SHAKAWN KUNGDAWN 61:4 - Jinghpaw Hanson Version Bible

⁴ Na a Sum hta ngai tutnawng e anga nga na nngai, Na a singkaw pawt ai kaw e ngai makoi na nngai. [Selah.]

Jinghpaw Common Language Bible 2009

⁴ Nye a asak prat tup na a chyoi pra ai shara hta ngai nga nga lu n-ga; na a singkaw ni a npu e shim ai shara hta ngai shingwung lu n-ga.

SHAKAWN KUNGDAWN 61:4 ပူးပေါင်းရင်းမြစ်များ

SHAKAWN KUNGDAWN 15:1

Yehowa e, na a Sum hta kadai shanu lu na rai nga a ta? Na a chyoi pra ai bum hta kadai nga lu na rai nga a ta?

SHAKAWN KUNGDAWN 17:8

Ngai hpe zingri nga ai tara n lang ai ni hte, Nye a asak hpe grup grup kawan nga ai gumlau ni kaw na,

SHAKAWN KUNGDAWN 23:6

Gaja wa, ngai ahkrung nga ai nhtoi nlang hte hta, Kaja ai hte chyeju ngai kaw hkan nang nna, Yehowa a nta hta ngai prat dingnawng, anga nga lu na ring ngai law.

SHAKAWN KUNGDAWN 27:4

Lam langai mi ngai Yehowa hpe hpyi se ai: Ngai ahkrung nga ai nhtoi hte ting, Yehowa a nta hta nga nga lu nna, Yehowa a tsawm pra ai mu lu na hte, Shi a Htingnu e myit htang nga na, ngai ra nga nngai.

SHAKAWN KUNGDAWN 57:1

Karai Kasang e, ngai hpe matsan dum la e. Nye a myit masin nang hta shingbyi nga ai majaw, ngai hpe matsan dum la e. Dai jahten shabyak ai amu lai mat wa hkra, Na a singkaw a shingnip hta ngai shawung nga na nngai.

SHAKAWN KUNGDAWN 61:7

Shi gaw Karai Kasang a man e tutnawng e anga nga u ga; Shi hpe bau sin na chyeju hte sadi sahka hpe san da u.

SHAKAWN KUNGDAWN 62:7

Nye a hkye hkrang la ai lam hte, nye a arawng sadang Karai Kasang hta rai nga ai. Ngai hpe n-gun jaw ai lunghkrung hte nye a shingwung shara Karai Kasang rai nga ai.

SHAKAWN KUNGDAWN 63:7

Ngai hpe karum ai wa nang rai nga ndai: Na a singkaw a shingnip hta e ngai awng nga nngai.

SHAKAWN KUNGDAWN 90:1

Madu e, nang gaw ji woi ni a lakhtak kaw nna, Anhte a nga nga shara rai nga ndai.

SHAKAWN KUNGDAWN 91:1

Tsaw Htum ai Wa a shim ai shara e dung nga ai wa gaw, Chyalai n-gun rawng ai Karai Wa a shingnip hta anga nga lu ai.

SHAKAWN KUNGDAWN 91:4

Shi a singkaw mun hte shi nang hpe magap da nna, Shi a singkaw npu e, nang shim nga lu na ndai: Shi a sadi sahka gaw, n-gang hte hpyen palawng rai nga ai.

SHAKAWN KUNGDAWN 92:13

Yehowa a nta e hkai tawn da ai ni, Anhte a Karai Kasang a wang e, kaba wa na mara ai.

GA SHAGAWP 18:10

Yehowa a amying ningsang gaw ngang ai langchyi rai nga ai; Dinghpring ai wa gaw, dai de hprawng shang nna, shim nga ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

SHINGRAN 3:12

Dang lu ai wa hpe, nye a Karai Kasang a nawku Htingnu hta daw nu ngai shatai na we ai: shi galoi mung dai kaw na hpang de pru na n rai; nye a Karai Kasang a mying nsang hpe mung, nye a Karai Kasang Kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare amying hpe mung, ngai hkum nan a amying hpe mung, dai wa a ntsa e ngai ka shakap ya na we ai.