SHAKAWN KUNGDAWN 48:8 - Jinghpaw Hanson Version Bible

⁸ Zaw nawng zaw wa up ai Yehowa a mare, Anhte a Karai Kasang a mare hta e, Na yu ga ai hte maren, anhte mu yu sagaw ai: Karai Kasang gaw dai hpe tutnawng e shagrin da na wu ai. [Selah.]

Jinghpaw Common Language Bible 2009

⁸ Karai Kasang hpa galaw dan sai amu hpe anhte mu lu sagaw ai; Chyahtum Chyalai n-gun rawng ai Madu anhte a Karai Kasang a mare hta, dai lam hpe anhte ya mu lu saga ai. Shi gaw dai mare hpe htani htana shim nga shangun na ra ai.

SHAKAWN KUNGDAWN 48:8 ပူးပေါင်းရင်းမြစ်များ

1 HKAWHKAM 22:49

Shaloi Ahab a kasha Ahazia gaw Yehosahpat hpe, “Nye a ali ama ni gaw, na a ali ama ni hte rau sanghpaw li jawn mu ga,” ngu nna hpyi timung, Yehosahpat n hkraw wu ai.

SHAKAWN KUNGDAWN 46:5

Karai Kasang gaw de a ka-ang e shanu nga ai: Dai mare gaw shamu shamawt nga ai n rai; Karai Kasang gaw shi hpe jau jau e karum na wu ai.

SHAKAWN KUNGDAWN 87:5

“Langai hte langai, Ziun mung hta shangai wa masai, Tsaw Htum ai Wa mung, dai hpe shadaw da wu ai,” Ngu nna Ziun a lam masha ni tsun na maru ai.

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

ESAIA 38:19

Hkrung nga ai wa sha, gaja wa hkrung nga ai wa sha, dai ni ngai galaw ai hte maren, nang hpe shakawn na ra ai: Kawa gaw kashu kasha ni hpe, na a tengman ai lam sharin na ra ai.

EZEKELA 27:26

“Ya chyawm, na a li shap ai ni gaw, hka kaba ka-ang de nang hpe woi wa nna, sinpraw nbung gaw, nammukdara ka-ang e, nang hpe agrawp kau nit dai.

MIHKA 4:1

Rai timung, hpang jahtum na prat hta e, Yehowa a nta bum gaw, bum pungding ni a ntsa e de nga nna, kawng ni a ntsa e grau tsaw nga ai hte, masha amyu ni dai de htaw bang na mara ai.

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.