SHAKAWN KUNGDAWN 38:1 - Jinghpaw Hanson Version Bible

¹ Yehowa e, na a masin pawt ai hte ngai hpe hkum daru et; na a myit kahtet ai hte, ngai hpe hkum sharin ya et.

Jinghpaw Common Language Bible 2009

¹ O Madu e, na a masin kahtet ai hta ngai hpe ari hkum jaw et!

SHAKAWN KUNGDAWN 38:1 ပူးပေါင်းရင်းမြစ်များ

SHAKAWN KUNGDAWN 6:1

Yehowa e, na a masin pawt ai hte ngai hpe ari hkum jaw e, Na a myit kahtet ai hte ngai hpe hkum sharin ya et.

SHAKAWN KUNGDAWN 70:1

Karai Kasang e, ngai hpe mawai la na, Yehowa e, ngai hpe karum na, lawan rit.

SHAKAWN KUNGDAWN 88:7

Na a myit kahtet ai nye a ntsa e dip nga nna, Na a hka leng ni yawng ngai hpe kamyet nga ma ai. [Selah.]

ESAIA 27:8

N rai law, nang shanhte hpe shapraw kau yang, sharam ai myit hte nang ari jaw nna, sinpraw nbung bung ai shani e shanhte hpe ahpawt kau manu ai.

ESAIA 54:8

pawt sindawng let, ngai nye a myi man nang kaw na hkring mi sha kayin kau timung, prat dingsa n-gaw nwai myit hte nang hpe matsan naw dum na ra ai, nga nna nang hpe Hkye hkrang la ai Wa, Yehowa tsun nga ai.

YEREMIA 10:24

Yehowa e, ngai hpe sharin e; rai timung, ngai n htum mat hkra, na a pawt sindawng ai hte n rai; shadawn sharam hte sha, sharin e.

YEREMIA 30:11

Nang hpe hkye hkrang la na nga, ngai nang hte rau rai nga nngai; nang hpe dumbru dumbra nga shangun ai mungdan ni yawng hpe, ngai jahtum kau na nngai; nang hpe chyawm gaw, jahtum kau na n rai; rai timung, ngai nang hpe mara n kap ai wa n ngu lu nna, nang hpe ram ram naw shari na de ai, nga nna Yehowa tsun ai.

HABAKU 3:2

Yehowa e, ngai na a lam shiga na nna hkrit nga nngai; Yehowa e, ndai shaning laman e, na amu hpe bai shapraw u; Ndai shaning laman e, ndai hpe shadan dat u: Pawt sindawng timung, matsan dum ai lam dum u.

TARA JAHPRANG 9:19

Kaning rai nme law, Yehowa nanhte hpe shamyit kau sa na nga, pawt bu ai sindawng hpe ngai hkrit nga nngai: Yehowa chyawm gaw dai lang hta mung nye a ga madat ya ni ai.