SHAKAWN KUNGDAWN 22:5 - Jinghpaw Hanson Version Bible

⁵ Shanhte nang hpe shaga nna, lawt wa lu ma ai. Nang hpe kamsham nna, kaya kahpa n hkrum ma ai.

Jinghpaw Common Language Bible 2009

⁵ Shanhte gaw nang hpe shaga mu ai hte, hkrithpa shara kaw nna lawt lu nga masai; shanhte nang hpe kam hpa manoi manat nga ma ai hte myit daw myit hten nga ma ai n rai.

SHAKAWN KUNGDAWN 22:5 ပူးပေါင်းရင်းမြစ်များ

1 HKAWHKAM LABAU 5:20

Shanhte gasat nga ma yang, Karai Kasang hpe hpyi jahtau let, shi hpe tawngban ai hte shi hta shamyet shanat nga ma ai majaw, shanhte karum ai lu la nna, Hagara masha ni hte shanhte hte rau rai nga ai yawng hte hpe rim la lu mu ai:

SHAKAWN KUNGDAWN 106:44

Rai timung, shanhte a jahtau ai ga na ya mu yang, Shi shanhte a ru tsang ai hpe mu ya mu ai.

SHAKAWN KUNGDAWN 31:1

Yehowa e, nang hta ngai shingbyi nga nngai; Ngai galoi mung kaya kahpa n hkrum n ga: Na a dinghpring ai hte ngai hpe mawai la e.

SHAKAWN KUNGDAWN 71:1

Yehowa e, nang hta ngai shingbyi nga nngai: Kaya kahpa galoi mung, n hkrum na nngai.

ESAIA 45:17

Israela chyawm gaw, Yehowa a jaw e htani htana hkye hkrang la ai lam hkrum na ra ai; nanhte gaw htani htana prat dingsa e kaya kahpa hte mak mat ai n hkrum na myit dai.

ESAIA 49:23

Hkawhkam ni gaw na a kawa malai, hkawhkam jan ni na a chyu jaw kanu malai tai na mara ai: shanhte a man e gum dagup nna, na a lagaw na ga nhpu mata na mara ai: ngai gaw Yehowa rai nga nngai, nang chye na rin dai; ngai hpe ala nga ai ni kaya kahpa hkrum na n rai.

YEREMIA 50:7

Shanhte hpe mu hkrup ai ni yawng, shanhte hpe sha kau manu ai: hpyen ni mahtang, shanhte gaw kaji kawa ni a myit mada shara ngu ai, Yehowa a dinghpring ai nga shara hpe shut kau ai majaw, anhte hta mara n kap ga ai, nga nna tsun ma ai.

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

ROMA 10:11

Dai Chyum Laika mung, Shi hpe kamsham ai ni yawng mayawng hte gaw kaya kahpa n hkrum na ra ai, nga ai.

ROMA 9:33

Shing rai, “Ahtu kataw na nlung hte, myit kataw shangun na lunghkrung hpe, Ziun hta e ngai tawn da se ai rai nna, Shi hpe kamsham ai wa gaw, kaya kahpa n hkrum na ra ai,” nga nna ka da nga ai hte maren, dai ahtu kataw na nlung hta e shanhte ahtu kataw nga ma ai.

1 PETRU 2:6

Kaning rai nme law, “Yu mu, lata la ai hte hpu la ai jut na nlung gaw, Ziun hta e ngai gaw da se ai rai nna, Dai hpe kamsham ai wa gaw, kaya kahpa n hkrum na ra ai,” nga nna laika hta rawng nga ai.

TARA AGYI 4:3

Dai wa gaw hpri hpyen leng jahku tsa lu nna, Israela kashu kasha ni hpe hkun ning tup zingri zingrat wu ai majaw, Israela kashu kasha ni Yehowa hpe hpyi jahtau mu ai.

TARA AGYI 6:6

Shing rai, Israela masha ni Midian masha ni majaw, mala la matsan mat nna, Israela kashu kasha ni gaw Yehowa hpe hpyi jahtau ma ai.