SHAKAWN KUNGDAWN 26:1 - Jinghpaw Hanson Version Bible

¹ Yehowa e, nye a myit san pra ai hte ngai hkawm nga nna, Myit n kashai let, Yehowa hpe shamyet shanat nga nngai majaw, Ngai hpe tara dara ya e.

Jinghpaw Common Language Bible 2009

¹ O Madu e, teng man ai lam hpe ngai galaw nna nang hta tsep kawp kam hpa nga nngai majaw ngai hpe mara n kap ai wa ngu nna htawn shana ya e.

SHAKAWN KUNGDAWN 26:1 ပူးပေါင်းရင်းမြစ်များ

2 HKAWHKAM 20:3

“Yehowa e, ngai gaw na a man e kangka nna myit ding ai hte hkawm nga nngai rai nna, nang sharawng awng ai lam shagu hpe hkan galaw ni ai gaw, dum ya e law,” ngu nna hkrap ngu hkrap ngoi let, Yehowa hpe hpyi nem wu ai.

YOBA 2:3

Bai Yehowa gaw, “nye a shangun ma Yoba hpe nang matsing da nu ni? Ga ntsa e shi hte bung ai wa n nga ai; shi gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau ai wa rai nga ai: mara n nga ai, shi hpe jahten na nga, nang ngai hpe shadut timung, shi gaw shi a dinghpring ai myit hta naw agrin nga ai,” ngu nna Satan hpe tsun wu ai.

YOBA 4:6

Nang tara hkungga ai gaw, na a myit machyu shara, na dinghpring ai lam gaw, na a myit mada shara rai nga ai, n rai ni?

SHAKAWN KUNGDAWN 121:3

Shi gaw na a lagaw hpe kashawt shangun na, n rai; Nang hpe bau sin ai wa gaw yup wa ai n rai.

SHAKAWN KUNGDAWN 15:2

Tara hkan ai myit hte hkawm nna, dinghpring ai amu galaw let, Shi a myit hta dingman ai ga tsun ai wa;

SHAKAWN KUNGDAWN 21:7

Hkawhkam wa gaw Yehowa hta maju jung nga nna, Tsaw htum ai Wa a chyeju hte shamu shamawt lu na n rai.

SHAKAWN KUNGDAWN 25:2

Nye a Karai Kasang e, nang hta ngai shingbyi nga nngai; Ngai kaya kahpa hkrum na nngai n rai: Nye a gumlau ni ngai hpe dang lu na mi ai, n rai.

SHAKAWN KUNGDAWN 25:21

Nang hpe ngai myit mada nga nngai majaw, Myit san ai hte dingman ai gaw, ngai hpe sin nga mi ga.

SHAKAWN KUNGDAWN 26:11

Ngai chyawm gaw, nye a myit san pra ai hte hkawm nga nngai: Ngai hpe hkye hkrang la e, ngai hpe matsan dum la e law.

SHAKAWN KUNGDAWN 28:7

Yehowa gaw nye a n-gun hte n-gang rai nga ai, Shi hta nye a myit shingbyi nga nna ngai karum ai hkrum ni ai. Dai majaw nye a myit awng nga nna, Mahkawn mangoi let ngai shi hpe chyeju jaw na nngai.

SHAKAWN KUNGDAWN 31:14

Ngai chyawm gaw, nang hta shamyet nga nngai, Yehowa e; “Nang gaw nye a Karai Kasang rai nga ndai,” ngai nga nga nngai.

SHAKAWN KUNGDAWN 35:24

Nye a Karai Wa Yehowa e, na a dinghpring ai hte ngai hpe tara dara ya e. Shanhte mung nye a lam n kabu lu mu ga.

SHAKAWN KUNGDAWN 37:31

Shi a Karai Wa a tara gaw shi a kraw lawang hta e rawng nga ai; Shi a lagaw lahpan kashawt lu na n rai.

SHAKAWN KUNGDAWN 4:5

Dinghpring ai hkungga nawng jau nna, Yehowa hpe shamyet shanat nga mu.

SHAKAWN KUNGDAWN 43:1

Karai Kasang e, n hkru ai amu a majaw, Ngai hpe dawdan nna jeyang ya e; Hkalem sha ai ni hte n shawp ai ni kaw na, ngai hpe mawai la e.

SHAKAWN KUNGDAWN 54:1

Karai Kasang e, na a amying hte ngai hpe hkye la e, Na a atsam hte ngai hpe jeyang ya e.

SHAKAWN KUNGDAWN 62:2

Shi chyu sha nye a lunghkrung, nye a hkye hkrang la ai lam, Nye a langchyi rai nga ai; ngai shamu shamawt ai law law n hkrum na nngai.

SHAKAWN KUNGDAWN 62:6

Shi chyu sha nye a lunghkrung, nye a hkye hkrang la ai lam, Nye a langchyi rai nga ai: ngai shamu shamawt ai n hkrum na nngai.

SHAKAWN KUNGDAWN 7:8

Yehowa gaw masha amyu ni hpe jeyang nga ai. Yehowa e, ngai hta rawng ai dinghpring ai hte myit tsup ai hpe tau yu nna, ngai hpe tara dara ya e.

SHAKAWN KUNGDAWN 94:18

Ngai gaw, “Nye a lagaw kashawt nga li ai,” nga ai shaloi, Yehowa e, na a chyeju ngai hpe shadaw ni ai.

GA SHAGAWP 20:7

Dinghpring ai wa gaw, tinang a tengman ai lam hta hkan hkawm ai majaw, Shi a kashu kasha ni a lu ma ai.

GA SHAGAWP 29:25

Masha hpe hkrit ai myit gaw, mahkam rai nga ai; Yehowa hpe shamyet ai wa chyawm gaw, shagrau ai hkrum na ra ai;

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

HEBRE 10:23

anhte a myit mada shara hte seng ai nawku htung hta, n shamu n shamawt hkra, anhte maju jung nga ga; kaning rai nme law, ga ndat tawn da ai wa gaw, kangka re ai wa rai nga ai:

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.

2 PETRU 1:10

Dai re ai majaw hpunau ni e, nanhte hpe shaga da ai hte lata la ai chyeju hpe shangang shakang rai lu u ga, larau ladau rai nga mu: dai hku galaw nga myit yang gaw, nanhte galoi mung kataw katan rai wa na myit dai n rai:

1 SAMUELA 2:9

Shi a chyoi pra ai ni a lagaw, shi shading ya na ru ai; Tara n lang ai ni chyawm gaw, nsin kata e tsin nga na masai; Tinang a atsam n-gun hte dang lu ai kadai n nga ai.

1 SAMUELA 24:15

Dai re ai majaw Yehowa she tara agyi tai ya mi ga; nang hte nye a lapran e shi hparan ya mi ga; shi nan mada yu nna ngai hpe na a lata na hkrang la n ga,” ngu nna Shawlu hpe tsun wu ai.