SHAKAWN KUNGDAWN 7:5 - Jinghpaw Hanson Version Bible

⁵ Gumlau wa gaw nye a myit masin hpe hkan lep nna, Ga hta nye a asak kabye kau ya n ga, Nye a arawng ga nhpu hta a taw nga u ga. [Selah.]

Jinghpaw Common Language Bible 2009

⁵ nye a gumlau hpyen ni ngai hpe hkan shachyut rim nna, shanhte ngai hpe kahtum kadaw di sat kau nhtawm, asak n rawng sai ngai hpe ga ntsa e, kau da nga mu ga.

SHAKAWN KUNGDAWN 7:5 ပူးပေါင်းရင်းမြစ်များ

MALAHKI 4:3

Tara n lang ai ni hpe mung, nanhte kabye dip kau na marin dai: kaning rai nme law, ngai shabyin ai nhtoi hta e, shanhte gaw, nanhte a lagaw lahpan npu e, wan dap zawn tai na mara ai, nga nna Zaw nawng zaw wa up ai Yehowa tsun ai.

ZEHKARIA 10:5

Shanhte gaw share ninghkrin zawn tai nna, hpyen majan shani e, hpyen ni hpe, mare lam na hkumpup hta, kabye kau na mara ai; Yehowa shanhte hte rau rai nga ai majaw, shanhte hpyen gasat lu nna, gumra jawn ai ni, mak mat na mara ai.

HABAKU 3:13

Na a namman chya hkam ai wa ngu ai, Na a amyu hpe hkye hkrang la na matu, nang pru ndai; Tara n lang ai wa a nta hta na baw hpe, nang hkala kau ndai: De a npawt nhpang ni npawt ndung hkren shadawng da nu ai. [Selah.]

YEREMIA 17:13

Israela myit mada shara Yehowa e, nang hpe kau da ai ni yawng kaya kahpa hkrum na mara ai: ngai kaw na pru mat wa ai ni gaw, asak hka hpawk ngu ai Yehowa hpe kau da ai majaw, zaibru hta ka da ai hkrum na mara ai.

ESAIA 63:3

Tsabyi si htumbyen hpe ngai hkrai kabye ni ai; amyu baw ni hta na, ngai hte lawm ai wa langai mi n nga ai; gaja wa, ngai pawt sindawng ai hte shanhte hpe kabye kau nna, nye a myit kahtet ai hte, shanhte hpe kabye anut kau mawe ai: shanhte a sai gaw nye a hpun nba hta gatsit kap nna, nye a hpun palawng yawng, ateng apang rai mat sai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

SHAKAWN KUNGDAWN 60:12

Karai Kasang hte anhte nlaw lu na ga ai, Shi anhte a hpyen ni hpe, kabye kau na mu ai.

SHAKAWN KUNGDAWN 49:12

Rai timung, hpung rawng ai wa gaw agrin nga ai n rai: Shi gaw hten mat ai ashu ashan hte bung nga ai.

SHAKAWN KUNGDAWN 44:5

Na a marang e anhte gumlau ni hpe kanawng kau lu ga ai, Na a amying majaw hpyen ni hpe kabye kau lu ga ai.

SHAKAWN KUNGDAWN 3:2

“Karai Kasang hta shi a matu hkye la shara n nga ai,” nga nna, nye myit masin a lam, law law wa tsun ma ai. [Selah.]

YOBA 16:15

Ngai gaw nye hkum hpyi ntsa e lachyit nba chywi shakap nna, nye a nrung hpe ga nhpu hta galu kau se ai.

1 SAMUELA 24:11

Dai hta n-ga, nye wa e; nye a lata na, ndai na a palawng daw hpe mada yu u; ngai nang hpe n sat ai sha, na palawng daw sha gadoi dut la nngai majaw, nye lata hta yubak mara n nga li ai, tawt lai ai shara n rawng li ai gaw, dum chye nga u; nang ngai hpe sat na nga hkan gyam nga timung, ngai nang hpe hpa n shut nngai.

1 SAMUELA 24:18

Nang ngai hpe kaja ai lam, kaning rai galaw ai gaw, dai ni nang madun nit dai: kaning rai nme law, Yehowa ngai hpe na a lata hta ap ti pyi, nang ngai e n sat a hka.

1 SAMUELA 24:20

Ya, yu u, Nang hkawhkam teng teng tai na ra ai mung, Israela mungdan na a lata hta grin na ra ai, ngu nna mung, ngai chye se ai.