SHAKAWN KUNGDAWN 4:4 - Jinghpaw Hanson Version Bible

⁴ Myit kahtet nga timung, yubak hkum galaw myit, Yup ku hta tinang dai dai myit sumru yu nna atsin sha nga mu. [Selah.]

Jinghpaw Common Language Bible 2009

⁴ Hkrit gari ai hte yubak galaw ai lam hpe jahkring kau mu; nanhte a yupku ni a ntsa e, azim sha kaleng nga ai shaloi, dai lam hpe sung sung myit yu mu.

SHAKAWN KUNGDAWN 4:4 ပူးပေါင်းရင်းမြစ်များ

YOBA 28:28

Shinggyim masha hpe chyawm gaw, yu u, Madu hpe hkrit hkungga na, hpaji byeng-ya rai nga ai; yubak mara koi kau na, chye chyang ai lam rai nga ai, ngu nna hkang da nu ai,” nga ai.

SHAKAWN KUNGDAWN 119:161

Mara n nga timung, du ni ngai hpe hkan shachyut ma ai; Rai timung, nye a myit na a ga hpe hkungga nga ai.

SHAKAWN KUNGDAWN 17:6

Karai Wa e, nang ngai hpe htan ya ndai majaw, Ngai nang hpe a shaga nga nngai: Ngai hpang de na kayin nna, nye a ga madat ya e.

SHAKAWN KUNGDAWN 2:11

Yehowa hpe hkungga lara ai hte daw mu, Hkrit gari ai hte kabu gara nga mu.

SHAKAWN KUNGDAWN 3:2

“Karai Kasang hta shi a matu hkye la shara n nga ai,” nga nna, nye myit masin a lam, law law wa tsun ma ai. [Selah.]

SHAKAWN KUNGDAWN 3:4

Nye a nsen hte ngai Yehowa hpe shaga nga nna, Shi gaw shi a chyoi pra ai bum hta nna ngai hpe htan ya ni ai. [Selah.]

SHAKAWN KUNGDAWN 33:8

Yehowa man e, aga ting hkrit kamyin nga u ga, Mungkan e nga ai ni nlang hte gaw agam nga mu ga.

SHAKAWN KUNGDAWN 46:10

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e dan hkung nga na nngai.

SHAKAWN KUNGDAWN 63:6

Nye a myit masin sau ai hpum ai hte zawn hkru kat wa nna, Kabu gara ai nten hte nye a n-gup nang hpe shakawn nga ai.

SHAKAWN KUNGDAWN 77:6

Nye a shana na mahkawn mangoi ga hpe ngai dum nga nna, Nye a kraw hta e myit sumru nga nngai: Nye a wenyi mung Madu a lam a gawn yu nga ai.

GA SHAGAWP 16:17

Myit malang ai ni a nmaw lam gaw, yubak hpe koi kau ai lam rai nga ai; Tinang a lam hpe chye sin ai wa gaw, tinang myit masin hpe sin nga ai.

GA SHAGAWP 16:6

Chyeju hte kangka ai gaw, yubak mara hpe htingrai lu nga ai; Yehowa hpe hkrit kamyin ai myit hte, yubak hpe koi kau lu nga ai.

GA SHAGAWP 3:7

Ngai hpaji rawng nngai, hkum myit et; Yehowa hpe hkrit hkungga nna, yubak hpe koi kau u.

YEREMIA 5:22

Nanhte ngai hpe n hkrit hkungga myit ni? Nammukdara hka leng ni n lai lu hkra, zaibru hpe jarit shatai na, htani htana mungga tawn da ai, nye man e wa, n hkrit gari nga myit ni? dai hka leng ni hta wa timung, dang lu ai n rai; wu kadu timung, lai lu ai n rai.

HABAKU 2:20

Dai sumla gaw sharin achyin lu a ni? Yu u, dai gaw aja gumhpraw hte sup nna, de a kraw lawang e nsoi nsa hpa n rawng nga ai.

2 KORINHTU 13:5

Nanhte gaw dai makam masham hta de nga myit dai kun, tinang dai chyam yu mu; nanhte tinang hkum hpe dinglik yu mu: dinglik yu ai n hkam lu ai ni, nanhte n rai nga myit yang me, Yesu Hkristu nan nanhte a hkum hta e rawng nga ai hpe, nanhte n chye nga myit ni?

EHPESU 4:26

“Myit kahtet timung, yubak hkum galaw myit:” nanhte myit naw kahtet bu nga yang, jan hkum shadu myit: