SHAKAWN KUNGDAWN 2:3 - Jinghpaw Hanson Version Bible

³ “Shan a hkang hkyihkyang anhte gang dut gaw, shan a sumri anhte kabai kau gaw,” nga ma ai.

Jinghpaw Common Language Bible 2009

³ Shanhte gaw, “Shanhte a up hkang ai kata kaw nna, anhte hkum nan lawt lu u ga; shanhte tek jum da ai hpe anhte lamat kabai kau ga,” nga nna tsun ma ai.

SHAKAWN KUNGDAWN 2:3 ပူးပေါင်းရင်းမြစ်များ

YEREMIA 2:20

“Nang mahtang moi kaw nna na a kandang hpe daw kau nna, nang hpe gyit ai sumri gang dut kau nhtawm, Ngai gaw mayam amu n galaw na nngai, nga nna tsun ndai: kaning rai nme law, tsaw ai kawng shagu a ntsa e mung, tsit lali ai hpun shagu a npu e mung, nang gum nna shawa num tai nga ndai.

YEREMIA 5:5

Shing rai salang ni hpang de ngai sa tsun na nngai; shanhte gaw Yehowa a lam hpe mung, tinang a Karai Kasang a tara ding ai lam hpe mung chye na ma ai, nga nngai rai timung shanhte gaw myit langai sha hte kandang hpe daw kau nna, sumri ni hpe gang dut kau manu ai.

LUKA 19:14

Shi a mung masha ni chyawm gaw, shi hpe n dawng da mu ai rai nna, ‘Ndai wa anhte a ntsa e up nga na, anhte n ra ga ai,’ ngu nna shi a hpang e kasa hkan shangun dat mu ai.

LUKA 19:27

Dai hta kaga, shanhte a ntsa e ngai hpe up shangun na n ra ai, nye a gumlau ni hpe, nang de dun wa nna, nye a man e sat kau maru, ngu nna hkang dat mu ai,” ngu wu ai.