SHAKAWN KUNGDAWN 6:3 - Jinghpaw Hanson Version Bible

³ Nye a myit masin nachying hkrit gari nga ai, Nang chyawm gaw, Yehowa e, gaten du hkra?

Jinghpaw Common Language Bible 2009

³ Nye a hkum ting mung htum hkra ru tsang hkrum sha nga li ai. Madu e ngai hpe karum la na matu galoi du hkra ala na ngu nga n ta?

SHAKAWN KUNGDAWN 6:3 ပူးပေါင်းရင်းမြစ်များ

SHAKAWN KUNGDAWN 22:14

Ntsin zawn ru kau ai ngai hkrum nga nngai. Nye a nra hkrihkraw mahkra kashai mat sai: Nye a myit gitbaw zawn rai nga ai rai nna, Dai gaw nye a kraw e byaw mat nga ai.

SHAKAWN KUNGDAWN 38:8

Hpam mat ma nna, agrawp agrap ngai rai nga nngai; Nye a kraw lawang na madai ai majaw shabam nga nngai.

SHAKAWN KUNGDAWN 42:11

Nye a myit masin e, nang hpa majaw kanyung nga n ta? Hpa majaw ngai hta e kadau nga n ta? Karai Kasang hpe a la nga u, Ngai shi a chyeju naw shakawn na we ai: Ngai hpe karum ai wa hte, nye a Karai Wa shi rai nga ai.

SHAKAWN KUNGDAWN 42:5

Nye a myit masin e, nang hpa majaw kanyung nga n ta? Hpa majaw ngai hta e kadau nga n ta? Karai Kasang hpe a la nga u; shi karum nga ai majaw, Ngai shi a chyeju naw shakawn na we ai.

SHAKAWN KUNGDAWN 77:7

Madu gaw tutnawng e kau da nga na kun? Shi a myi man bai n madun na sahka?

SHAKAWN KUNGDAWN 9:14

shaloi na a akyu nlang hte gaw ngai gawn dan nna, Ziun shayi sha a chyinghka lam e, na a hkye la ai lam majaw, kabu gumlawt na nngai.

SHAKAWN KUNGDAWN 90:13

Yehowa e, wa rit; gade na hkra? Na a ali ama ni hpe shangwi shapyaw ya mu.

GA SHAGAWP 18:14

Masha myit gaw, tinang nji nmu hpe sharang lu nga ai; gawng run ai myit hpe chyawm gaw, kadai shalan lu na rai ta?

YEREMIA 17:14

Yehowa e, ngai hpe shamai ya e, shaloi ngai mai wa na nngai; ngai hpe hkye hkrang la e, shaloi ngai hkye hkrang la ai hkrum na nngai: nang gaw nye a shakawn kungdawn shara rai nga ndai.

MAHTE 26:38

Dai rai nna, shi shanhte hpe, Nye a myit masin si hkra yawn hkyen kaba hkrum nga li ai: ngai hte rau a maja nga na nang e naw nga nga mu, ngu mu ai.

LUKA 18:7

Karai Kasang gaw matsan dum lama nga ai rai nna, shi hpe shani shana hpyi jahtau nga ai, shi a lata la ai ni a hpang maga de, tara n dara ya ai, nga na wu ni?

YAWHAN 12:27

“Ya ngai myit ru nga nngai: ngai kaning ngu tsun na i? ‘Wa e, ndai ahkying hta na ngai hpe hkye hkrang la e:’ ning ngu yang mung ndai lam a majaw she, ndai ahkying de ngai du wa ni ai: