SHAKAWN KUNGDAWN 41:3 - Jinghpaw Hanson Version Bible

³ Ali ahti hkrum yang, Yehowa shi hpe shadaw ya na wu ai; Machyi makaw hkrum yang, nang shi a yup ku galai ya na ndai.

Jinghpaw Common Language Bible 2009

³ Shanhte machyi makaw hkrum nga ai shaloi, dai Madu gaw shanhte hpe karum la na ra ai; shanhte hpe hkam kaja lam jaw ya na ra ai.

SHAKAWN KUNGDAWN 41:3 ပူးပေါင်းရင်းမြစ်များ

2 HKAWHKAM 1:16

Dai rai nna Elia gaw hkawhkam wa hpe, “Yehowa ning nga ai, Israela mung hta e mungga sa san yu na Karai Kasang n nga ai majaw, Ekron mare na Balazebu hpara hpe sa san yu na kasa shangun dat ai, rai nni? dai re ai majaw, nang taw nga ai yup ku hta na yu wa lu na n rai; gaja wa teng teng si na rin dai, nga ai,” ngu nna htawn tsun wu ai.

2 HKAWHKAM 1:6

“Marai langai mi anhte hpe hkap tau la nna, ‘Nhtang wa ma su, nanhte hpe shangun dat ai hkawhkam wa hpe ning ngu wa tsun mu, Yehowa gaw ning nga ai, Israela mung hta e Karai Kasang n nga ai majaw, Ekron mare e nga ai Balazebu hpe nang sa san yu ai, rai nni? Dai re ai majaw, nang taw nga ai yup ku hta na, nang yu wa lu na n rai; gaja wa teng teng si na rin dai, ngu mu,” ngu dat mi ai.

SHAKAWN KUNGDAWN 73:26

Nye a hkum shan hte myit masin mat wa timung, Karai Kasang gaw nye a myit lunghkrung hte, prat dingsa na sali wunli rai nga ai.

TARA JAHPRANG 6:24

Shing rai dai ni rai nga ai hte maren anhte a asak hpe bau ya nga na matu, anhte a tutnawng na ngamai nhpang tai lu hkra, anhte a Karai Kasang Yehowa hpe hkrit hkungga nga mu ga nga, Yehowa gaw ndai matsun maroi ga nlang anhte hpe tawn da ya ai, rai nga ai.