SHAKAWN KUNGDAWN 67:6 - Jinghpaw Hanson Version Bible

⁶ Aga gaw shi a nsi naisi dik hkra shapraw ya sai, Karai Kasang, anhte a Karai Kasang, anhte hpe shaman ya mi ai.

Jinghpaw Common Language Bible 2009

⁶ Lamu ga gaw shi a nsi naisi shapraw ya sai; Karai Kasang, anhte a Karai Kasang gaw anhte hpe shaman ya sai.

SHAKAWN KUNGDAWN 67:6 ပူးပေါင်းရင်းမြစ်များ

NINGPAWT NINGHPANG 17:7

Ngai gaw na a Karai Kasang mung, na a htawm hpang na, na a kashu kasha ni a Karai Kasang mung, tai nga na nngai, ngu nna, nang hte na a kashu kasha ni hta prat mi hte prat mi, nye a ga shaka hpe htani htana ga shaka ngai shatai na wa ai.

SHAKAWN KUNGDAWN 48:14

Kaning rai nme law, dai Karai Kasang gaw, Htani htana e anhte a Karai Kasang rai nga ai: Si hkra shi anhte hpe woi wa na mi ai law.

PRU MAT 3:15

Bai Karai Kasang gaw Mawshe hpe, “Nanhte a nji nwoi ni a Karai Kasang, Abraham a Karai Kasang, Isak a Karai Kasang, Yaku a Karai Kasang ngu ai shangun dat ni ai, ngu nna Israela a kashu kasha ni hpe nang tsun na rai ndai: dai gaw htani htana na nye a amying rai nga na li ai; dai gaw prat mi hte prat mi na nye a masat dingsat mying rai nga na li ai.

ESAIA 1:19

Nanhte ga madat hkraw nga myit yang gaw, lamu ga na nsi naisi sha lu na myit dai:

YEREMIA 31:1

Yehowa ning nga ai; Ndai aten e ngai gaw, Israela dap ni mahkra a Karai Kasang tai nna, shanhte gaw nye a amyu tai na mara ai.

YEREMIA 31:33

Da ndai gaw, dai nhtoi ni a hpang e, Israela nta hte ngai shaka na ga shaka rai nga ai: Nye a tara hpe shanhte a kraw lawang hta ngai bang da nna, shanhte a myit hta ka da na we ai: ngai shanhte Karai Kasang tai na nngai; shanhte mung nye a amyu tai na mara ai:

JAW JAU 25:19

Nanhte a lamu ga mung nsi naisi jasi ya nna nanhte hkru hkru kat kat sha nga let ngwipyaw ai hte nga sha lu na marin dai.

JAW JAU 26:4

shi ten du yang ngai nanhte a matu lamu marang jahtu nna, nanhte a lamu ga gaw nsi naisi shakat ya nna, sun na namsi hpun ni asi si na mara ai.