SHAKAWN KUNGDAWN 17:7 - Jinghpaw Hanson Version Bible

⁷ Na a hkra lata hte gumlau rawt ai ni kaw na Kamsham ai ni hpe hkye hkrang la ai wa e, Na a mauhpa chyeju madun dan mu.

Jinghpaw Common Language Bible 2009

⁷ Na a mauhpa tsaw ra myit madun dan nna ngai hpe hkye hkrang la e; na a makau e nga lu yang, ngai gaw nye a gumlau hpyen ni a lata kaw nna shim lum nga nngai.

SHAKAWN KUNGDAWN 17:7 ပူးပေါင်းရင်းမြစ်များ

2 HKAWHKAM 19:22

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

2 HKAWHKAM 19:34

Kaning rai nme law, Yehowa tsun ai gaw, ‘Ngai hkum nan a majaw mung, nye shangun ma Dawi a majaw mung, ndai mare hpe ngai makawp maga nna hkye hkrang la na we ai, nga ai,” ngu dat mu ai.

2 HKAWHKAM LABAU 16:9

Kaning rai nme law, Yehowa gaw, dinghpring ai ni a matu, ngang ai shingbyi shara tai na nga, shi a myi mungkan ting hproi hkra mada yu nga ai: nang chyawm gaw ndai lan hta ngawk ai hku galaw kau nu ai; dai majaw ya kaw nna hpyen majan a pru nga na sai, ngu wu ai.

SHAKAWN KUNGDAWN 20:6

Yehowa shi a namman chya ya ai wa hpe hkye la nga ai gaw, ya ngai chye nngai. Shi a hkra lata hte galaw ai nsam amu hte, Chyoi pra ai lamu de na shi hpe htan ya wu ai.

SHAKAWN KUNGDAWN 31:21

Yehowa gaw, a nga u ga law! ngang ai mare hta, Mauhpa sumnung ai myit, shi ngai hpe madun dan ni ai.

SHAKAWN KUNGDAWN 31:22

Ngai chyawm gaw, “Na a man e ngai n shang lu nngai,” nga nna, myit kaji let tsun nga nngai; Rai timung, nang hpe hpyi jahtau yang, Ngai akyu hpyi ai nsen nang madat ya ndai.

SHAKAWN KUNGDAWN 44:3

Shanhte a nhtu hte dai mungdan hpe shanhte madu lu mu ai n rai, Shanhte a lata gaw shanhte hpe hkye la mu ai n rai: Na a hkra lata, na a lahpum, na a myi man a nhtoi hte, shanhte hkye hkrang la ai hkrum mu ai; Kaning rai nme law, nang shanhte hpe tsawra mu ai.

SHAKAWN KUNGDAWN 60:5

Na a tsawra ai ni gaw lawt lu mu ga, Na a hkra lata hte hkye la nna, anhte hpe htan ya mi.

SHAKAWN KUNGDAWN 78:12

Shi gaw shanhte a kaji kawoi ni a man e, Egutu mung na Zuan prang hta e, mauhpa amu galaw wu ai.

PRU MAT 15:6

Yehowa e, na hkra lata gaw, n-gun hte dan hkung nga lit dai; Yehowa e, na hkra lata gaw hpyen ni hpe agrawp kau nu ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

KASA 2:33

Shing rai, Karai Kasang a hkra lata hte shagrau tawn nu ai rai nna, Chyoi pra ai Wenyi a lam, Kawa kaw na ga ndat lu la wu ai majaw, ya nanhte mu lu, na lu ai lam, shi ru jaw dat ru ai.

SHINGRAN 15:3

Shanhte gaw Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi let, “Chyahtum chyalai n-gun rawng ai Madu Karai Kasang e, na a magam bungli gaw kaba htum ai hte mauhpa rai nga ai: Ju majat prat janat na Hkawhkam wa e, na a magam lam ni gaw dinghpring ai hte tengman ai hkrai rai nga ai;