SHAKAWN KUNGDAWN 26:10 - Jinghpaw Hanson Version Bible

¹⁰ Shanhte a lata hta n hkru n hkra ai rawng nga nna, Hkra lata gaw sake manawn hte hpring nga malu ai.

Jinghpaw Common Language Bible 2009

¹⁰ shanhte gaw n hkru n shawp ai lam hpe aten shagu galaw nga ma ai, mayun kumhpa hpe hkap la na matu, tut nawng e, jin jin rai ma ai.

SHAKAWN KUNGDAWN 26:10 ပူးပေါင်းရင်းမြစ်များ

SHAKAWN KUNGDAWN 10:14

Gaja wa nang mu mada nga ndai: na a lata hta matsing da na, N shawp ai hte shatsang ai hpe, nang a yu nga ndai; Nji nmu ai wa nang hta shamyet shanat nga ai; Jahkrai nmai ni a karum ai wa, nang tai nit dai.

SHAKAWN KUNGDAWN 11:2

Yu u, tara n lang ai ni ndan shachyen nna, Myit malang ai ni hpe nsin e gap na nga, Pala hpe ndan sumri hta bang da mu ai.

SHAKAWN KUNGDAWN 36:4

Shi a yup ku hta n hkru ai hku daw nga ai, N kaja ai lam hta shi a tsap nga ai: N shawp ai hpe shi matsat kau wu ai n rai.

SHAKAWN KUNGDAWN 52:2

Lau sha ai wa e, na a shinglet, Dai ai kara nhkyi zawn hten byak ai maw nga ai.

PRU MAT 23:8

Nang sake manawn sha lu na ndai n rai: kaning rai nme law, dai baw kumhpa gaw hpaji rawng ai ni a myi hpe magap ya nna dingman ai ni a ga hpe gale kau ya lu ai.

GA SHAGAWP 1:16

Kaning rai nme law, shanhte a lagaw n hkru ai galaw na gat nna, Masha asai jahkaw kau na lawan nga malu ai.

GA SHAGAWP 4:16

Shanhte gaw n hkru ai amu n lu galaw yang, n yup lu ma ai; Masha hpe n kataw shangun yang, yup n pyaw lu ma ai.

ESAIA 33:15

Dinghpring ai hku hkan ai wa, malang ai ga tsun ai wa; map lu map sha ai amyat matsat ai wa, sake manawn sha na lata gang kau ai wa, masha sat na amu n na mayu ai wa, n shawp ai amu hpe n mada yu ai wa gaw,

AMO LAIKA (AMOS) 5:12

Kaning rai nme law, nanhte a tawt lai ai yubak amyu myu hte, nanhte a mara gade kaba nga ai hpe, ngai chye nngai: nanhte gaw dinghpring ai ni hpe zingri zingrat nna, sake manawn sha let, matsan mayan ni hpe mare chyinghka lam e n tara ai hku dawdan myit dai.

MIHKA 7:3

N hkru n hkra ai amu galaw na, shanhte a lata tsam mari shakut ma ai: du wa gaw kumhpa hpyi nga ai; tara agyi wa gaw, mayun kumhpa sha nga ai; aya kaba lu ai wa gaw, shi myit magaw ai lam shapraw dan nga ai: shing rai shanhte gaw myit langai sha hte galaw ma ai.

KASA 23:12

Ya nhtoi htoi yang Yuda masha ni jawm hpawng nna, “Pawlu hpe garai n sat lu lu gaw, hpa mung n lu n sha na ga ai,” nga nna tinang hkum dai dagam shaka ma ai.

TARA JAHPRANG 16:19

Tara lam hta na nang jashai lu na n rai; masha myi man tau lu na n rai; manawn kumhpa mung sha lu na n rai: kaning rai nme law, manawn kumhpa gaw hpaji rawng ai ni a myit hpe dingga kau ya nna, dingman ai ni a ga hpe gale kau ya chye ai.

1 SAMUELA 8:3

Rai timung, shi a kasha yan gaw kawa a lam n hkan ma ai: gumhpraw marin ai hte dam mat wa nna, kumhpa sha let tara jahten ma ai.