SHAKAWN KUNGDAWN 69:13 - Jinghpaw Hanson Version Bible

¹³ Ngai chyawm gaw, Yehowa e, Kaja ai ladaw e, nang hpe akyu hpyi nga nngai; Karai Kasang e, na a chyeju kaba nga ai majaw, Hkye hkrang la lu ai sadi sahka ga hte, ngai hpe htan ya e.

Jinghpaw Common Language Bible 2009

¹³ Rai ti mung, nye a matu chyawm gaw, Madu e, ngai nang hta akyu hpyi nga na nngai; Karai Kasang e, nang ra sharawng ai aten hta ngai hpe htan ya e. Na a kaba la ai tsaw ra myit hte hkye hkrang la na nga nna nang tawn da ai ga sadi hte maren ngai hpe htan ya e law.

SHAKAWN KUNGDAWN 69:13 ပူးပေါင်းရင်းမြစ်များ

NINGPAWT NINGHPANG 24:27

“Shi a chyeju matsan dum ai myit hte sadi sahka re ai myit, nye a madu hta na n dawm la ai, nye a madu Abraham a Karai Kasang Yehowa gaw a nga u ga law: lam e hkawm sa nga ai ngai hpe mung, nye madu a kanau ni a nta de Yehowa woi madun ni ai,” nga ai.

ESHTA 5:2

Hkawhkam jan Eshta gaw wang kata e tsap nga ai hpe, hkawhkam wa mu wu yang, Eshta gaw shi a man e myi man pa nga ai rai nna, hkawhkam wa gaw shi a lata hta lang ai aja sumdoi Eshta hpang de ladawn dat wu ai. Shing rai Eshta sit sa nna, sumdoi a matu a htawk ya wu ai.

ESHTA 5:6

Ya hkawhkam wa gaw poi tsabyi lu nga yang, Eshta hpe, “Nang hpa hpyi n ta? nang hpe jaw na de ai: nang hpa tam n ta? mungdan chyen mi du hkra, ap ya na de ai,” ngu wu ai.

ESHTA 7:2

Ya ni ni shani na tsabyi lu ai poi hta hkawhkam wa gaw Eshta hpe, “Hkawhkam jan Eshta e, nang hpa hpyi n ta? nang hpe jaw na de ai; nang hpa tam n ta? mungdan chyen mi du hkra ap ya na de ai,” ngu nna bai tsun wu ai.

SHAKAWN KUNGDAWN 32:6

Dai re ai majaw nang hpe hkrum lu ai aten hta e, Chyoi pra ai ni nlang nang kaw hpyi mu ga; Gaja wa, hka kaba tung wa timung, Shanhte kaw du lu na n rai.

SHAKAWN KUNGDAWN 51:1

Karai Kasang e, na a chyeju hte maren, ngai hpe matsan dum la e, Na a n-gaw nnyeng myit kaba nga ai hte maren, nye a mara arut kau ya e.

SHAKAWN KUNGDAWN 91:15

Shi ngai hpe shaga yang, ngai htan na nngai, Ru tsang ai hte ngai shi hte rau nga na nngai; Ngai shi hpe sai la nna, shagrau na we ai.

SHAKAWN KUNGDAWN 98:3

Shi a chyeju hte sadi sahka, Israela a nta a matu shi dum nu ai: Lamu ga makau shagu hkan e mung, Anhte a Karai Kasang a hkye hkrang la ai lam mu lu masai.

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 55:6

Yehowa hpe mu lu ai aten e shi hpe tam mu; shi naw ni nga yang, shi hpe hpyi shaga mu:

SHARUNG SHAYAWT 3:63

Shanhte adung nga ai hte rawt wa ai hpe mada yu u; ngai gaw shanhte a laka shagawp shara tai ni ai.

MIHKA 7:20

Moi chyaloi nhkoi kaw nna, anhte a ji wa ni hpe dagam da ai hte maren, nang gaw, Yaku hta kangka re ai lam, Abraham hta tsawra matsan dum ai lam, naw shadik da na ndai.

LUKA 1:72

Anhte a ji wa Abraham hpe dagam da ai, dagam ga ngu ai,

LUKA 22:44

Myit masin nachying nni nkri hkrum ai majaw, shi grau nna akyu hpyi shaja wu ai: shi a salat mung, sai tum sai pa zawn ga de hkrat lu ai.)

2 KORINHTU 6:2

Kaning rai nme law, Ang wa ai aten e ngai na a ga madat ya de ai, Hkye hkrang la ai nhtoi e ngai nang hpe karum de ai, nga nna shi tsun nga ai; yu mu, ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

HEBRE 5:7

Dai hkinjawng wa gaw, dinghta hkum shan hte naw pra nga ai nhtoi hte hta, si ai kaw na shi hpe mawai la lu ai wa kaw, akyu hpyi ai ga hte tawngban ai ga hpe, hkrap ngu hkrap ngoi nna myi prwi law law hte nawng ya ngut yang, shi a hkum tsup ai myit majaw hkap madat la ya ai hkrum nhtawm,

1 PETRU 2:23

Shi aroi arip hkrum yang, bai roi htang ai n rai; nni nkri hkrum yang, ahkrim nga ai n re ai sha, dingman ai hku dawdan ai wa a lata hta e, shi a hkum hpe ap da nu ai.

1 SAMUELA 25:8

Na shabrang ma ni hpe san yu u; shanhte tsun na ma ai: dai majaw nye a ma ni nang kaw myi man pa mu ga; anhte mung nhtoi kaja hta du saga ai; nang jaw ra ai made na a mayam ni hte nsha Dawi hpe jaw dat na, ngai hpyi nngai,’ nga ai,” ngu nna tsun na lam hkang dat mu ai.