SHAKAWN KUNGDAWN 61:2 - Jinghpaw Hanson Version Bible

² Ngai myit kaji nga yang, ga htum ai kaw nna, Ngai nang hpe shaga na nngai: Nye a matu naw tsaw la ai lunghkrung ntsa e, ngai hpe shalun da e.

Jinghpaw Common Language Bible 2009

² Dum nta hte tsan gang nna myit htum nga yang, ngai nang hpe shaga nngai!

SHAKAWN KUNGDAWN 61:2 ပူးပေါင်းရင်းမြစ်များ

SHAKAWN KUNGDAWN 142:3

Nye a wenyi gawng run nga ai shaloi e, Nang nye a lam hpe chye nga ndai; Ngai sa wa ai hku hta e, shanhte mahkam up da mu ai.

SHAKAWN KUNGDAWN 143:4

Dai majaw nye a wenyi gawng run nga ai, Nye a myit kraw hta e, hten mat nga ai.

SHAKAWN KUNGDAWN 17:1

Yehowa e, dinghpring ai ga madat u, Ngai jahtau ai ga hpe matsing ya e; Bawk ai n-gup hte n hpyi ai ga hpe, na la ya e.

SHAKAWN KUNGDAWN 18:2

Yehowa gaw nye a lunghkrung, nye a hpyen dap, nye a hkye hkrang la ai Wa, Nye a Karai Wa, ngai shingbyi nga ai nye a lungpu, Nye a n-gang, nye a hkye la ai nrung, nye a langchyi, rai nga li ai.

SHAKAWN KUNGDAWN 18:46

Yehowa ahkrung nga ai; nye a lunghkrung, a nga u ga law. Nye a hkye hkrang la ai Madu Karai Kasang, galu kaba nga u ga law.

SHAKAWN KUNGDAWN 27:5

Shi gaw ruyak ai nhtoi hta shi a npan e ngai hpe makoi da ni ai; Shi sum a shingbyi shara hta ngai hpe magap da nngai: Lunghkrung ntsa e, shi ngai hpe shadun da ni ai.

SHAKAWN KUNGDAWN 40:2

N seng ai nhkun hte kagam hkumpup hta na, Shi ngai hpe shaw la nhtawm, Nye a lagaw hpe lunghkrung ntsa e mara da nna, Nye a lahkam hpe shagrin da nu ai.

SHAKAWN KUNGDAWN 42:6

Nye a Karai Wa e, nye a myit gawng run nga li ai: Dai majaw Yawdan ginwang, Hermon bum hte, Dai bum kaji hkan nna ngai nang hpe dum nga nngai.

SHAKAWN KUNGDAWN 43:5

Nye a myit masin e, nang hpa majaw kanyung nga n ta? Hpa majaw ngai hta e kadau nga n ta? Karai Kasang hpe a la nga u, ngai shi a chyeju naw shakawn na we ai: Ngai hpe karum ai wa hte, nye a Karai Wa shi rai nga ai.

SHAKAWN KUNGDAWN 55:5

Hkrit ai hte gari kawa ai gaw ngai kaw pru nna, Kajawng kaja ngai hpe htinggrum da nngai.

SHAKAWN KUNGDAWN 62:2

Shi chyu sha nye a lunghkrung, nye a hkye hkrang la ai lam, Nye a langchyi rai nga ai; ngai shamu shamawt ai law law n hkrum na nngai.

SHAKAWN KUNGDAWN 62:6

Shi chyu sha nye a lunghkrung, nye a hkye hkrang la ai lam, Nye a langchyi rai nga ai: ngai shamu shamawt ai n hkrum na nngai.

SHAKAWN KUNGDAWN 77:3

Karai Kasang hpe dum yang, ngai madai nga nngai; Myit sumru nga yang, nye a wenyi htan wa li ai. [Selah.]

ESAIA 32:2

Shanhte langai hte langai, nbung chyip nna laru marang shingbyi shara hte, hkraw hkun ai shara hta lwi ai hka, zaibru jang hta shingnip ai lunghkrung kaba, tai na mara ai.

ESAIA 54:11

Nni nkri hte, laru e ahpawt hkrum nna, shalan shabran n hkrum ai wa e, ngai gaw na a nlung ni hpe engade achyang hte, na a npawt nhpang ni hpe nila nlung hte gaw da na nngai:

LUKA 22:44

Myit masin nachying nni nkri hkrum ai majaw, shi grau nna akyu hpyi shaja wu ai: shi a salat mung, sai tum sai pa zawn ga de hkrat lu ai.)

TARA JAHPRANG 4:29

Rai timung, dai hkan e nanhte a Karai Kasang Yehowa hpe bai tam myit dai shaloi, myit masin, kraw lawang ting hte shi hpe tam myit yang chyawm gaw, mu lu na marin dai.