SHAKAWN KUNGDAWN 57:2 - Jinghpaw Hanson Version Bible

² Tsaw htum ai Karai Kasang ngu ai, Nye a amu shangut ya ai Karai Wa hpe, ngai shaga nga nngai.

Jinghpaw Common Language Bible 2009

² Tsaw Htum ai Karai Kasang ngu ai, nye a ra kadawn ai lam shagu hta karum la ai Karai Kasang hpe ngai shaga nngai.

SHAKAWN KUNGDAWN 57:2 ပူးပေါင်းရင်းမြစ်များ

SHAKAWN KUNGDAWN 138:8

Yehowa gaw nye a lam shaboi ya na ring ngai; Yehowa e, na a chyeju htani htana agrin nga ai: Na a lata a amu hpe, hkum kau da u law.

SHAKAWN KUNGDAWN 143:9

Yehowa e, nang hpang de ngai hprawng wa nngai rai nna, Gumlau ni kaw na ngai hpe mawai la e.

SHAKAWN KUNGDAWN 17:8

Ngai hpe zingri nga ai tara n lang ai ni hte, Nye a asak hpe grup grup kawan nga ai gumlau ni kaw na,

SHAKAWN KUNGDAWN 41:5

Gumlau ni nye a lam n hkru ai hku tsun nna, “Shi a amying mat mat lu ga, shi galoi si na ra ai kun?” nga ma ai.

SHAKAWN KUNGDAWN 56:2

Shani tup a gyam yu nga ma ai ni, Ngai hpe mayu kau na ra nga ma ai: Myit kaba ai hte ngai hpe hpyen gasat ai ni, Law law wa rai nga ma ai.

ESAIA 26:12

Yehowa e, nang anhte a matu ngwipyaw lam san da na ndai; kaning rai nme law, anhte a amu mahkra hpe pyi nang anhte a matu shachyen nu ai.

ESAIA 26:20

Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

HPILIPI 1:6

Dai hta kaga, nanhte hta e mai kaja ai amu galaw hpang ai wa gaw, Yesu Hkristu a nhtoi du ai du hkra dai hpe shatsup shatup na ra ai, ngai myit mu nga nngai.

HPILIPI 2:12

Dai rai nna, ngai tsaw ngai ra ai ni e, nanhte galoi mung madat mara myit dai hte maren, ngai rau nga nga yang na zawn sha n re ai sha, naw tsan gang nga yang grau nna, nanhte a hkye hkrang la ai lam hpe hkrit gari ai hte shachyen shatsup nga mu:

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.