SHAKAWN KUNGDAWN 56:2 - Jinghpaw Hanson Version Bible

² Shani tup a gyam yu nga ma ai ni, Ngai hpe mayu kau na ra nga ma ai: Myit kaba ai hte ngai hpe hpyen gasat ai ni, Law law wa rai nga ma ai.

Jinghpaw Common Language Bible 2009

² Nye a hpyen ni ngai hpe shani tup gasat nga ma ai; ngai hpe gasat ninghkap ai ni grai law la nga ma ai.

SHAKAWN KUNGDAWN 56:2 ပူးပေါင်းရင်းမြစ်များ

SHAKAWN KUNGDAWN 3:1

Yehowa e, nye a gumlau ni gade law wa nga ma hka! Masha law law wa nye a gumlau maga e rawt masai.

SHAKAWN KUNGDAWN 35:1

Yehowa e, ngai hpe ndang kalang hkat ai ni hte, nang ndang kalang hkat u, Ngai hpe hpyen gasat ai ni hte, hpyen gasat u.

SHAKAWN KUNGDAWN 41:5

Gumlau ni nye a lam n hkru ai hku tsun nna, “Shi a amying mat mat lu ga, shi galoi si na ra ai kun?” nga ma ai.

SHAKAWN KUNGDAWN 54:5

Ngai hpe gyam yu ai ni hpe shi bai tai na mu ai; Na a sadi sahka hte shanhte hpe jahkoi kau mu.

SHAKAWN KUNGDAWN 57:3

Ngai hpe mayu kau maw ai wa a shatan nhkan hta na, Lamu de na shi ladawn nna, ngai hpe hkye la nngai; [Selah.] Karai Kasang gaw shi a chyeju hte sadi sahka hpe shangun dat na ra ai.

SHAKAWN KUNGDAWN 9:2

Na a majaw ngai kabu nna, myit pyaw nga na nngai, Tsaw htum ai Wa e, na a amying hpe ngai mahkawn mangoi na nngai.

SHAKAWN KUNGDAWN 91:1

Tsaw Htum ai Wa a shim ai shara e dung nga ai wa gaw, Chyalai n-gun rawng ai Karai Wa a shingnip hta anga nga lu ai.

SHAKAWN KUNGDAWN 92:1

Yehowa hpe shakawn kungdawn nna, Tsaw Htum ai Wa a amying hpe mahkawn mangoi na;

SHAKAWN KUNGDAWN 92:8

Yehowa e, nang chyawm gaw, Htani htana, a grau nga ai wa, rai nga ndai.

SHAKAWN KUNGDAWN 93:4

Hka sumhpa ni ngoi kaba ai hte, Nammukdara a n-gun ja ai hka leng ni hta, Tsaw ai shara de nga ai Yehowa gaw n-gun grau kaba nga ai.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

Daniela 5:18

Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

MIHKA 6:6

Ngai gaw Yehowa a man de, hpa kumhpa hte sit sa nna, tsaw htum ai Karai Kasang hpe nawku na rai ta? Wan nat hkungga hte, ladu hkrum ai dumsu kasha nawng ya let, shi a man de ngai du na rai i?

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.