SHAKAWN KUNGDAWN 5:4 - Jinghpaw Hanson Version Bible

⁴ N tara ai hta awng nga ai Karai Wa, nang rai nga ndai n rai, N hkru ai amu nang hte rau nga lu na, n rai.

Jinghpaw Common Language Bible 2009

⁴ Nang gaw n teng n man ai amu ni hta awng sharawng ai Karai Kasang n rai nga ndai; na a man e, n hkru ai amu hpa hpe mung nang ahkang jaw ai n rai.

SHAKAWN KUNGDAWN 5:4 ပူးပေါင်းရင်းမြစ်များ

1 HKAWHKAM LABAU 29:17

Nye a Karai Kasang e, nang gaw kraw lawang hpe dinglik yu nna, dinghpring ai myit hpe sharawng nga ndai, ngai chye nga nngai. Ngai gaw nye dinghpring ai hta, tsawra ai myit hte ndai arung arai yawng mayawng sak jaw nngai: dai hta kaga, nang e hpawng nga ai, na a amyu masha ni mung nang hpe sak jaw ai lam, kabu gara ai myit hte ngai mada mu nngai.

SHAKAWN KUNGDAWN 101:7

Hkalem sha ai wa gaw, nye a nta hta rawng lu na n rai; Masu ai ga tsun ai wa gaw, nye a man e grin lu na n rai.

SHAKAWN KUNGDAWN 11:5

Yehowa dinghpring ai ni hpe dinglik yu nna, Tara n lang ai wa hte kashun kashe tsaw ai wa hpe, Shi a myit masin n dawng nga mu ai.

SHAKAWN KUNGDAWN 140:13

Gaja wa, dinghpring ai ni, na a amying hpe, shakawn na mara ai; Myit malang ai ni, na a man e anga nga lu na mara ai law.

SHAKAWN KUNGDAWN 50:21

Dai nang galaw ai hpe ngai atsin sha nga nga ai majaw, Nang zawn ngai rai nga nngai, nang myit nga ndai: Rai timung, ngai nang hpe sharin ya nna, Na mara na a man e, hpyan dan na de ai,” ngu wu ai.

SHAKAWN KUNGDAWN 63:2

Na a atsam hte hpung shingkang mu lu n ga, Dai chyoi pra ai Nta hta e ngai nang hpe mada nga nngai.

SHAKAWN KUNGDAWN 88:14

Yehowa e, nang hpa rai nye a myit masin hpe kau da nga n ta? Na a myi man nang hpa rai kayin la kau n ta?

SHAKAWN KUNGDAWN 92:15

Shi gaw, nye a lunghkrung rai nga ai. Shi hta e n ding ai, hpa mung n nga nga ai.

SHAKAWN KUNGDAWN 94:20

Tara a malai, n hkru ai hku tawn da ai, kashun kashe re ai tingnyang gaw, Nang hte hku lu na rai ni?

HABAKU 1:13

N hkru n hkra ai hpe n yu hkra, myit magaw ai lam n mada hkra, san seng ai myi tu ai wa e, nang hpa majaw hkalem hkalau ai wa hpe a mada nga ai hte, tara n lang ai wa gaw, shi hta grau dinghpring ai wa hpe jahtum kau nna,

MALAHKI 2:17

Nanhte gaw Yehowa hpe na jin hkra, nanhte a ga hte shatsang myit dai. Rai timung nanhte gaw, Shi hpe kaning rai shatsang ga ta? nga nna san myit dai. Nanhte gaw, Yubak galaw ai ni yawng, Yehowa man e mai kaja nga ma ai; shi gaw shanhte hta sharawng awng nga ai: tara malang ai hku hkan ai Karai Kasang gaw, kanang nga a ta? nga nna tsun ai gaw, shi hpe shatsang ai, rai nga ai.

YAWHAN 14:23

Yesu gaw, “Ngai e tsawra ai wa rai yang gaw, nye ga matsun hkan shatup na ra ai: nye Wa mung dai wa hpe tsawra na wu ai rai nna, an lahkawng gaw dai wa kaw sa nna shi hte rau hpawng de nga na ga ai.

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.

2 PETRU 3:13

Shing rai byin wa timung, shi a ga ndat majaw, dinghpring rawng ai sumsing lamu nnan hte ginding aga nnan hpe, anhte myit mada nga ga ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.