIA 20:12

Dinghpring ai ni hpe dinglik yu nna, myit masin hte kraw lawang hpe chye lu ai, Zaw nawng zaw wa up ai Yehowa e, nye a amu hpe na a man e ngai shapraw dan ai majaw, nang shanhte hpe matai dawp ai lam, ngai mu lu n ga.

Daniela 11:45

Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

KASA 12:23

Dai shaloi jang, Karai Kasang a hpung shingkang hpe n tau yu wu ai majaw, Madu a lamu kasa shi hpe ari jaw nna, byet e sha ai hte shi nsa hti mat ai.

ROMA 16:25

Amyu baw shagu makam masham a madat mara ai lu la hkra, htani htana Karai Kasang a matsun maroi ga majaw, myihtoi laika ni a jaw e kajai gara pri rai nga ai, chyi nma hpri nhpra e kyem da nhtawm,

1 HTESALONI 3:13

anhte nanhte hpe tsawra nga ga ai hte maren, nanhte a tsawra ai myit gaw shada da hte yawng mayawng a matu, kaba wa nna law htam wa lu hkra, dai Madu shabyin ya u ga.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

YUDA 1:1

Yesu Hkristu a mayam hte, Yaku a kanau, ngai Yuda gaw, Kawa Karai Kasang hta tsawra nna Yesu Hkristu a matu bau sin hkrum ai, shaga da ai ni hpe, ga shana dat nngai:

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

1 SAMUELA 16:7

Yehowa chyawm gaw, “Shi a myi man, shi a hkum shing-yan hkum yu et; ngai shi e n la we ai; Yehowa gaw masha mu de nna mu ai n rai; masha gaw ahpraw asam sha yu chye ma ai, Yehowa chyawm gaw myit masin she yu ai,” ngu nna Samuela hpe tsun wu ai.

1 SAMUELA 2:9

Shi a chyoi pra ai ni a lagaw, shi shading ya na ru ai; Tara n lang ai ni chyawm gaw, nsin kata e tsin nga na masai; Tinang a atsam n-gun hte dang lu ai kadai n nga ai.