SHAKAWN KUNGDAWN 69:18 - Jinghpaw Hanson Version Bible

¹⁸ Nye myit masin hpe hkye la na, sit wa rit; Nye a gumlau ni a majaw, ngai hpe hkrang la e.

Jinghpaw Common Language Bible 2009

¹⁸ Ngai hpe hkye hkrang la na matu, sit sa wa rit; nye a gumlau hpyen ni a lata kaw na, ngai hpe mawai la e.

SHAKAWN KUNGDAWN 69:18 ပူးပေါင်းရင်းမြစ်များ

YOBA 6:23

Hpyen ni a lata na ngai hpe mawai la mi; shing n rai, ngai hpe sharu shatsang ai ni a lata na, ngai hpe hkrang la mi, nga nna ngai tsun yu nni?

SHAKAWN KUNGDAWN 10:1

Yehowa e, hpa rai nme, nang tsan tsan e tsap nga n ta? Ru tsang hkrum ai aten hta e, hpa rai nme makoi nga n ta?

SHAKAWN KUNGDAWN 111:9

Shi gaw shi a amyu hta hkye hkrang la ai lam shangun dat wu ai; Shi a ga shaka htani htana e dinggrin rai nga ai; Shi a amying chyoi pra ai hte hkrithpa rai nga ai.

SHAKAWN KUNGDAWN 143:7

Yehowa e, ngai hpe alawan htan ya e, Nye wenyi htum mat sai; Nsung hku hta shang ai ni zawn, ngai n rai mat u ga, Na a myi man ngai kaw na hkum kayin la et.

SHAKAWN KUNGDAWN 22:1

Nye a Karai Wa e, nye a Karai Wa e, nang hpa rai ngai hpe kau da nga n ta? Ngai hpyi jahtau ai ga gaw, ngai hpe karum na wa hte tsan nga ai.

SHAKAWN KUNGDAWN 22:12

Usu law law ngai hpe jawm da mi ai, Bashan a gwila ni ngai hpe kawan da mi ai.

SHAKAWN KUNGDAWN 22:19

Nang mahtang Yehowa e, hkum tsan nga et, nye a N-gun e, ngai hpe karum na lawan rit.

SHAKAWN KUNGDAWN 22:20

Nye a myit masin hpe, nhtu kaw na, Nye a asak shingtai hpe, gwi a lata na hkrang la u.

SHAKAWN KUNGDAWN 27:9

Na a myi man ngai kaw na hkum makoi kau u; Masin pawt ai hte na a mayam wa hpe hkum kau da et: Ngai hpe karum ai wa nang rai nga nit dai; Ngai hpe hkye hkrang la ai Karai Kasang e, Ngai hpe hkum gang kau et, ngai hpe hkum jahti da et.

SHAKAWN KUNGDAWN 31:5

Na a lata hta nye a wenyi hpe ngai ap ya de ai; Tengman ai Karai Wa Yehowa e, Nang ngai hpe hkrang la nit dai.

SHAKAWN KUNGDAWN 49:15

Karai Kasang chyawm gaw katsan ga de na, Nye a myit masin hpe hkrang la na ru ai. Kaning rai nme law, shi ngai hpe gare la na nngai. [Selah.]

YEREMIA 14:8

Israela amyu a myit mada ai wa ru tsang hkrum ai aten e, Hkye hkrang la ai wa e, nang gaw ndai mung hta manam hte, shana shalai na dabang tam ai malet nhprang wa zawn, hpa majaw tai nga n ta?

SHARUNG SHAYAWT 3:57

Ngai nang hpe shaga ai shani e, nang sit sa nna, “Hkum hkrit et,” tsun nit dai.

TARA JAHPRANG 32:27

Shanhte hpe tsan tsan ga de ngai shabra kau nna, Masha amyu hta na kadai n dum hkra shamyit kau na, myit se ai.

YAWSHU 7:9

Hkanani masha ni hte ndai mung na masha ni nlang ndai na na mara ai rai nna, anhte hpe sa wang nhtawm, anhte a mying hpe ga ntsa na shamyit kau ya na mara ai; dai rai nna na a galu kaba ai mying ningsang matu, kaning di na wu ta?” nga nna sa lajin wu ai.