SHAKAWN KUNGDAWN 69:11 - Jinghpaw Hanson Version Bible

¹¹ Nye a hpun palawng lachyit nba hpun we yang, Shanhte a jaw shara ngai tai nga nngai.

Jinghpaw Common Language Bible 2009

¹¹ Sharung shayawt ai hpun palawng ngai bu hpun ti mung, shanhte ngai hpe mani asawng nga ma ai.

SHAKAWN KUNGDAWN 69:11 ပူးပေါင်းရင်းမြစ်များ

1 HKAWHKAM 9:7

ngai Israela hpe jaw da ai mungdan hta na ngai shanhte hpe jahtum kau nna, ndai nye a amying nsang matu ngai shachyoi shapra ai nta hpe mung, ngai shinggan kau na we ai rai nna, Israela amyu gaw masha amyu baw mahkra hta abung shadawn chyai shara hte asawng shara tai na marin dai.

YOBA 17:6

Shi ngai hpe, amyu baw ni hta, kajai shara shatai nna, nye a myi man mayen mahtaw bun hkrum nga ai.

SHAKAWN KUNGDAWN 109:24

Lusha gam ai majaw, nye a lahput gari nga nna, Nye a hkum shan lasi lamun rai nga ai.

ESAIA 20:2

Yehowa gaw Amot a kasha Esaia hpe, “Sa su, na nshang na lachyit nba hte, na kyepdin raw kau u,” nga nna tsun ai hte maren, shi galaw nna, singgu krin, kyepdin n din ai, hkawm nga ai.

ESAIA 22:12

Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

YOELA 1:13

Hkinjawng ni e, lachyit nba bu hpun nna, hkrap shabam mu; tawn hkungri a amu gun hpai ai ni e, sharung shayawt mu: nye a Karai Kasang a man e daw jau ai ni e, sa marit; lachyit nba bu hpun let, shana tup taw nga mu: kaning rai nme law, lusha hkungga hte dumhpung hkungga hpe, nanhte a Karai Kasang a nta e, n nawng ya nga myit hka.

YOELA 1:8

Hkawn ram prat e si mat ai madu wa matu, lachyit nba bu hpun nna sharung shayawt ai hkawnsek zawn, sharung shayawt nga u.

TARA JAHPRANG 28:37

Yehowa nang hpe woi mat wa ai mungdan shagu hkan e, nang gaw masha ni a mau shara, abung shadawn chyai shara hte asawng shara tai na rin dai.