SHAKAWN KUNGDAWN 40:1 - Jinghpaw Hanson Version Bible

¹ Yehowa hpe maja let ngai a la nga nngai; Ngai hpang de shi na kayin nna, Ngai hpyi jahtau ai ga madat ya ni ai.

Jinghpaw Common Language Bible 2009

¹ Madu karum la na matu ngai myit galu ai hte ala nga nngai; shaloi, ngai hpe shi madat ya nna, nye a hpyi jahtau ai nsen hpe na ya ni ai.

SHAKAWN KUNGDAWN 40:1 ပူးပေါင်းရင်းမြစ်များ

SHAKAWN KUNGDAWN 116:2

Shi gaw ngai hpang de shi a na kayin dat wu ai rai nna, Ngai hkrung nga ai prat hte hta e, ngai shi hpe shaga na nngai.

SHAKAWN KUNGDAWN 130:2

Madu e, nye a nsen hpe madat mara ya e: Ngai akyu hpyi ai nsen hpe, Na a na hte na la nna matsing ya e.

SHAKAWN KUNGDAWN 34:15

Yehowa a myi gaw dinghpring ai ni hpe yu nga nna, Shanhte a jahtau ai ga hpe shi a na madat nga ai.

SHAKAWN KUNGDAWN 37:7

Yehowa a man e amu sha nga nna shi hpe ala nga u: myit magaw ai hku maw nna, shabyin lu ai hte, n hkru ai lam hta awng nga ai wa a jaw e, myit hkum kahtet et.

Daniela 9:18

Nye a Karai Kasang e, na a na kayin nna, madat mara ya e; na a myi hpaw nna, anhte katsi katsang rai nga ai hpe mung, na a mying gang ai mare hpe mung, mada yu u; anhte gaw tinang dinghpring ai hpe hpa nna tawngban ga ai, n rai; na a chyeju myit kaba hpa nna she, tawngban nga ga ai.