SHAKAWN KUNGDAWN 66:3 - Jinghpaw Hanson Version Bible

³ “Karai Kasang e, na a amu gade wa hkrithpa rai nga a hka; Na a chyalai n-gun majaw, Na a man e gumlau ni hkayawm na mara ai.

Jinghpaw Common Language Bible 2009

³ “Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

SHAKAWN KUNGDAWN 66:3 ပူးပေါင်းရင်းမြစ်များ

YOBA 25:2

“daru magam hte hkrithpa shi hta rawng nga ai; matsaw ntsang de shi hparan nga ai.

SHAKAWN KUNGDAWN 18:44

Nye a lam na yang, shanhte madat nga nna, Tsasam ni a kasha ni nye a man e nem na ma ai.

SHAKAWN KUNGDAWN 18:45

Tsasam ni a kasha ni nyip mat ma ai rai nna, Shanhte a hpyen dap na gari let pru wa ma ai.

SHAKAWN KUNGDAWN 47:2

Kaning rai nme law, Yehowa gaw, Tsaw htum ai hte hkrithpa wa rai nga ai: Mungkan ting a hkawhkam kaba mung, shi rai nga ai.

SHAKAWN KUNGDAWN 65:5

Anhte hpe hkye hkrang la ai Karai Kasang e, Dingman ai hku hkan nna hkrithpa amu hte, Nang anhte hpe htan ya nga ndai; Aga ting hte tsan tsan e nga ai nammukdara a hpa shara nang rai nga ndai.

SHAKAWN KUNGDAWN 68:30

Mai-aw pa na matse labye, usu hpung ni hte Amyu ni a dumsu kasha ni, gumhpraw tawng lang let, Sa dingnyawm mu ga, shanhte hpe daru kau mu: Majan tsaw ai amyu ni hpe shabra kau mu.

SHAKAWN KUNGDAWN 76:12

Wa zep ai du ni a nsa hpe, shi jahtum kau ya mu ai. Ga ntsa hkawhkam ni a matu shi hkrithpa rai nga ai.

SHAKAWN KUNGDAWN 81:15

Yehowa hpe n dawng ai ni, shi a man e dingnyawm nga mu ga; Nye amyu a aten, gamhpa dinggrin anga nga na malu ai.

PRU MAT 15:21

Miriam gaw shanhte hpe woi awn let, “Yehowa hpe mahkawn mangoi mu, Shi gaw magam shingkang hte dan hkung let ninglaw nga ai. Gumra hte dai hta jawn ai wa hpe nawng hta gumpye bang kau ni ai,” nga nna mahkawn mangoi nga ai.

ESAIA 2:19

Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

ESAIA 25:3

Dai re ai majaw n-gun ja ai amyu gaw nang hpe shagrau sha-a na ra ai; gumshem ai amyu ni a mare gaw nang hpe hkrit kamyin na ra ai.

ESAIA 40:26

Matsaw ntsang de mada yu mu: dai hte hpe hpan da ai wa gaw, kadai rai ta? shi gaw de a wunawng wuwa ni hpe nambat hte shapraw nna, yawng hpe amying shamying wu ai: shi gaw daru magam chyalai hte n-gun atsam rawng ai majaw, langai mi pyi yet lu ai n rai.

ESAIA 64:3

Anhte myit mada ai hta grau ai hkrithpa amu nang shapraw ai shaloi jang, nang yu wa nna, bum ni gaw na a man e ashun gari ma ai.

YEREMIA 10:10

Yehowa chyawm gaw tengman ai Karai Kasang rai nga ai; shi gaw ahkrung nga ai Karai Kasang hte, htani htana hkawhkam rai nga ai; shi pawt sindawng yang, lamu ga gari kawa nga ai; shi myit kahtet ai hpe, amyu baw ni n hkam lu ma ai.