SHAKAWN KUNGDAWN 40:10 - Jinghpaw Hanson Version Bible

¹⁰ Na a dinghpring ai hpe nye a kraw e ngai ip da we ai n rai: Na a sadi sahka hte hkye la ai lam ngai hkai dan ni ai. Dai shawa hpawng kaba hta, Na a chyeju hte sadi sahka hpe ngai n makoi da nga nngai.

Jinghpaw Common Language Bible 2009

¹⁰ Dai hkye hkrang la ai shiga hpe ngai hkum nan ip da nga nngai n rai; ngai gaw na a sadi sahka hte karum la ai lam hpe tut nawng atsun ni ai; Na a amyu masha ni yawng a shawa hpawng hta, na a kangka ai lam hte dinggrin tsaw ra nga ai lam ni hpe ngai n tsun ai sha nga kau nngai n rai.

SHAKAWN KUNGDAWN 40:10 ပူးပေါင်းရင်းမြစ်များ

SHAKAWN KUNGDAWN 22:26

Matsan mayan ni hkru kat hkra lu sha lu na mara ai, Yehowa hpe hkan tam ai ni, shi hpe shakawn na mara ai; Nanhte a myit masin tutnawng e ahkrung nga malit ga.

SHAKAWN KUNGDAWN 25:10

Yehowa a ga shaka hte sakse ga hkam ai ni a matu, Shi a lam nlang hte gaw chyeju hte sadi sahka rai nga ai.

SHAKAWN KUNGDAWN 34:6

Ndai matsan mayan wa shaga nga yang, Yehowa madat mara nga nna, ru tsang ai nlang hta na shi hpe hkye la wu ai.

SHAKAWN KUNGDAWN 75:9

Ngai chyawm gaw, tutnawng e hkai dan nna, Yaku a Karai Kasang hpe mahkawn mangoi na nngai.

SHAKAWN KUNGDAWN 89:1

Yehowa a chyeju hpe ngai galoi mung mahkawn mangoi nga na nngai. Nye a n-gup hte na a sadi sahka hpe Prat mi hte prat mi, shana ya na nngai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

EZEKELA 2:7

Shanhte grai gumlau ai ni rai nga nna, madat timung, n madat timung, nang shanhte hpe nye a ga tsun dan na rai ndai.

MIHKA 7:20

Moi chyaloi nhkoi kaw nna, anhte a ji wa ni hpe dagam da ai hte maren, nang gaw, Yaku hta kangka re ai lam, Abraham hta tsawra matsan dum ai lam, naw shadik da na ndai.

LUKA 3:6

Shaloi ahkrang ashan yawng gaw, Karai Kasang a hkye hkrang la ai lam mu lu na mara ai, nga nna myihtoi Esaia laika hta ka da ai ga hte maren rai wa sai.

YAWHAN 1:17

Jep ai tara gaw Mawshe a lata hte jaw da ai, rai nga ai; chyeju hte tengman ai lam gaw, Yesu Hkristu a marang e tai wa ai, rai nga ai.

ROMA 10:3

Karai Kasang a dinghpring ai lam hpe n chye n chyang ma ai rai nna, tinang a dinghpring ai lam hpe shagrin da na chyam yu ma ai majaw, shanhte Karai Kasang a dinghpring ai lam a npu e n taw ma ai.

HPILIPI 3:9

Dai hta n-ga Hkristu hpe ngai lum la lu nna, shi hta grin nga lu na hte, jep ai tara na nye a dinghpring ai n rawng ai sha, Hkristu a makam masham a marang e kamsham ai hte lu la ai Karai Kasang a dinghpring ai rawng nga let,

1 HTESALONI 1:8

Kaning rai nme law, nanhte kaw na dai Madu a mungga gaw, Makedoni mung hte Ahkaia mung e kajai gumhkawng wa ai sha n-ga, Karai Kasang kaw ang wa ai, nanhte a makam masham gaw, shara shagu hkan e chyam wa sai rai nna, anhte gaw hpa mi tsun, shara mung n nga ai.

1 TIMOHTI 1:15

Yubak kap ai ni hpe hkye hkrang la na matu mara, Hkristu Yesu gaw mungkan ga de du ra ai, nga ai ga gaw, kangka re ai hte gaja wa hkam la ging ai ga rai nga ai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.