SHAKAWN KUNGDAWN 17:6 - Jinghpaw Hanson Version Bible

⁶ Karai Wa e, nang ngai hpe htan ya ndai majaw, Ngai nang hpe a shaga nga nngai: Ngai hpang de na kayin nna, nye a ga madat ya e.

Jinghpaw Common Language Bible 2009

⁶ Karai Kasang e, nang ngai hpe htan ya ndai majaw, ngai nang hta akyu hpyi nga nngai. Dai majaw, ngai hpang de kayin wa nna, nye a ga ni hpe madat ya e.

SHAKAWN KUNGDAWN 17:6 ပူးပေါင်းရင်းမြစ်များ

SHAKAWN KUNGDAWN 116:2

Shi gaw ngai hpang de shi a na kayin dat wu ai rai nna, Ngai hkrung nga ai prat hte hta e, ngai shi hpe shaga na nngai.

SHAKAWN KUNGDAWN 4:4

Myit kahtet nga timung, yubak hkum galaw myit, Yup ku hta tinang dai dai myit sumru yu nna atsin sha nga mu. [Selah.]

SHAKAWN KUNGDAWN 55:16

Ngai chyawm gaw, Karai Kasang hpe shaga nga nna, Yehowa ngai hpe hkye hkrang la na nngai.

SHAKAWN KUNGDAWN 86:7

Nang ngai hpe htan ya na ndai majaw, Ngai ru tsang ai nhtoi e, ngai nang hpe shaga na nngai.

SHAKAWN KUNGDAWN 88:2

Ngai hpyi ai ga nang kaw hkrang u ga, Ngai jahtau ai ga, nang na la ya e.

ESAIA 37:17

Yehowa e, na la nna madat mara ya e; Yehowa e, na a myi hpaw nna mada yu u; ahkrung nga ai Karai Kasang hpe shatan nhkan ai Senahkerib shagun ai ga mahkra hpe matsing nga u law.

ESAIA 37:20

Ya chyawm gaw, anhte a Karai Kasang Yehowa e, nang Yehowa hkrai Karai Kasang rai nga ai gaw, ga ntsa mungdan ni nlang chye na lu mu ga, anhte hpe shi a lata na hkye hkrang la mi law,” ngu nna hpyi nem wu ai.