SHAKAWN KUNGDAWN 7:8 - Jinghpaw Hanson Version Bible

⁸ Yehowa gaw masha amyu ni hpe jeyang nga ai. Yehowa e, ngai hta rawng ai dinghpring ai hte myit tsup ai hpe tau yu nna, ngai hpe tara dara ya e.

Jinghpaw Common Language Bible 2009

⁸ Nang gaw masha amyu baw yawng hte a tara agyi wa rai nga ndai; Madu e, ngai hpa mara n kap nga nngai hpe nang chye nga ai rai nna, nye a maga de tsap nna tara dara ya e.

SHAKAWN KUNGDAWN 7:8 ပူးပေါင်းရင်းမြစ်များ

NINGPAWT NINGHPANG 18:25

dinghpring ai ni hpe n shawp ai ni hte rau sat kau na hte, dinghpring ai ni hpe n shawp ai ni e zawn jahkrum na gaw nang hte tsan nga u ga; rai sa, dai gaw nang hte tsan nga u ga: ga ntsa ting a Tara agyi wa gaw dingman ai hku galaw na n rai ni?” Ngu nna tsun wu ai.

NINGPAWT NINGHPANG 31:53

Abraham a Karai Kasang, Nahura a Karai Kasang, shan a kawa a Karai Kasang gaw, an a lapran e jeyang ya nga ma ni ga, nga nna Yaku hpe bai tsun wu ai. Dai rai nna Yaku gaw shi a kawa Isak a hkrit hkungga ai hku hkan nna dagam wu ai.

2 HKAWHKAM LABAU 20:12

Anhte a Karai Kasang e, nang shanhte hpe n dawdan ai nga na n ni? anhte hpe sa htim ai hpyen laba ni hpe, anhte a n-gun hte hkap manga kau lu na n rai; kaning di na mung anhte n chye sagaw ai: anhte a myi nang hpe mada yu nga saga ai,” nga nna hpyi let,

SHAKAWN KUNGDAWN 11:4

Yehowa gaw shi a chyoi pra ai Htingnu hta nga nga ai: Sumsing lamu hta e shi a tingnyang rai nga ai. Shi a myi a mada nga nna, Shi a myi hpyi shinggyim masha ni hpe azi yu nga mu ai.

SHAKAWN KUNGDAWN 25:21

Nang hpe ngai myit mada nga nngai majaw, Myit san ai hte dingman ai gaw, ngai hpe sin nga mi ga.

SHAKAWN KUNGDAWN 26:1

Yehowa e, nye a myit san pra ai hte ngai hkawm nga nna, Myit n kashai let, Yehowa hpe shamyet shanat nga nngai majaw, Ngai hpe tara dara ya e.

SHAKAWN KUNGDAWN 26:11

Ngai chyawm gaw, nye a myit san pra ai hte hkawm nga nngai: Ngai hpe hkye hkrang la e, ngai hpe matsan dum la e law.

SHAKAWN KUNGDAWN 41:12

Nye a myit malang ai hta nang ngai hpe shadaw ya nna, na a man e ngai hpe tut tut tawn da nga ndai.

SHAKAWN KUNGDAWN 43:1

Karai Kasang e, n hkru ai amu a majaw, Ngai hpe dawdan nna jeyang ya e; Hkalem sha ai ni hte n shawp ai ni kaw na, ngai hpe mawai la e.

SHAKAWN KUNGDAWN 78:72

Shi gaw shanhte hpe myit ding ai hte rem nga nna, Hpaji kung ai lata hte woi lakawn wa mu ai.

SHAKAWN KUNGDAWN 82:1

Karai Kasang gaw Karai Wa a hpung hta e tsap nga ai; Karai daw ni a ka-ang e, shi tara dara nga ai:

SHAKAWN KUNGDAWN 9:8

Shi gaw mungkan ga hpe dingman ai hte tara dara nna, Malang ai hku hkan let amyu baw ni hpe jeyang na mu ai.

SHAKAWN KUNGDAWN 96:13

Kaning rai nme law, lamu ga hpe tara dara na, shi du sa nna, Shi gaw mungkan ga hpe dingman ai hte, amyu baw ni hpe sadi sahka hte, tara dara na ra ai.

SHAKAWN KUNGDAWN 98:9

Kaning rai nme law, lamu ga hpe tara dara na shi du sa nna, Mungkan ga hpe dingman ai hte, amyu baw ni hpe malang ai hku hte, tara dara na ra ai.

GA SHAGAWP 19:1

Hkalem hkalau ga tsun ai masha angawk wa hta, Tengman ai lam hkan ai, matsan mayan wa gaw, grau mai nga ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

1 HTESALONI 2:10

Kamsham nga ai ni nanhte a man e, anhte kaning rai chyoi pra ai hte dinghpring nna mara n kap ai rai nga ga ai hpe, nanhte mung, Karai Kasang mung, sakse rai nga myit dai.